1Jacobpa milaynincunacta Tayta Dios llaquipaycunꞌamá. Israelta caśhan aclayculmi allpanman cutiycachil tacyaycachinꞌa. Mana Israel caśhtacunäpis Jacobpa milaynincunamanmá jucllachaculcanꞌa.
2Israelcunäta achca nasyuncunamá allpancama liwshipäcunꞌa. Chayćhümari walmipis umripis israelcunäta sirbipäcunꞌa. Chaynütacmi Israelta maquinćhu uywäcunäpis cananꞌa Israelpa maquinćhüña capäcunꞌa; ñacachïnincunamari cananꞌa Israelpa mandaśhaña capäcunꞌa.
Babiloniap mandacünintam mana cäman ćhulan3Israelcuna, ñacayniquipi, llaquicuyniquipi, uywaytanu ćhänalächishuśhayquipi Tayta Dios chay muyun juluycuśhunquimá.
4Chay muyunmi Babiloniap mandacüninpa cuntran caynu willacunqui:
“¡Licayꞌari, ñacachï mandacüca imanuymá canan cayan!
¡Nunatucuyninwan sumä lulaśhanca imanuymá camacälun!
5Mana allin nunacunäpa mandacuyninta Tayta Dios paquïlunmá;
juyu mandacücunäpa gubirnunta camacaycülunmá.
6Sumä piñäśha mana jamaycul malcacunäta
ñacachïcunätamá camacaycülun.
Chaynütac mana caćhaycul nasyuncunäta aticaćhal sumä rabyäśha
maquinćhu cachïcunätapis camacaycülunmá.
7Cananmi ichá jinantin allpaca allin jawcaña cayan;
cushicuypïtamá caśhan taquiyalcanpis.
8Am cućhpaśhayquipïtamá Libanoćhu cä cipres,
cedro ilucunäpis cushisha nipäcun:
‘Amta cućhpächishuptiquimá,
manaña mayanpis cućhpachipäcamänanpä śhamunꞌañachu’ nil.
9“Wañücuna caśhanman ćhaptiquim chucchupäcun.
Licaćhacalcälilmi ćhasquïniqui yalapämun.
Jinantin pachäćhu wañüśha mandacücunäpis śhalcapäcunmá;
lluy nasyuncunap wañüśha puydïnincunapis
dispächunpïta ćhasquïniqui śhalcapäcunmá.
10Lluy-lluy paycunamá nipäcuśhunqui:
‘¿Ampis mana callpayümanchun muyülunqui imamá?
Cananꞌa yaꞌacunanüllañamá licalïlunqui’ nil.
11Nunatucuyniquipis, arpayquip suynayninpis
sipultüraman wicapalpüśhañamá cayan.
Puñunayquicunapis, lancacuyquicunapis
cananꞌa culullañamá cayalcan.
12“Achicyalcücäpa chulin lusiru,
¿imanuypamá sïlüpïta palpämunqui?
Nasyuncunäta am llallïca,
¿¡imanuypatá pampäman wicapalpämuśha cayanqui!?
13Amꞌa śhunꞌuyquićhu niculanquimá:
‘Sïlucamam ćhäśha; Tayta Diospa uyllurnincunap
mas altunninćhülämi dispächüta taycachishä.
Nurti lädućhu cä dioscuna
juntunaculcänan ulꞌupïtalämi mandacamuśhä.
14Pucutaycunäpa altu-altunninmanlämi ishpishä.
Altunninćhu cä Sumä Munayniyücänülämi yaꞌa caśhäpis’ nil.
15Ñatac wañücuna caśhancämanlämá,
mas luli-lulinninmanlämá palpülunquipis.
16Chayćhu licaśhüniquicunamá sumäta licapaycälil nipäcunꞌa:
‘¿Cay allpäćhu jinantin nunacunäta chucchuchïcächun cay cayan?
¿Lluy nasyuncunäta manchachïcächun cay cayan?
