1Chaynütac Israelpa milaynincunaćhu walanga pilyäcunap (1,000), paćhac (100) pilyäcunap puydïnincuna caycunam capäcula. Paycunam tücachinacuypa wata intïru, quillanca mandacücäta sirbipäcula. Chay tücachinacuypa sirbipäcuśhanćhu, ishcay ćhunca tawayu walanga-cama (24,000) nunacunamari capäcula.
2Chayurá punta allaycuy quillaćhu sirbinanpä, Zabdielpa chulin Jasobeamtam tücala. Paymi ishcay ćhunca tawayu walanga (24,000) pilyäcunap puydïnin cala.
3Payꞌa Farespa milayninmari. Paymi wamä quilläćhu lluy pilyäcunäpa puydïnincunacta camachïca cala.
4Ishcay quilläpäñatacmi Ahoh lädu Dodaita tücala. Paypa puydï yanapäninñatacmi Miclot cala. Paypis ishcay ćhunca tawayu walanga (24,000) pilyäcunap puydïninmi cala.
5Quimsa quilläpäñatacmi puydï sasirdüti Joiadapa chulin Benaiata tücala. Paypis ishcay ćhunca tawayu walanga (24,000) pilyäcunap puydïninmi cala.
6Paymari quimsa ćhunca (30) alli-cama pilyä-masincunap puydïninca cacula. Chulin Amisabadtacmi quimsa quillapä tücachisha cäcunäpa camachïnin cala.
7Tawa quilläpäñatacmi Joabpa wawꞌi-caśhan Asaelta tücala. Paypa pudirninñatacmi chulin Zebadias cala. Paypis ishcay ćhunca tawayu walanga (24,000) pilyäcunap puydïninmi cala.
8Picha quilläpäñatacmi Izrai lädu puydï Samhutta tücala. Paypis ishcay ćhunca tawayu walanga (24,000) pilyäcunap puydïninmi cala.
9Süta quilläpäñatacmi Tecoa lädu Iquespa chulin Irata tücala. Paypis ishcay ćhunca tawayu walanga (24,000) pilyäcunap puydïninmi cala.
10Anćhish quilläpäñatacmi Efrain ayllupi cä Pelon lädu Helesta tücala. Paypis ishcay ćhunca tawayu walanga (24,000) pilyäcunap puydïninmi cala.
11Pusä quilläpäñatacmi Zera ayllupi cä Hushapa milaynin Sibecaita tücala. Paypis ishcay ćhunca tawayu walanga (24,000) pilyäcunap puydïninmi cala.
12Isun quilläpäñatacmi Benjamin ayllupi cä Anat lädu Abiezerta tücala. Paypis ishcay ćhunca tawayu walanga (24,000) pilyäcunap puydïninmi cala.
13Ćhunca quilläpäñatacmi Zera ayllupi cä Netofa lädup milaynin Maharaita tücala. Paypis ishcay ćhunca tawayu walanga (24,000) pilyäcunap puydïninmi cala.
14Ćhunca jucniyu quilläpäñatacmi Efrain ayllupi cä Piraton lädu Benaiata tücala. Paypis ishcay ćhunca tawayu walanga (24,000) pilyäcunap puydïninmi cala.
15Ćhunca ishcayniyu quilläpäñatacmi Otoniel ayllupi cä Netofa lädup milayninpi Heldaita tücala. Paypis ishcay ćhunca tawayu walanga (24,000) pilyäcunap puydïninmari cala.
Ayllucunaćhu puydïcuna16Má, Israel ayllucunäćhu puydïnincuna caycunam:
Ruben ayllućhu: Zicrip chulin Eliezer,
Simeon ayllućhüñatac Maacap chulin Sefatias,
17Levi ayllućhüñatac Kemuelpa chulin Hasabias,
Aaron ayllućhüñatac Sadoc,
18Juda ayllućhüñatac Davidpa wawꞌi-caśhan Eliu,
Isacar ayllućhüñatac Micaelpa chulin Omri,
19Zabulon ayllućhüñatac Abdiaspa chulin Ismaias,
Neftali ayllućhüñatac Azrielpa chulin Jerimot,
20Efrain ayllućhüñatac Azaziaspa chulin Oseas,
Manases ćhawpi ayllućhüñatac Pedaiaspa chulin Joel,
21Galaadćhu cä Manases ćhawpi ayllućhüñatac Zacariaspa chulin Iddo,
Benjamin ayllućhüñatac Abnerpa chulin Jaasiel,
22Dan ayllućhüñatac Jerohampa chulin Azareel cala.
Lluy paycunamari Israelćhu ayllucunäpa puydïnincuna capäcula.
23Ñatac israelcunäta uyllurcunätanu achca-achcaman milachinanpä Tayta Dios limalicuptinmi, David manaña sinsachilachu ishcay ćhunca (20) watayüpi ulamanꞌa.Gen 15.5; 22.17; 26.4.
24Chaynu Sarviap chulin Joab sinsayta allaycuyaptin, Tayta Diospa mućhuchicuynin Israelman ćhämuptinmi manaña camacalachu.2Sam 24.1-15; 1Cro 21.1-14. Chaymari ayca caśhanpis mandacü Davidpa librunćhu mana camalälachu.
Mandacü Davidpa yanapänincuna25Mandacücäpa cänincunactañatacmi licaycula Adielpa chulin Azmavet.
Ćhaclacunäćhu, malcacunäćhu, malcachancunäćhu, türricunäćhu cänincunacta licaycücäñatacmi Uziaspa chulin Jonatan cala.
26Ćhaclacunäćhu luläcunäpa licaycüninñatacmi Quelubpa chulin Ezri,
27üba ćhaclacunäta licaycücäñatac Ramat lädu Simei,
bïnucta ćhuläcunäpa licaycüninñatac Sifan lädu Zabdi,
28Sefela lädućhu ulïbus lantacunacta munti ïgus jaćhacunacta licaycücäñatac Gedera lädu Baal-hanan,
asayticta ćhulana cäcunäpa licaycüninñatac Joas,
29Saron lädućhu uywacunäpa licaycüninñatac Saron lädu Sitrai,
pampacunäćhu cä uywacunäpa licaycüninñatac Adlaipa chulin Safat cala.
30Camïllu uywacunäta licaycüninñatacmi Ismael lädu Obil,
aśhnucunäta licaycüninñatac Meronot lädu Jehedias,
31uwishcunäpa licaycüninñatac Agar lädu Jaziz cala.
Lluy paycunamari mandacü Davidpa cänincunacta licaycünin capäcula.
32Davidpa tiyun allin yaćhayniyu isquirbï Jonatanñatacmi tantiachïnin cala.
Mandacücäpa chulincunacta licaycüninñatacmi Hacmonip chulin Jehiel.
33Mandacucäpa tantiaycachïninñatacmi Ahitofel.
Mandacücäpa chalapacuśhan nunanñatacmi Arqui lädu Husai.
34Ahitofelpa pudirninñatacmi Benaiapa chulin Joiadawan Abiatar.
Mandacücäpa pilyänincunap puydïninñatacmi Joab cala.
Who We AreWhat We EelieveWhat We Do
2025 by iamachristian.org,Inc All rights reserved.
