1Canan má, Tayta Diospa alawana wasintawan quiquinpa palasyunta allaycachinanpämi Salomon cayäla.
2Chaymi anćhish ćhunca walanga (70,000) aśhtäcunacta, pusä ćhunca walanga (80,000) lumi labräcunacta, jinaman paycunacta licaycunanpäpis quimsa walanga süta paćhacniyu (3,600) puydïcunacta ćhulaycula.
3Chaypïtam Tiro malcap mandacünin Hiramta Salomon caynu nichila:
“Papäní David palasyunta lulananpä cedro ilucunacta apachimuśhayquinu, cananpis apachimumay.
4Canan Tayta Diosnïpämari alawana wasicta lulaycapul japächaycapuśhä, chayćhu mishqui aśhnä insinsiucta cañaycunäpä, Tayta Diosllapä japächäśha tantacta imaypis ćhulaycapunäpä, chaynütac israelcunaca wälanpa tardinpa, jamana muyunćhu, llullu quillaćhu, jinaman Tayta Diosninchicpä lluy fistancunaćhüpis cañaywan uycunacunacta uycunäpäpis. Chaynümari israelcunäćhu imaypis lulaycälishä.
5Tayta Diosní lluy dioscunapïpis mas jatu-jatun captinmi, jatu-jatun alawana wasicta lulaycapuśhä.
6Ñatac ¿janay pachaca maynu jatun cayalpis payta mana camayaptinꞌa, mayanmá alawana wasicta apachimuptí, amñatac Jerusalenman apachinqui” nil.
17Chaypïtam papänin David sinsachishanpïta, Israelćhu yaćhä juc caśhtacunäta Salomon yapa sinsachila. Chaymi paćhac picha ćhunca quimsayu walanga süta paćhacman (153,600) ćhäña.
18Paycunapïmi aclala: anćhish ćhunca walanga (70,000) ipïcunacta, pusä ćhunca walangacta (80,000) ulꞌucunäćhu lumi läbräcunacta, quimsa walanga süta paćhacta (3,600) luläcunäpa puydïnincuna cananpäpis.
Who We AreWhat We EelieveWhat We Do
2025 by iamachristian.org,Inc All rights reserved.
