1Cay allpäćhu lluy ima pasananpäpis timpu cayanmi; imacta lulanapäpis timpu cayanmi:
2Cayanmi timpu näsinapä ütac wañunapäpis.
Cayanmi timpu lantanapä ütac lantaśhacta chutanapäpis.
3Cayanmi timpu wañuchinapä ütac jampinapäpis.
Cayanmi timpu pampaman muyuchinapä ütac śhalcachinapäpis.
4Cayanmi timpu waꞌanapä ütac asinapäpis.
Cayanmi timpu lutucunapä ütac tuśhucunapäpis.
5Cayanmi timpu lumicta chapinapä ütac juntunapäpis.
Cayanmi timpu macallanapä ütac mana macallanapäpis.
6Cayanmi timpu ashinapä ütac jitanapäpis.
Cayanmi timpu ćhulanapä ütac wicapanapäpis.
7Cayanmi timpu laćhyanapä ütac jilanapäpis.
Cayanmi timpu upälla canapä ütac limanapäpis.
8Cayanmi timpu cuyanapä ütac ćhïninapäpis.
Cayanmi timpu gïrrapä ütac jawca canapäpis.
9¿Nunaca ancha-anchap lulayalpis imactamá julucun?
10Licayculá sasa-sasa lulayta nunacunäman Tayta Dios uycamäśhanchictamá.
11Tayta Dios lluy imactapis timpullanćhümá tuqui-tuquicta lulaycula. Jinaman punta, canan, śhamü timpucunäta tantianapäpis tantiayta uycamälanchicmá. Chaynu cayaptinpis allaycuyninpi aśhta camacaynincama Tayta Diospa lulaśhancunacta tantiayta nunaca manamá atipanchu.
12Nunäpa lulaynin cawsaśhancamá cushicuywan allin cäcunällacta lulaycuymi.
13Nunäpä mas allin canman micucunan, upyacunan, lluy ima lulaśhanpïpis cushicunanmá. Caypis Tayta Diospa munayninpïmari śhamun.
14Tayta Dios lluy lulaycuśhancunaca wiña-wiñaypämi.
21¿Mayanmá nunacunäpa ispiritun altu sïlüman lishanta yaćhan ütac uywacunäpa ispiritun luli allpäman lishanta?Ecle 12.7.
22Chayurá tantiaycú nunacunaca lulaśhanman tincüta cushiculcäśhanca mas allin caśhantamá; chaypämari cawsapäcun. Wañucuptin ¿mayanmá cutichimunman imacuna pasaśhantapis licaycunanpä?
Who We AreWhat We EelieveWhat We Do
2025 by iamachristian.org,Inc All rights reserved.
