Numeros 2 - Old Testament Quechua Wanca（QVW）

Israel caśhtacunaca ayllunpa-cama mayćhüpis yaćhapäcunanpämi nin

1Moisestawan Aarontam Tayta Dios nin:

2“Chay tincunapä carpap calusca muyülïninćhümi lluy Israel caśhtacunaca ayllunpa-cama bandiranćhu-cama yaćhapäcunꞌa.

3“Inti yalamunan lädućhümi capäcunꞌa, Juda ayllucunaca bandiranćhu trüpa-trüpa-cama. Paycunap puydïnin Aminadabpa chulin Naasonmi cala.

4Paycunap nunancunam anćhish ćhunca tawa walanga süta paćhac (74,600) capäcula.

5Chay lädunćhütacmi Isacar ayllucunäpis capäcunꞌa. Paycunap puydïninmari Zuarpa chulin Natanael cala.

6Paycunap nunancunam picha ćhunca tawa walanga tawa paćhac (54,400) capäcula.

7Chay lädućhütacmi Zabulon ayllupis capäcunꞌa. Paycunap puydïnin Helonpa chulin Eliabmi cala.

8Paycunap nunancunam picha ćhunca anćhish walanga tawa paćhac (57,400) capäcula.

9Chayurá jinantin Judaćhu paćhac pusä ćhunca süta walanga tawa paćhac (186,400) nunacunam capäcula. Paycunamari israelcunäpa puntanta ñawpapäcunꞌa.

10“Sur lädućhüñatacmi capäcunꞌa, Ruben ayllu bandiranćhu trüpa-trüpa-cama. Paycunap puydïninmi Sedeurpa chulin Elisur cala.

11Paycunap nunancunam tawa ćhunca süta walanga picha paćhac (46,500) capäcula.

12Paycuna lädućhütacmi Simeon ayllucunäpis capäcunꞌa. Paycunap puydïninmi Zurisadaipa chulin Selumiel cala.

13Paycunap nunancunam picha ćhunca isun walanga quimsa paćhac (59,300) capäcula.

14Paycuna lädućhütacmi Gad ayllucunäpis capäcunꞌa. Paycunap puydïninmi Reuelpa chulin Eliasaf cala.

15Paycunap nunancunam tawa ćhunca picha walanga süta paćhac picha ćhunca (45,650) capäcula.

16Chayurá jinantin Ruben lädućhu paćhac picha ćhunca juc walanga tawa paćhac picha ćhunca (151,450) nunacunam sinsaśha capäcula. Paycunamari Juda ayllucunap ipanta lipäcunꞌa.

17“Jina ipanmanmi chay trüpacunap ćhawpinta tincuna carpacta apacuśha levitacunaca lipäcunꞌa. Achalapäcuśhanmannüllam bandirayü-cama atinacuylla lipäcunꞌa.

18“Inti jiꞌalpunan lädućhüñatacmi capäcunꞌa, Efrain ayllucunämi bandiranćhu trüpa-trüpa lipäcunꞌa. Paycunap puydïninmi Amiudpa chulin Elisama cala.

19Paycunap nunancunam tawa ćhunca walanga picha paćhac (40,500) capäcula.

20Paycuna lädućhütacmi Manases ayllucunäpis capäcunꞌa. Manases ayllup puydïninmi Pedasurpa chulin Gamaliel cala.

21Paycunap nunancunam quimsa ćhunca ishcay walanga ishcay paćhac (32,200) capäcula.

22Chay lädućhütacmi Benjamin ayllupis capäcunꞌa. Paycunap puydïninmi Gedeonip chulin Abidan cayan.

23Paycunap nunancunam quimsa ćhunca picha walanga tawa paćhac (35,400) capäcula.

24Chayurá jinantin Efrain lädućhu paćhac pusä walanga paćhac (108,100) nunacunam sinsaśha capäcula. Paycunamari Levi ayllup ipanta lipäcunꞌa.

25“Nurti lädućhüñatacmi cay ayllucuna capäcunꞌa, Dan ayllucunämi bandiranćhu trüpa-trüpa lipäcunꞌa. Paycunap puydïninmi Amisadaipa chulin Ahiezer cala.

26Paycunap nunancunam süta ćhunca ishcay walanga anćhish paćhac (62,700) capäcula.

27Chay lädućhütacmi Aser ayllucunäpis capäcunꞌa. Paycunap puydïninmi Ocranpa chulin Pagiel cala.

28Paycunap nunancunam tawa ćhunca juc walanga picha paćhac (41,500) capäcula.

29Chay lädućhütacmi Neftali ayllucunäpis capäcunꞌa. Paycunap puydïninmi Enanpa chulin Ahira cala.

30Paycunap nunancunam picha ćhunca quimsa walanga tawa paćhac (53,400) capäcula.

31Chayurá jinantin Dan lädućhu paćhac picha ćhunca anćhish walanga süta paćhac (157,600) nunacunam sinsaśha capäcula. Paycunamari bandiranćhu lluypa ipanta lipäcunꞌa” nil.

32Caycunam jinantin Israelćhu ayllunpi-cama sinsaśhacunaca capäcula. Lluy cala süta paćhac quimsa walanga picha paćhac picha ćhunca (603,550) nunacunam.

33Ñatac Tayta Dios Moisesta nishanmannümi israelcunäćhu Levi ayllucunaca mana sinsaśhachu capäcula.

34Chaynu Tayta Dios Moisesta camachishannüllam Israel caśhtacunaca lluy lulapäcula. Chaymi ayca capäcuśhanmannu bandiranćhu-cama jamapäcula, chaynütac ayllunpi-cama lluy lipäcula.