Nehemias 3 - Old Testament Quechua Wanca（QVW）

Murällactam caśhan śhalcachiyta allaycapäcun

1Chaymi puydï sasirdüti Eliasib yanapänin sasirdüticunäwan śhalcachipäcula Uwish Puncu nishancäta. Chaynu allichalculmi murällancunactapis Hamea türripi aśhta Hananeel türricama śhalcachipäcula. Jinalculmi Tayta Diospä japächapäcula.

2Chaypa atimüninta Jerico lädu nunacunämi śhalcachipäcula. Jina atimünintañatacmi Imrip chulin Zacur śhalcachila.

3Senaapa milaynincunañatacmi Challwa nishan puncucta śhalcachipäcula. Lluy sulïrancunactapis ćhulayculmari puncu wićhacuncunactapis, bärancunactapis ćhulapäcula.

4Chaypa atimünintañatacmi Cospa willcan, Uriaspa chulin Meremot caśhan śhalcachila. Jina atimünintañatacmi Mesezabeelpa willcan, Berequiaspa chulin Mesulam śhalcachila. Chaypa atimünintañatacmi Baanap chulin Sadoc śhalcachila.

5Jina atimünintañatacmi Tecoa lädu nunacunaca śhalcachipäcula. Puydïnincunañatacmi ichá licäcunaman sujitacuyta mana munapäculachu.

6Mawca nishan puncuncunactañatacmi Paseahpa chulin Joiadawan Besodiaspa chulin Mesulam śhalcachipäcula. Lluy sulïrancunactapis ćhulayculmari puncu wićhacuncunactapis, bärancunactapis ćhulapäcula.

7Chaypa atimünin murällactañatacmi Gabaon lädu Melatiaswan Meronot lädu Jadon śhalcachipäcula. Cay Gabaonwan Mizpa malcacunaca Eufrates mayup chimpan lädu malcap puydïninpa maquinćhümari cayalcäla.

8Chaypa atimünintañatacmi illayta fundï Harhaiapa chulin Uziel śhalcachila. Jina atimünintañatacmi pirfümicta lulä Hananias śhalcachila. Pay ishcayninmi Jerusalenpa murällancunacta śhalcachipäcula aśhta Anchu Murällacama.

9Chaypa atimünintañatacmi Hurpa chulin Refaias śhalcachila. Pay cala Jerusalen partin malcap puydïninmari.

10Chaypa atimünintañatacmi Harumafpa chulin Jedaias śhalcachila wasinpa chimpanćhu cäcäta. Jina atimünintañatacmi Hasabniaspa chulin Hatus śhalcachila.

11Juc murällätañatacmi Harimpa chulin Malquiaswan Pahat-moabpa chulin Hasub śhalcachipäcula. Paycunatacmi Hornos nishan türrictapis śhalcachipäcula.

12Jina atimünintañatacmi Halohespa chulin Salum śhalcachila lluy wamla chulincunawan. Pay cala parti Jerusalenpa puydïninmi.

13Pampa nishan puncuctañatacmi Hanunwan Zanoa lädu nunacunaca śhalcachipäcula. Paycunatacmi puncucunäta caśhan lulaycälil sulïrancunactapis ćhulaycul puncu wićhacuncunactapis, bärancunactapis ćhulapäcula. Chaynütacmi Muladar nishan puncucama picha paćhac-yupay (500) mitru murällactapis śhalcachipäcula.

14Muladar nishan yaycuna puncuncunactañatacmi Recabpa chulin Malquias śhalcachila; wićhacuncunactapis, bärancunactapis ćhulala. Paymi cala Bet-haquerem lädup puydïnin.

15Pucyu nishan puncuctañatacmi Colhozep chulin Salum caśhan śhalcalcachil ataycula, wićhacuncunactapis bärancunactapis ćhulaycula. Paymi Mizpa lädup puydïnin cala. Chaynütacmi mandacücäpa wirtanman lï Siloe istanquip murällantapis śhalcachila Davidpa Malcan nishan iscalïra jiꞌalpunancama.

16Chaypa atimünintañatacmi Azbucpa chulin Nehemias śhalcachila aśhta Davidpa pampaläśhanpa chimpancama, yacu istanquicama, sumä pilyäcuna yaćhaśhancama. Paymari partin Bet-sur lädup puydïnin cala.

17Chaypa atimünintañatacmi levitacunaca śhalcachipäcula. Paycunapi Banip chulin Rehum śhalcachila. Atimüninmanñatacmi parti Keila lädup puydïnin Hasabias śhalcachila malcanpa śhutinćhu.

18Chaypa atimünintañatacmi puydï-masin Henadadpa chulin Binnui śhalcachila. Paymi juc parti Keila lädup puydïnin cala.

19Chaypa atimünin isquinaćhu armacuna ćhulanan wasip chimpan wichayman lï murällactañatacmi Jesuap chulin Ezer śhalcachila. Paymi Mizpa malcap puydïnin cala.

20Chay isquinapïñatacmi aśhta puydï sasirdüti Eliasib wasinpa puncuncama sumä callpanchacul Zabaipa chulin Baruc śhalcachila.

21Chay Eliasibpa wasinpa puncunpïta aśhta camacaynincama śhalcachila Cospa willcan, Uriaspa chulin Meremotmi.

22Chaypa atimünintañatacmi Jerusalenpa muyülïninćhu yaćhä sasirdüticunaca śhalcachipäcula.

23Benjaminwan Hasubmi wasinpa chimpan murällacunäta śhalcachipäcula. Chaynütacmi Ananiaspa willcan, Maasiaspa chulin Azariaspis śhalcachila wasinpa lädun murällacta.

24Chay Azariaspa wasinpi aśhta isquinap muyuycuynincamañatacmi Henadadpa chulin Binui śhalcachila.

25Chay isquinap chimpantawan mandacücäpa palasyunpa patyunćhu cä jatun türrictapis śhalcachila Uzaipa chulin Palalmi; chay türri cala täpäcäpa patyunćhümi. Chaypa atimüninmanñatacmi Farospa chulin Pedaias śhalcachila.

26Chaypa atïnintañatacmi alawana wasićhu sirbïcunäpïta Ofelćhu yaćhäcunaca śhalcachipäcula inti ishpimunan lädu Yacuwan śhutichäśha puncup chimpancama, jinaman waśha läduman pasala türricama.

27Chay pasä türrip chimpanpïtañatacmi aśhta Ofelpa murällancama śhalcachila Tecoa lädu nunacunaca.

28Cawallu nishan puncupïtañatacmi sasirdüticunaca wasinpa chimpanta-cama lluy śhalcachipäcula.

29Chaypa atimünintañatacmi wasinpa chimpanta-cama śhalcachila Imerpa chulin Sadoc. Chaypa atïnintañatacmi Inti Jiꞌalpunan Lädu Puncucta täpä Secaniaspa chulin Semaias śhalcachila.

30Chaypa atïnintañatacmi Selemiaspa chulin Hananiaswan Salafpa süta cä chulin Hanun śhalcachipäcula. Chaypa atïnintañatacmi Berequiaspa chulin Mesulam wasinpa chimpanta śhalcachila.

31Chaypa atïnintañatacmi illayta fundïcäpa chulin Malquias śhalcachila aśhta alawana wasićhu sirbïcunäpa, nigusyanticunäpa wasincama, jinaman cäraycunanpä täpanapä isquinaćhu caśhancäcama.

32Chaypïta chay täpanapä isquinäpïta aśhta Uwishpa Puncun nishancäcama śhalcachipäcula illaypi aläja luläcunäwan, nigusyanticunämi.