1 Tayta Diosllay, mañacuylläta uyaliycallämay.
Ayacuylläta ćhasquiycallämay.
Allin tincüninman licaycü,
chalapacuna caśhayqui-laycuꞌari uyaliycallämay.
2Cay nunallayquita cäraycuyman amari ayachillämaychu.
Ampa puntayquićhu mayanllá allin caycunmanmá.
3Ćhïnicüní aticaćhamanmi.
Pampäman lawacacüśhactamá ñiticalpaman.
Unayña wañüśhanüñamá tutawyaycäćhu cayällá.
4Manañamá cawsaynïćhüñachu cá.
Pasaypiñamá śhunꞌú cayällan.
5Punta timpucunactamá yalpälú.
Lluy lulaycuśhayquicunämanmá tantiapacú,
munayniquiwan lulaycuśhayquicunämanmá licaćhacú.
6Amllamanmi maquilläta chacchaycaćhayämullá.
Chaquïsha allpa yacupi wañücänümi ampïta wañupacuyällá.
7 Tayta Diosllay, cawsaynïpis licuyällanñamá; uyaliycallämayñari.
Amari yaꞌapïta pacacuycuychu.
Jinaptiquiꞌa wañücunänüñaćhá licalïshä.
8Taytallay, anman chalapacuśhäpïtari
llaquipäcuyniquita achicyaśhanpïta licaycachillämay.
Amllaman llapan śhunꞌüwan mañacamulläśhäpïtari
mayninpa pulinäpäpis yaćhaycachillämay.
9 Tayta Diosllay, amllamanmi pacacú.
Ćhïnicünïcunapïta libraycallämay.
10Am Tayta Diosní caśhayquipïtari
munaśhayquimannu cawsaycunäpä yaćhaycachillämay.
Chuya Ispirituyquiꞌari tuqui caminup puśhaycallämächun.
11 Tayta Diosllay, śhutiqui-laycu cawsayta licaycachillämay.
Tincüninman licaycü caśhayqui-laycu cay llaquipïta julaycallämay.
12Llaquipayniyu caśhayqui-laycu ćhïnicünïcunacta camacaycüluy.
Sirbïniqui caśhä-laycu lluy cuntrá cäcunäta pampaman muyüchiy.
Who We AreWhat We EelieveWhat We Do
2025 by iamachristian.org,Inc All rights reserved.
