1Isaipa
2Paymanmi Tayta Dios Ispiritunta uycunꞌa:
Yaćhayniyu, allin tantiayniyu cananpä;
anyapaycü, munayniyu cananpä;
sumä fisyusapa, Tayta Diosta manchacü cananpäpis.
3Ispiritunmari Tayta Diosta
cäsucuyta cushicuywan tantiaycachinꞌa.
Manamá ñawin licaśhallanpachu allichaycunꞌa;
nï linlin uyalishallanpachu cäraycunꞌa.
4Wacchacunätamá tincüninman licaycunꞌa;
mana mayanmanpis śhalcullalmi malcaćhu
mana nunatucüśha cäcunäta allichaycunꞌa.
Sumä-sumä limayninwanmá garutiwannu
allpäta camacaycülunꞌa;
shimin jämalcuśhanwanmá mana allin nunacunäta wañüchinꞌa.
5Tincüninman licaycuycämi wiꞌaw watacunnu caycunꞌa;
chalapacuna cayninmi wiꞌaw watacu waćhacunnu caycunꞌa.
6Chayćhümi atüwan uwishcäpis cusca yaćhapäcunꞌa;
tigriwan malta capishcäpis cuscam jitalapäcunꞌa;
malta liyuncäwan malta wäcapis cuscam pulipäcunꞌa;
juc walaśhchallamá michiycunꞌapis.
7Wäcawan ucumälïca cuscam pastucta micapäcunꞌa;
pulanpa wawincunapis cuscamá jitalapäcunꞌa,
liyuncunäpis wäcacunäwan
cuscamá päśhacta micapäcunꞌa.
8Ñuñuya walaśhchapis sumä bininuyu
culibra caśhancäćhümá awsanꞌa.
Awari, mamanpi chayllalä wasïsha walaśhpis
culibraypa ućhcunman maquinta chacchaycuptin manamá imananꞌapischu.
9Chuya ulꞌüćhu manañamá mayanpis
mana allinta lulanꞌachu nï ñacachinꞌañachu.
Maynümi lamarcäćhu yaculla junta cayan,
chaynümá jinantin allpäćhu
Tayta Diosta lisïcuna junta caycälinꞌa.
10Chay timpućhümi malcacunaca lipäcunꞌa
Isaipa sapin chillquimücäta ashï.
Nasyuncunaca paymanmari lipäcunꞌa;
yaćhaśhanca altuman juluycuśhamá caycunꞌa.
11Chay timpućhu puchü nunancunacta
Tayta Dios maquinta pallalcul caśhanmi cutichimunꞌa:
Asiriapi, Egiptopi, Patrospi, Etiopiapi,
Elampi, Sinarpi, Hamatpi,
chaynütac lamar patanćhu cä malcacunäpïtapis.
12May nasyuncunapïtapis prïsu puśhaśha cä israelcunaca
cutipämunanpämi bandiracta aywinꞌa.
Jinantin allpäman chiꞌisha
cä Juda läducunätamá juntuycamunꞌa.
13Chayćhümá Israel lädup imbidicuynin camacanꞌa;
Judapa ćhïnicünincuna camacaycüśhamá canꞌa.
Israel lädu manañamá Judata imbidicunꞌachu;
Judapis manañamá Efrainta ñacachinꞌañachu.
14Aśhwanpa cuscanñamari inti palpunan lädu
Filisteo läducunäta camacaycü lipäcunꞌa.
Inti ishpimunan läducunaman lipäculpis
ima cänincunactapis lluymá duyñuchacaycälinꞌa;
Edomwan Moabpis maquinćhümá capäcunꞌa.
Amon läducunäpis sirbïninñamá canꞌa.
15 Tayta Diosmari Egipto lädućhu cä
Puca Lamarpa partinta chaquïchinꞌa.
Eufrates mayup jananman maquinta chacchayculmi
sumä-sumä waywacta caćhämunꞌa
anćhish partiman laquïsha cananpä.
Chayćha śhucuynintapis mana julullalña chimpapäcunꞌa.
16Maynümi israelcunaca Egiptopi unay yalapämul
jatun caminunninpa śhapämula,
chaynümá Asiriaćhu quïdä nunacunaca
cutipämunanpä jatun caminucta quićhaycunꞌa.
Who We AreWhat We EelieveWhat We Do
2025 by iamachristian.org,Inc All rights reserved.
