1Aaronpïtam ayllunpa-cama sirbipäcula: chulin Nadab, Abiu, Eleazar, Itamarpis.
2Nadabwan AbiuñatacmiLev 10.1-2. manalä chuliyu cayalcal papäninpïpis mas puntacta wañuculcäla. Chaymi Eleazarwan Itamarllaña sasirdütinu sirbipäcula.
3Davidmi lluy sasirdüticunäta lulaynincunaćhu-cama sirbipäcunanpä chüsaypa laquiycula. Chaynu lulaycula Eleazarpa milayninpi cä Sadocpa yanapayninwan, jinaman Itamarpa milayninpi cä Ahimelecpa yanapayninwanmari.
4Ñatac Itamarpa milaynincunapïta mas achca puydïcuna captinmi caynu tücachisha cala: Eleazarpa milayninpïta ćhunca sütayu (16) puydïcuna; Itamarpa milaynincunapïtañatacmi pusä puydïcuna.
5Chay Eleazarpa, Itamarpa milaynincunaćhüpis Tayta Diosta sirbï sasirdüticuna cayaptinmari, chüsaypa tücachila mayannin ayllu sirbipäcunanpäpis.
6Levita Natanaelpa chulin isquirbï Semaiasñatacmi tücachishancäta śhutinpa-cama isquirbila. Chaynu lulala mandacücäpa, sasirdüti Sadocpa, sasirdüti Abiatarpa chulin sasirdüti Ahimelecpa, sasirdüticunäpa puydïnin ayllucunap, jinaman levitacunap ñawpäninćhümari. Chayurá Eleazar ayllucunäpä ishcaytam chüsala; Itamar ayllucunäpañatacmi jucllacta chüsala.
7-18Chaynu tücachiptinmi atinacuylla tücala allaycuycäpi aśhta ishcay ćhunca tawayücama (24): puntallactá Joiaribman, jinaman Jedaiasman, Hariman, Seoriman, Malquiasman, Mijaminman, Cosman, Abiasman, Jesuaman, Secaniasman, Eliasibman, Jaquimman, Hupaman, Jesebeabman, Bilgaman, Imerman, Hezirman, Afsesman, Petaiasman, Hezequielman, Jaquinman, Gamulman, Delaiaman, Maaziasmanpis.
19Chaynüpam israelcunäpa Tayta Diosnin awquillun Aaronta nishanmannu tücachila Tayta Diospa wasinćhu sirbipäcunanpä.
20Levi ayllup parti milaynincunapïñatacmi caycuna cala:
Amrampa milayninpïta Subael,
Subaelpa milayninpïtañatac Jehedias,
21Rehabiaspa milayninpïñatac puydï Isias,
22Izharpa milayninpïñatac Selomot,
Selomotpa milayninpïñatac Jahat.
23Hebronpa milayninpïñatacmi: wamäca Jerias, jina atimüninmanñatac Amarias, Jahaziel, Jecamanpis.
24Uzielpa milayninpïñatacmi Micaias,
Micaiaspa milayninpïñatac Samir,
25Micaiapa wawꞌi-caśhan Isiaspa milayninpïñatac Zacarias.
26Merarip milayninpïñatacmi Mahliwan Musi,
Jaaziaspïñatacmi Beno.
27Jaazias partipi Merarip chulincunapïtañatacmi: Beno, Soham, Zacur, Ibripis.
28Mahlip milayninpïñatacmi mana chuliyu Eleazar.
29Cispa milayninpïtañatacmi Jerameel.
30Musip milayninpïtañatacmi: Mahli, Edar, Jerimotpis.
Lluy paycunamari Levi ayllupi wasinpa-cama tücachinacuśha capäcula.
31Paycunapis ayllun Aaronpa milaynincunanümi tücachinaculcäla. Chaynu lulapäcula mandacü Davidpa, Sadocpa, Ahimelecpa, sasirdüticunäpa puydïninpa, levita-masincunap ñawpäninćhümari. Mayur wawꞌi-caśhancunanümari śhullca ayllucunäpis tücachisha capäcula.
Who We AreWhat We EelieveWhat We Do
2025 by iamachristian.org,Inc All rights reserved.
