Levitico 16 - Old Testament Quechua Wanca（QVW）

Chuyanchaśha cananpä uycunan muyunpïtam nin Lev 23.26-32; Num 29.7-11

1Ñä Aaronpa chulincuna Tayta Diosman mana allinpä aśhuycälishanpamá wañulälilaña. Chaynu ishcay chulin wañüläliptinmari Moisesta Tayta Dios limapäla.

2Chayćhümi Moisesta Tayta Dios nin: “Babulpa täpanmanmi pucutayćhu yaꞌa licalicamuśhä. Chaymi wawꞌi-caśhayqui Aaron mana wañunanpä curtïnap ipan Sumä Chuya Sityuman caćhaycüśha cananpä.

9Chaynu Tayta Diosman uycunapä tücaśhan capishcätam Aaron chuyanchaycuśha cananpä uycunꞌa.

10Azazelman caćhaycunanpä tücaśhan capishcätañatacmi cawsayällacta Tayta Diosman uycunꞌa chuyanchäśha cananpä. Jinalculmi chunyäcäman caćhaycülunꞌa.

11“Chaypïta Aaron quiquin chuyanchaycuśha cananpä uycunanpämi malta wäcacta wañuchinꞌa. Chaynüpam quiquinpis, aylluncunapis chuyanchaycuśha capäcunꞌa.

12Chaypïta Tayta Diospa ñawpäninćhu cä uycuna patacpïtam insinsiu winacucta śhanśha juntacta julunꞌa. Jinaman ishcay apti mishqui aśhnä aꞌaśhactapis julunꞌa. Chaycunactam curtïnap ipanman apaycunꞌa.

13Chay Tayta Diospa ñawpäninćhu cä ninamanmi insinsiucta ćhulaycunꞌa, insinsiup untaynin limalicuśhan babulpa täpanta ñitilänanpä. Chayćha Aaron mana wañunꞌachu.

14Chaypïta malta wäcap yawarninman dïdunta challpuyculmi inti yalamunan läduman babulcäpa täpanman chächuycunꞌa. Jinaman anćhish cutim babulcäpa täpanpa puntan lädumanpis chächuycunꞌa.

15Chaypïta malca chuyanchaycuśha cananpä wañuchinꞌa uycunanpä cä capishcätam. Yawarnintañatacmi curtïnap ipanman apalculHeb 9.12. malta wäcap yawarninwan lulaśhantanu lulaycunꞌa; babulpa täpanpa jananman jinaman puntan lädumanpis chächuycunꞌam.

16Chaynüpam Israel caśhtacunäpa mana allinnincunapi, juchancunapi, ima anla lulaynincunapïpis carpa chuyanchaycuśha canꞌa. Chaynütacmi mana allin lulaynincunap ćhawpinćhu cä tincuna carpactapis chuyanchaycunꞌa.

17“Ñatac Aaron uycuna patacćhu uycunanpä yaycuśhanpi yalamunancama manam mayanpis tincuna carpaćhu canmanchu. Chay quiquinpi, ayllunpi, lluy Israel caśhta chuyanchaycuśha cananpä uycuśhancama manam mayanpis canmanchu.

18Chaypi yalalcamulmi Tayta Diospa puntanćhu cä uycuna patacta chuyanchaycunꞌa. Chay malta wäcap, capishpa yawarninmanmi dïdunta challpuycul uycuna patacpa wälanilänincunaman llusiycunꞌa.

19Jinaman chay yawarcätam dïdunwan uycuna patacman anćhish cuti chächuycunꞌa. Chaynüpam Israel caśhtap anla lulaynincunapïta uycuna patacta chuyanchaycul japächaycunꞌa.

20“Chaynu Sumä Chuya Sityucta, tincuna carpacta, uycuna patacta chuyanchayculmi cawsä capishcäta apachimunꞌa.

21Chay cawsä ulu capishcäpa umanman Aaron maquinta ćhulayculmi Israel caśhtacunäpä mana allin lulayninta, juchancunacta willaycunꞌa. Chaynüpa capishcäpa umanman mana allincunäta ćhulculculmi juc yanapäwan chunyäcäman puśhalcachil caćhaycächinꞌa.

22Chay nunam chunyäcäman capishcäta caćhaycülunꞌa lluy mana allinnincunacta apacunanpä.

23Chaypïtam Aaron tincuna carpaman yaycunꞌa; ñatac Chuya Sityuman yaycuśhan lïnu müdananta juluculculmi chayllaman caćhaycunꞌa.Eze 44.19.

24Chay chuya cuartullaćhümi yacuwan almaculcul müdananta ćhulaculcul yalamunꞌa. Jinalculmi quiquinpis, malcapis chuyanchaycuśha cananpä quiquinpïpis malcapïpis Tayta Diosman cañaywan uycunꞌa.

25Chay uycuna patacćhümi chuyanchaycuśha cananpä uycuśhan wilacta cañaycunꞌa.

26Chay Azazelman capishta caćhaycü nunäñatacmi almacunꞌa, lluy müdanantapis täśhanꞌa. Chaypïlämi yaćhapäcuśhanman cutiycunꞌa.

27“Chay chuyanchaycunanpä cä malta wäca, capish uycuśhancäpa yawarnintam Aaron apaycunꞌa Chuya Sityuman chuyanchaycuśha cananpä. Chay yaćhapäcuśhanpïta caluman apalculmi utantapis, aychantapis, jayuntapis lluyta cañaycunꞌa.Heb 13.11.

28Chay cañaycüca almacunꞌam, müdanantapis täśhanꞌam. Chaypïlämari yaćhapäcuśhanman cutiycunꞌa.

29“Cay camachicuycämi wiña-wiñaypä caycunꞌa: anćhish quillaćhu, ćhunca muyuncäćhümi Israel caśhtacunäpis, juc caśhtacuna amcunaćhu yaćhäcunäpis ayunapäcunqui; jinalmi ima lulaytapis manalcapäcunqui.

30Chay muyuncäćhümi amcuna chuyanchaycuśha canayquipä uycuśha caycunꞌa. Chaynüpamá Tayta Diospa ñawquin lluy juchayquicuna chuyanchaycuśhaña canꞌa.Lev 23.26-32; Num 29.7-11.

31Cay jamana muyuncämi japächaycuśha cayan amcuna ayunapäcunayquipä; cay camachicuyca wiña-wiñaypämari cayan.

32Cay lulaycäta lulaycunꞌa taytanpa pudirnin llusiycuśha, japächäśha cä sasirdüti sirbïcämi; jinaman lïnupi japächäśha müdanawanmi müdacunꞌapis.

33Jinalculmi chuyanchanꞌa Sumä Chuya Sityucta, tincuna carpacta, uycuna patacta. Chaynütacmi sasirdüticunäpä, jinantin malcäpä juchanpïpis chuyanchachinꞌa.

34“Cay camachicuymi wiña-wiñaypä caycunꞌa: Jinantin Israel caśhta chuyanchaycuśha cananpä wataćhümi juc cuti uycapäcunqui” nil Tayta Dios nin.

Chaynu Tayta Dios nishantanüllamari Moises lulaycula.