1Tayta Diosllay, mandacüca tincüllanman licaycunanpä yaćhaycachiy.
Mandacücäpa chulin cällanman licaycunanpä yanapaycuy.
2Chayurá malcayquitawan mana cäniyücunäta
tincüninman-cama allinpä licaycuchun.
3Ulꞌucunäpis jawca cawsayta malcayquiman apaycamuchun.
Ulꞌunpalcücunäpis tincüninman allin licaycuyta apaycamuchun.
4Mandacüca malcaćhu mana cäniyücunäta tincüninman licaycuchun,
pishipacüśha cäcunäta salbaycuchun,
ñacachicücunätañatac jaluypa pawachun.
5Intïpïpis quilläpïpis mas unaylä aclaśhayqui mandacüca cawsachun.
Maychica milaycuna pasaptinpis manchacuywan cawsachun.
6Talpüśha ćhaclaman tamya jiꞌalpamuśhannu caycuchun.
Pastüta śhullipäśhannu caycuchun.
7Paypa gubirnaśhanćhu allin jawca cawsaywan
tincüllanman licaycuylla caycuchun.
Mandacuynin quilla chincanancama caycuchun.
8Maquillanćhu caycuchun lamarcäpa manyanpi
aśhta juc manyancama, Eufrates mayupi
aśhta cay allpap manyancama.
9Paymanꞌari chunyä ulꞌüćhu yaćhä
ćhïnicünincuna uyshuycapäcuchun.
Ćhïnicünincuna allpäta lläwanancamari uyshuycapäcuchun.
10Tarsis malcap, lamar patanćhu malcacunap
Mandacünincuna rigälucunacta apapämuchun.
Saba, Seba nasyuncunap mandänincunapis
cuyacuynincunacta apapämuchun.
11Paypa ñawpäninman lluy mandacücuna uyshuycälichun.
Lluy nasyuncunapis payta sirbipäcuchun.
12Waccha mañacücunäta paymi yanapaycun.
Mayanllanpis mana cäniyücunäta paymi libraycun.
13Wacchacunätawan mana cäniyücunätamá pay llaquipaycun.
Wacchacunäpa cawsaynintamá pay salbaycun.
14Ñacachishancunapïtawan llaquichishancunapïtamá juluycun.
Paycunap cawsaynincuna mandacücäpä sumä ćhaniyümá.
15Mandacüca altuman juluycuśha cachun.
Saba lädu üructa uycuśha cachun.
Paypïta Tayta Diosta mañaculcächun.
Walan-walan allinpä licaycuśha caycuchun.
16Cay allpaćhu achca-achca trïgucuna puꞌuchun.
Lluy ulꞌucunäćhüpis alli-alli ishpichun.
Libano lädućhünu wayuchun; ulacunänu puꞌuchun.
17Śhutin, wiña-wiñaypä lisisha caycuchun.
Lisisha śhutin intïnu tacyaycuchun.
Lluy nasyuncunaca paywan allinpä licaycuśha capäcuchun.
Lluy-lluypis nipäcuchun: “Sumä cushicuyniyu” nil.
18Israelpa Tayta Diosnin altuman juluycuśha cachun.
Payllamá sumä lulaycunacta lulaycüca.
19Sumä allin lisisha śhutin wiña-wiñaypä altuman juluycuśha cachun.
Sumä caynin jinantin pachäćhu lisiycuśha cachun.
Chaynu cachun.
20Caynüpamá Isaipa chulin Davidpa mañacuynin camacan.
Who We AreWhat We EelieveWhat We Do
2025 by iamachristian.org,Inc All rights reserved.
