1Tutanpa cämäćhu cayalmi cuyacuśhäcänïpi wañupacucuyá;
maynu ashilpis manamá taliycüchu.
2Chaymi śhunꞌüćhu nilá: “Śhalcuculcul malcäta muyumuśhä.
Läsacunäta, cällicunäta ashimulläśhä;
cuyacuśhäcänïta ashimuśhä” nil.
Maynu-maynüpa ashilpis manamá taliycüchu.
3Malcacta täpäcunaca talïlälimaptinmi tapuculá:
“¿Cuyacuśhäcänïta manachun licapäculanqui?” nil.
4Paycunapi manaläpis calucta
japächacuyalmi cuyaśhäcänïta talïlú.
Chayćhu macallacuyculmi manaña
caćhaycul mamäpa wasinman puśhacuycú;
ishyacamäśhan cämanmanmari puśhacuycú.
5Jerusalen wamlacuna, sumä cuyacuśhäcänïta
mana licchachinayquipä luychucunä-laycu,
tarushcunä-laycu limaliculcay.
Quiquillanpi lichcanancamari puñucuchun.Quimsa taquiApanacuśhancuna taquipäcuśhan
6¿Mayantá pucutay untaynu sumä-sumälä
chunyäcäpi śhacayämun?
¿Mayanmá mïrrawan, insinsiuwan,
imaymana mishqui aśhnä pirfümiwan pirfümipacüśhalä śhacayämun?
7¡Licapäcuy, Salomonpa carritanmá!
Süta ćhunca (60) alli-cama pilyänincunap,
Israelpa sumä-cama aclaśhancunap ćhawpinćhümá śhacayämun.
8Paycuna lluypis ispädayü-camamá,
pilyapä ishpisha-ishpisha-camamá.
Ispädanta wiyawninman apacälälisha-camamá
listu cayalcan tutanpa imapis captin juclla pilyananpä.
9Mandacü Salomonpa carritan luläśha cayan
Libanoćhu cä sumä-cama allin ilucunawanlämá.
10Paradïruncunapis illaypïmá; atacunpis ürupïmá,
täcunancunapis murädupïtalämá.
Carritap lulincunapis Jerusalen wamlacunap cuyacuywan adurnäśhanlämá cayan.
11¡Sion wamlacuna, mandacü Salomonta licä yalapämuy!
Sumä-sumä cushisha canan muyuncäćhu,
casaracuśhan muyuncäćhu maman lulapuśhan curunan ćhulapacüśhalämá śhacayämunpis.
Who We AreWhat We EelieveWhat We Do
2025 by iamachristian.org,Inc All rights reserved.
