1Lamar patanćhu chunyä ulꞌućhu cä Babilonia imanuy cananpämi, cay willacuycäta caynu willacun:
Chunyä Neguev lädupi śhamü sumä-sumä
waywa śhamücänümi, manchanaśh chunyä
lädupïta ćhïnicüniquicuna śhacayalcämun.
2Sumä manchanaśhtam Tayta Dios licaycachiman.
Ipanchäcämari ipanchayta ćhapayalcan;
pampaman muyuchïcunämi pampaman muyuchiyta ćhapayalcan.
Má, ¡Elam lädu, allaycuyñari!
¡Media lädu, muyülïninmanñari cunćhacaycäliy!
Babilonia awćhuchishancunaca cay camallañamari canꞌa.
3Chaynu pasananta uyaliycuptïmi
jinantin aychá shililinyacuyan,
waćhićhicyacuyan;
chaynu pasananta licaycuptïmi
patayu walmi nanayninćhu cayäcänu cacuyällá.
4Śhunꞌüpis jinallaćhümi isälun;
manchanaśhcämi ñiticalpaman.
Tutalpunanta sumä munaśhá timpum,
cananꞌa manchanaśhman licalïlun.
5Licapäcuy, malcaca micapäcunanpämi lluy allichacucuyalcan;
nunacunaca täcapäcunanpämari maśhtayta ćhapayalcan.
Lluymari micuyćhu, upyayćhu cacuyalcan.
Ñatac puydïcuna, ¡jucllaña śhalcapäcuy!
¡Atajachicuyquicunacta difindiculcänayquipä
jucllaña ćhulaculcay!
6Tayta Diosñatacmi caynüta niman:
“Malcap murällanman juc täpäta ćhulaycuy
ima pasaśhantapis willaśhunayquipä.
7Chay täpäca aśhnuman,
camïlluman nunacuna sillacälälisha śhacayämüta
licälul ütac ishcay cawallucuna
carritacta-cama aysaśhtin śhacayämüta
licälul, sumäta licapaycuchun” nil.
8Chay täpäcämi ayaycaćhacuyan:
“Taytay, cay täpäśhäcäćhu
walan-walanmi täpayá;
tutan-tutanmi licaycaćhayá.
9Canan licayá ishcay cawallu
carritacta aysayämuptin chay carritaćhu nuna śhacayämütam.
Chay śhamücäćhümi nin:
‘¡Babilonia palpülunmi, palpülunmi!
¡Lluy-lluy taytachancunam amshüśha
pampäćhu maśhtalayalcan!’ nil.
10“Trïgu jalüchishanu, wipyäśhanu cä malcallay,
Israelpa sumä munayniyu
Tayta Diospi uyalishätamari willayculac” nil.
Edom imanuypis cananpämi nin11Edom lädu imanuypis cananpämi cay willacuycäta ćhasquiyculá.
Seir lädupïtam caynu ayaycaćhayämüta uyalïlú:
“Täpä nuna, ¿achicyananpä aycalämi cacuyällan?
¿Aycalämi faltacuyällan?” nil.
12Niptinmi täpä nunaca nin:
“Muyunca achquicalpuyanñam;
tutäpis jiꞌacaycayämunñatacmi.
Tapucuyta munalꞌa,
tapucü cutimuy” nil.
Arabia lädu imanuypis cananpämi nin13Arabia lädu imanuypis cananpämi cay willacuycäta willaycun:
Dedan lädu pulïcuna,
Arabiap chunyänincunaćhu cä
jaćhacunäman pacacalcämuy.
14Am Tema läducuna,
yacunäśha cäcunäman talipalcälil yacucta uycäliy;
ayïcunäman micuyta uycäliy.
15Paycuna ayiyalcan ispädawan
wañuchinanpïtam,
alli-cama flïcha ćhächïcunäpïtam,
sumä-sumä gïrracunapïtamá.
16Tayta Diosmi caynüta niman: “Maynümi lulapacücäpa cunträtun juc watallacta camacälun, chaynümi juc watallacta Cedar lädup sumä caynin camacälunꞌa.
17Cedarpa alli-cama flïcha ćhächïnincuna ashllayllañamá cawsayniyu quïdapäcunꞌa” nil. Chaynümi Israelpa Tayta Diosnin nimäla.
Who We AreWhat We EelieveWhat We Do
2025 by iamachristian.org,Inc All rights reserved.
