Josue 2 - Old Testament Quechua Wanca（QVW）

Josuemi licäcunacta Jerico malcaman caćhan

1Chaypïtam Nunpa chulin Josue Sitim lädućhu cayal ishcay licäta caćhala pacallap licapämunanpä. Chayćhümi nin: “Jerico malcactapis lluy allpantapis tuquicta licapämuy” nil.

Chaynu niptin liculcalmi Jerico malcaman ćhälälil watica RahabHeb 11.31; Stg 2.25. walmip wasinćhu jamapaculcäla.

2Ñatac Jerico malcap mandacünintam juccuna willaycälälin: “Ishcay Israel caśhta wayapacunam cay malcanchicta licä canan tuta ćhälälimun” nil.

3Niptinmi Jerico malcap mandacünin chay Rahab walmiman caćhala cay nil: “Licäniqui śhamü wasiquićhu cä wayapacunäta wicapämuy; malcanchicta licämi śhapämula” nin.

4Chay walmiñatacmi ishcay wayapacunäta pacaycul nin: “Aw, ćhaytá ćhämulam. Manamá maypi śhamuśhantapis yaćhalächu.

5Malcäpa jatun puncun wićhacunan üra tutalpuyñam liculcäla. Mayta liculcäśhantapis manam yaćhächu. Aśhwanpa ipanta pasapäcuy ichaläpis alcansälälinquiman” nil.

6Ñatac chay walmica ishcaynin wayapacunäta wasinpa altuśhninćhu chaquichishan lïnucunämanmi pacäla.

7Niptinmi ashïcunaca Jordan mayuman lï caminunninpa lipäcula chimpanapä cä bäduncama. Chay ashïcunaca yalülälillaptinmi malcap puncun wićhäśhäña cala.

8Ñatac chay licä wayapacunaca manaläpis puñupäcuptinmari chayman Rahab ishpilcul nin:

9“Cay malcäta amcunap maquiquiman Tayta Diosniqui upäcuśhunayquita yaćhayämi. Chaymi cay lädućhu cä lluy malcacunaca manchacuypïta wañuyalcá.

10Tayta Dios Egipto malcäpïta julalcamulshi Puca Lamarcäta laquicacalcachil chaquillapña pasachipämuśhulanqui.Exo 14.21. Chaynütacmi Jordan mayup chimpanćhu cä Amhor lädup mandänin Sehontawan, OgtaNum 21.21-35. imanuypä lluy camacapäcuśhayquitapis yaćhapäculá.

11Lluy chaycunacta yaćhalmi manchacuypïta pasaypi chucchuyalcá. Chaymi jucllay nunallapis amcunawan tincuycü mana canchu. Tayta Diosniquiꞌa janay pachäćhüpis cay pachäćhüpis quiquin rasun Tayta Diosllamari.

12Chayurá ama chaynu callaychu, canan-pacha Tayta Diospa śhutinta tistïgupä śhaycaycachil limaliculcay amcunacta allinpä licaycuśhänu lluy ayllücunactapis allinpä licaycälimänayquipä. Juc siñaltari uycamay,

13mamäta, taytäta, tulï-ñañäcunacta, paycunawan lluy yaćhäcunätapis mana wañuchipämänayquipä. Wañuycäpïtari salbaycälillämay” nil.

14Niptinmi wayapacunaca nipäcun: “Imapä śhapämuśhätapis mana willapacuptiquiꞌa cawsaynïtam ćhulaycú imapis mana pasapäcuśhunayquipä. Tayta Dios allpäta uycälimaptin limalicuśhämannümi allinpä llaquipaywan licaycälishayqui” nil.

15Chay Rahabpa wasin, malcap pilanman matächisham cala. Chaymi bintananpä watuwan wayapacunäta jiꞌalpachila.

16Manalä jiꞌalpachilmi nin: “Chay ashishüniquicuna mana talipäcuśhunayquipä ulꞌüman ayiculcay. Chayćhu quimsa muyun pacalapäcamuy ashishüniquicuna cutipämunancama. Chaypïtam ichá liculcanquimanña” nil.

17-18Niptinmi paycuna nipäcun: “Cay limaliculcäśhäta lulaycälishä, malcaman yaycapäcamuptí bintana jiꞌalpachipämäśhayquiman cay puca watucta walcaptiquim. Wasiquićhümi papäniqui, mamayqui, tuli-ñañayqui, taytapi lluy aylluyquicunapis caycälinꞌa.

19Sïchuśh wasiquipi yalülälilꞌa quiquinpïñam wañulpis canꞌa. Manañamá yaꞌacunap juchächu canꞌa. Ñatac wasiquićhu cayaptin mayanllantapis wañüchiptinꞌa yaꞌacunaćh juchayüca capäcuśhä.

20Ñatac cay ninacuśhanchicta willapacüluptiquiꞌa limaliculcäśhäpi libriñam caycälishä” nil.

21Niptinmi Rahab nin: “Amcuna nipäcuśhayquinu cachun” nil. Chaypi jamallá nilcuptinmi paycuna liculcäla. Rahabñatacmi puca watucta wasinpa bintananman walcäla.

22Ishcay wayapacunäñatacmi ulꞌüman liculcal quimsa muyun pacalapämula ashïnincuna cuticulcänancama. Ashïcunaca lluy-lluyta ashiyalcalpis manam talipäculachu.

23Chaypïtam licä lï ishcay wayapacunaca ulꞌüpi jiꞌalpaycamul Jordan mayup bädunpa chimpapäcula. Nunpa chulin Josue caśhanman ćhayculmi ima pasaśhantapis willapapäcula:

24“Tayta Diosmi jinantin allpäta maquinchicman ćhulaycamun. Yaꞌanchicta manchacuypïtamari jinantin malcaca chucchuyalcan” nil.