Job 42 - Old Testament Quechua Wanca（QVW）

Yanꞌal limaśhancunapïta Job pinꞌacüśham wanacun

1Niptinmi Tayta Diosta Job nin:

2“Tuquictam yaćhá ampa munayllayquićhu lluy imapis caśhanta;

ima lulay munaśhayquitapis manamá mayanpis manalcachishunquimanchu.

3Am nimälanquimá: ‘¿Mayantá am canqui shimiqui chalaśhan

limayniquicunawan limapaynïta mana cäpa licanayquipä?’ nil.

Mana tantiaśhäcunapïtamá yaꞌa nilá;

mana lisishá sumä cäcunäpïtamari limalá.

4Am nimälanquim: ‘Canan nishacta uyalimay;

yaꞌa tapuptïmá amñatac niycamanqui’ nil.

5Ampïta uyaliyllam uyalilá;

cananñatacmi ichá ñawïwan licaycuc.

6Chaymi lluy nishäcunapïta canan pinꞌacú;

allpäman ućhpäman taycucuyculmari wanacú” nil.

Punta caśhanpïtapis mastalämi Jobta Tayta Dios yanapaycun

7Canan má, chaynu Jobman lluy niyculmi Teman lädu Elifazta Tayta Dios nin: “Sumä piñäśham amwan jinaman ishcay apanacuśhayquipä cayá. Uywayní Jobnüchu manamá rasuncällacta yaꞌapïta am limalanqui.

8“Canan anćhish wäcactawan anćhish ulu uwishta apaculcul uywayní Jobman lipäcuy. Chayćhümi amcunap juchayquicunapi cañaywan uycälimanqui. śhutiwan śhutichäla; atimünintañatacmi Cesia śhutiwan, atimünin quimsätañatacmi Keren-hapuc śhutiwan.

15Jobpa tuquish-cama wamla chulincunanuꞌa manamá jinantin pachäćhu juccuna calachu. Paycunaman tulincunactanümá ima cänintapis papänin Job tücaycachila.

16Chaypïta paćhac tawa ćhunca (140) watalämi Job cawsala. Chaymi chulincunacta, willcancunacta, willcanpa chulincunacta, waśha-paqui willcanpa chulincunactapis licayculalä.

17Chaynu anchap yaśhaña cayalmi Job wañucula.