17¿Jinantin allpäta pulumachïcächun cay cayan?
¿Malcacunäta camacaycücächun cay cayan?
¿Prïsu cä nunacunätapis mana llaquipaycücächun cay cayan?’ nil.
18“Nasyuncunäpa mandacünincuna allinpä
yalpalcuśhamá sipultüranćhu jawca chutalayalcan.
19Amñatacmi ichá sipultürayquipi
wicapäśha calanqui mana allin caśhpinu,
ispädawan wañüchisha nunacunap müdanannu;
jaluy pawäśha ayanümari sipultürap
luli-lulinman wicapalpüśha calanqui.
20Nasyunniquita pampaman muyuchishayquipïmá,
malcayquita camacaycüśhayquipïmá mandacütanüchu
nï pampapäcuśhunquipis.
Juyu nunacunap milaynincuna
manamá imaypis yalpalcuśhachu canꞌa.
21Taytancunap juchanpïta chulincunacta wañuchipäcuy.
Jinantin pachäta maquinćhu manaña
cachinanpämari nï śhalcapäcunꞌañachu,
nï malcacunactapis śhalcachipäcunꞌañachu” nil.
22Sumä munayniyu Tayta Diosmi caynüta nin:
“Babilonia nasyunpa cuntran yaꞌa quiquïmi śhalcülú;
chulincunactapis, willcancunactapis
yaꞌa quiquïmi camacaycüśhä.
23Yaꞌami muyüchishä pulumäśha sityuman,
tucucuna cananman.
Camacaycü pichanawanmá lluy pichäśhä.
Sumä munayniyu yaꞌa Tayta Diosmari niyá” nil.
Asiria nasyun camacaycüśha cananpämi nin24Sumä munayniyu Tayta Diosmi caynu limalicun:
“Imanuy pinsaśhänümi lulaśha canꞌa.
Imam nishänüllam lluy cumplisha canꞌa.
25Aclacuśhá allpaćhümi Asiria nasyunta camacaycüśhä;
ulꞌücunäćhümi jaluypa pawäśhä.
Malcá paycunap yügunta manañamá apanꞌañachu;
chay llasä ipinta quitäśhäñamá.
26Chaynümari jinantin allpäwan lulanäpä camachishäca cayan;
mućhuycachinäpämari lluy nasyuncunäman maquïta ćhulaycuśhä” nil.
27Chaynu lulaśha cananpä sumä munayniyu
Tayta Dioscamayächiptinꞌa, ¿mayantá manalcachinman?
Camacaycunanpä maquinta pallalcuptin,
¿mayantá atajaycunman?
Filisteocunaca imanuypis cananpämi nin28Mandacü Acaz
maꞌaśhüniqui mandacüca garuti paquïcänu wañuśhanpïta.
Chay piña culibraycäpïta sumä-sumä
bininuyu juc culibraylämari yalamunꞌa;
sumä-sumä camacaycü manchanaśh cala walaśhlämari yalamunꞌa.
30Wacchacunacá pastücunaćhümi michipäcunꞌa;
mana cäniyücunaca jawcamá puñupäcunꞌa.
Amtawan milayniquicunactañatacmi ichá micuypi wañuchishayqui;
ashllay quïdäcunätapis camacaycüśhämá.
31Filisteocuna, puncucunaćhu apalcaćhaypa waꞌapäcuy,
malcacunäćhu apalcaćhapäcuy, manchacuypïta isäśha quïdapäcuy.
Nurti lädupïmi untaynu sumä-sumä pilyäcuna śhacayalcämun;
lluy pilyäcunaca wañuy-wañuymari śhacayalcämun” nil.
32Chay Filisteo läducunäpa willacüninta ¿imanishunmá?
Paycunacta nishun: “Sionta Tayta Diosmi śhalcachila;
ñacachisha cäcuna chaymanmi pacaculcanꞌa” nil.
Who We AreWhat We EelieveWhat We Do
2025 by iamachristian.org,Inc All rights reserved.
