1Canan má, Imerpa chulin sasirdüti Pasurmi Tayta Diospa alawana wasinćhu puydï cala. Chayćhümi Jeremias willacuśhanta pay uyalïlun.
2Chaymi willacü Jeremiasta asutilcachil prïsu ćhulälun Benjamin ayllu nishan puncup lädunman, alawana wasiman lï lädumanmari.
3Chay walantintam prïsu caśhanpïta Jeremiasta Pasur caćhaycächin. Chayćhumi Jeremias nin: “Tayta Dios manañam Pasur nishunquiñachu, sinuꞌa Magor-misabib nishunquiñamá.
4Tayta Diosmari caynu nin: ‘Cananꞌa quiquiquipäpis apanacuśhayquicunapäpis sumä manchachicuymá caśhä. Licapayaptiquim apanaculcäśhayquicunacta ćhïnicüniquicuna ispädawan wañüchinꞌa. Jinantin Juda läductamá Babiloniap mandacüninpa maquinman ćhulaycüśhä. Jinaptïmi waquintá prïsu puśhacunꞌa, juccunätañatac ispädawan wañuchinꞌa.
5Jinaman jinantin malcacunap cänincunacta, ćhaniyünincunacta, Juda lädu mandacücunäpa lluy cänincunactapis ćhïnicünincunap maquinmanmari ćhulaycüśhä. Chaymi waycalcul Babiloniaman apaculcanꞌa.
6Am Pasur, lluy wasintinmi Babiloniaman prïsu puśhaśha canqui. Chayćhu wañuptiquim lluy cuyaśhüniquicunawan cusca pampaśha canqui. Paycunamanmari willacüpa pasachiculcul artiquiwan willaculanqui’ ” nil.
Jeremiasmi quijacun7 Tayta Diosllay, anmá pantächimanqui;
yaꞌañatacmi awnichicülú.
Am mas munayniyu calmari llallicalpamanqui;
cananꞌa walan-walanmá asipäcalcäman;
jinantin nunacunämi jamuyäcalcäman.
8Limaśhäćhu-camam apalcaćhaypanu limayá;
wañuchicuylla, camacaycüśha canantamá willacuyá.
Am Tayta Dios willamäśhayquita willacuptïmi imaypis uyshulachipäman;
pinꞌayman ćhulamayninwanmi asipäcalcäman.
9Chaymi nilá: “Paypïta manañam willacuśhächu;
paypïta manañam yalpalcuśhächu” nil.
Niptïpis willacuyniqui śhunꞌućhümi
walaypa-walayan, tumshüman ćhänancama.
Amaña willacuśhächu niyalpis manamá upälla cacuyta atipächu.
10Jamuyayninwanmi achca nipäcun:
“Manchacuycäwan intüśham cayan,
¡tumpäśhun, tumpalpüśhun!” nil.
Lluy apanaculcäśhäcunapis
pantanätamá licapayalcäman:
“Pantänanta alcaycuśhun;
jinaptinćha llallilcul cutichicüśhun” nil.
11Ñatac Tayta Diosmá yaꞌawan cayan.
Chaymi aticaćhamänïcuna chucchupäcul
llalliyta nï atipapämanꞌachu.
Ima lulaśhanpis mana allin yaluptinmá
sumä pinꞌayćhu capäcunꞌa.
Chaynu sumä pinꞌayćhu capäcuśhan
imaycamapis manamá unꞌaycuśhachu canꞌa.
12Sumä munayniyu Tayta Diosllay,
allin nunacta tuquicta lisiycü Taytallay,
nunacunäpa śhunꞌuntapis lisiycü,
nunacunäpa pinsaynintapis yaćhaycü Taytallay,
maquiquimanmi caycunacta ćhulaycamullá.
Cananꞌari licaycachimay chay nunacunäta imanuy cutichicuśhayquitapis.
13 Tayta Diosta alawapäcuy.
Tayta Diosta altuman julaycäliy.
Wacchacunäta paymi libraycun;
juyu nunacunäpa maquinpïta paymi salbaycun.
14¡Imapälä näsiläpis!
¡Imapälä mamá waćhacamälapis!
15Papänïman: “Cushicuy, chuliqui
walaśhmi näsïmun” nil willaycüca
mana allinpä licaśha cachun.
16Mana llaquipaycul Tayta Dios camacaycüśhan
malcanu, chay willaycü nunaca cachun;
achicäluptin apalcaćhayta uyalichun;
ćhawpi muyun pilyapä cä ayaycaćhayta uyalichun.
17¿Imapïmá mamäpa patanćhu Tayta Dios mana wañüchimälachu?
Chayurá mamäpa patanćha sipultürá canman cala.
Mamäpa patanćhüćha quïdacamüman cala;
wiña-wiñaypäñaćh pataläcamanman cala.
18¿Imapämá mamäpa patanpïta yalamulá?
¿Imapätá ñacayllaćhu, muspapacuyllaćhu cayänäpä yalamulá?
¿Imapätá pinꞌacuyllaćhu wañunäpä yalamulá?
Who We AreWhat We EelieveWhat We Do
2025 by iamachristian.org,Inc All rights reserved.
