Levitico 27 - Old Testament Quechua Wanca（QVW）

Tayta Diospa japächäśha cäcunäpïmi nin

1Chaypïtam Moisesta Tayta Dios nin:

2“Israel caśhtacunäta nimuy: ‘Mayanpis Tayta Diosta sirbinanpä limalicuśhan nunacta julucuyta munalꞌa juc nunap ćhaninmannümi uycunꞌa.

3Ishcay ćhunca (20) watayüpi aśhta süta ćhunca (60) watayü-cama umri captinꞌa Chuya Sityućhu cä midïdanmannümi picha ćhunca (50) illayta uycunꞌa.

4Walmi captinñatacmi quimsa ćhunca (30) illayta uycunꞌa.

5Sïchuśh picha watayüpi aśhta ishcay ćhunca (20) watayü-cama umri captinꞌa ishcay ćhunca (20) illaytam uycunꞌa; walmi captinñatacmi ćhunca illayta uycunꞌa.

6Sïchuśh juc quillayüllapi aśhta picha watayü-cama umri captinꞌa picha illaytam uycunꞌa; walmi captinñatacmi quimsa illayta uycunꞌa.

7Ñatac süta ćhunca (60) watayu ütac mas watayu captinꞌa ćhunca pichayu illaytam uycunꞌa; walmi captinñatacmi ćhunca illayta uycunꞌa.

8Ñatac limalicuśhanpi unanchaśhanmannu uycunanpä pasaypi waccha captinꞌa sasirdütimanmi puśhanqui. Paymi ćhaninchanꞌa capuśhallanman tincüta uycunanpä.

9“ ‘Sïchuśh juc uywacta Tayta Diosman uycülulñá, chay uywa payllapäña japächäśham canꞌa.

10Ñatac chay uywacta manam cambianquimanchu nïtac pudirninta śhalcachinquimanchu allin ütac mana allin uywawanpis. Cambialuptiquiꞌa ishcaynin uywañam japächäśha quïdanꞌa.

11“ ‘Sïchuśh Tayta Diosman mana uycuna anla uywacta uycuptinꞌa sasirdütimanmi uywaca puśhaśha canꞌa.

12Paymi allin ütac mana allin caśhantapis ćhaninchanꞌa. Chaynu sasirdütica ćhaninchaśhanmannümi imanuy cacuptinpis canꞌa.

13Chay uywacta julucuyta munalꞌa lluy ćhaninta uycul, jinaman picha partiman ćhaninta laquiycul jucnintalämi yapaycunꞌapis.

14“ ‘Mayanpis wasinta Tayta Diospä japächaycuptinꞌa sasirdütim chay wasip ćhaninta imanuy caśhantapis licaycul ćhaninchanꞌa. Chaynu sasirdütica ćhaninchaśhanmannümi anchap ćhaniyu ütac ash ćhaniyüpis quïdanꞌa.

15Ñatac wasinta japächaycüca julucuyta munalꞌa lluy ćhaninta uycul, jinaman picha partiman ćhaninta laquiycul jucnintalämi yapaycunꞌapis. Chaylämi paypä canꞌa.

16“ ‘Mayanpis parti ćhaclanta Tayta Diospä japächaycuptin, chay ćhacla talpuśha caśhanmannümi ćhaninchaśha canꞌa; ishcay paćhac ishcay ćhunca (220) quïlu siwä muju yaycüca, picha ćhunca (50) illaymi bälinꞌa.

17Chay ćhaclanta libri cä watapi Tayta Diospä japächaycuptin, chaynu ćhaniyüllamari canꞌa.

18Ñatac libri cä watapi puntaman ćhaclanta japächaycuptinꞌa sasirdütim ayca ćhanin caśhantapis ćhaninchanꞌa. Chay watapi allaycul libri cä watacama ćhaninta juluyculmi wata pasaśhancunapi bäjaycunꞌa.

19“ ‘Sïchuśh ćhaclanta japächaycüca julucuyta munalꞌa ćhaninta uycul, picha partiman ćhaninta laquiycul jucnin partictalämi yapaycunꞌapis. Chaylämi paypa canꞌa.

20Ñatac quiquin mana julucuptin jucman lanticüluptinꞌa manañam imaypis julucunmanñachu.

21Chay libri cä wataćhu ćhaclaca libriña quïdäluptinꞌa Tayta Diosllapä japächäśhañam quïdanꞌa. Jinalmi sasirdütïpa tucäninña canꞌa.

22“ ‘Sïchuśh mayanpis lantisha ćhaclacta ütac mana tücäninta Tayta Diospä japächaycuptinꞌa,

23sasirdütim chay ćhacläta ćhaninchanꞌa libri cä watacama. Chay muyuncällaćhümari uycu nunaca ćhaninchaśhanta uycunꞌa. Chaymi Tayta Diospä japächäśha canꞌa.

24Libri cä wataćhüñatacmi ichá ćhaclap duyñunman, lanticüninman cutiycunꞌa.

25“ ‘Lluy ima ćhaninchaśhayquipis carpap midïdanmannümi tupuśha caycunꞌa; chay midïda llasan ćhunca jucniyu grämuctamari.

26“ ‘Ñatac uywacunäćhu wamä wawin Tayta Diospä caśhan-laycum mana mayanpis japächaycunanñachu. Masqui wäca, ütac uwish calpis Tayta Diospäñam.

27Sïchuśh uycuśhan uywaca anla uywapä licaśha captinꞌa nunan julucunmanmi. Chaynu captinꞌa lluy ćhaninta uycul, jinaman picha partiman ćhaninta laquiycul jucnintalämi yapaycunꞌapis. Mana julucuptinꞌa ćhaninchaśhancäćhümi mayanmanpis lanticüśha canꞌa.

28“ ‘Mayanpis nunacta, uywacta, ćhaclacta Tayta Diosllapä japächayculꞌa manañam cutichicunmanñachu nï lanticunmanñapischu. Tayta Diosmanña uycüśha cäcá chuya japächäśhañamari.

34Cay camachicuycunactam Sinai ulꞌüćhu Tayta Dios Moisespacama Israel caśhtacunäpä nila.