Esdras 1 - Old Testament Quechua Wanca（QVW）

Israelcunaca malcanta cutipäcunanpämi Ciro camachin 2Cro 36.22-23

1Má, willacünin Jeremiaswan willacachimuśhanca lulacacunanpämi2Cro 36.21; Jer 25.11; 29.10. Persia nasyunta Ciro mandacuyta allaycuśhan wataćhu, paypa śhunꞌunman willacuyta Tayta Dios ćhulaycula pay camachinanpä. Chaymi jinantin mandacuśhanman shimillawanpis isquirbishawanpis Ciro willacachimula caynu:

2Persiap mandacünin Ciro caynümi camachin:

“Janay pachäćhu cä Tayta Diosmi jinantin allpäćhu cä nasyuncunäta maquïman ćhulaycamun. Jinaman Juda lädućhu cä Jerusalenćhu alawana wasicta śhalcachipunäpämi nimäla.Isa 44.28; 45.1-4.

3Chayurá mayanniquipis Tayta Diospa nunan capäculꞌa Judaćhu cä Jerusalenman cutipäcul israelcunap Tayta Diosninpa alawana wasinta lulapämuy; pay yanapapäcuśhunquimari.

4Chaynütac mayćhu yaćhayalpis cutiyta munä Israel läducunätari chayćhu cä juc caśhtacunaca yanapapäcuchun illaywan, üruwan, uywacunawan, śhunꞌunpi lluy yalamücunäwanpis Tayta Diospa alawana wasinta Jerusalenćhu śhalcachinanpä” nil.

5Chaynu camachiptinmi Benjamin, Juda ayllucunap puydïnincuna sasirdüticunäwan levitacunäwan cusca lipäcunan cala Jerusalenman Tayta Diospa alawa wasinta śhalcachipäcü. Chayurá Tayta Dios śhunꞌunman ćhulaycuśhancunämari lluy lipäcunan cala.

6Paycunactamari chay muyülininćhu yaćhäcunaca yanapapäcula: illaycunawan, ürucunawan, imapis cänincunawan, uywacunawan, imapis ćhaniyünincunawan, jinaman śhunꞌunpi yalamuśhancunawanpis.

7Chay mandacü Ciropis cutichilam Tayta Diospa alawana wasinpïta Nabucodonosor apacuśhancunäta. Awari, Nabucodosormi Jerusalenpïta apalcul Babiloniaćhu taytachancunap wasinman ćhuläla.2Rey 24.13; 25.13-16; 2Cro 36.10, 18.

8Chaytam Persiap mandacünin Ciro illay juntünin Mitridateswan cutiycachila. Payñamari Judaman cutïcunäpä puydïnin Sesbasarman fintaycul uycula.

9Chaynu fintaptin caycunamari cacula:

Ürupi quimsa ćhunca (30) tasuncuna,

illaypi walanga (1,000) tasuncuna,

ishcay ćhunca isunniyu (29) cuchillucuna,

10ürupi quimsa ćhunca (30) täsacuna,

illaypi tawa paćhac ćhuncayu (410) täsacuna,

juc sirbichicunapä cäcunapis walangam (1,000) cala.

11Chayurá ürupi illaypi sirbichicunapä cäcunaca picha walanga tawa paćhacniyümi (5,400) lluy cacula. Chaycunactamari Babiloniapïta Jerusalenman cutïcunäwan Sesbasar cutichila.