1Chay timpu wayapacuna ashllaylla puchupäcuptinmi anćhish walmicuna juc wayapallacta chalacaycälil nipäcunꞌa: “Yaꞌacuna quiquïpa micuynïcunawanmi cawsaculcäśhä; müdanäcunactapis quiquïcunamá taliculcäśhä. Śhutiquita apanalläpa yaꞌawan caycuy. Chayćha nunacunäpa manaña jamuyäśhachu capäcuśhä” nil.
Śhamü timpućhu Jerusalen imanuy cananpäpis2Chay muyunmi Tayta Diospa chillquichimuśhanca,
tuqui-tuqui, sumä-sumä cacunꞌa.
Quïdä israelcunäpämá chay ćhaclacunäpa
wayuynin sumä allin caycunꞌa.
3Sionćhu quïdäcunäta, Jerusalenćhu puchücunätam
nipäcunꞌa: “Tayta Diospa japächäśha nunacunam” nil.
Chaynu nipäcunꞌa Jerusalenćhu cawsäcunäpïta apuntäśha cäcunätamari.
4Tayta Diosmi sumä walayänu cä cäraycuyninwan
tuquish cä Sionpa mana allinninta paꞌaycunꞌa;
Jerusalenpa yawar jićhaśhanwan anlatacuśhantamá chuyanchaycunꞌa.
5Jinalculmi Sion ulꞌuman, jinaman chayćhu lluy juntunaculcäśhanmanpis,
Tayta Dios sumä pucutaywan muyunpa llantuycachimunꞌa;
tutapañatacmi nina walayäta ćhulaycunꞌa.
Chay janäninćhümi Tayta Diospa sumä caynin atäśhanu caycunꞌa.
6Chaynüpam paycunacta ramädanu lupaycäpïta muyunpa llantuycunꞌa;
tamyapïtawan sumä waywapïtamá atajaycunꞌa.
Who We AreWhat We EelieveWhat We Do
2025 by iamachristian.org,Inc All rights reserved.
