Chaymá tincüninman-cama lawćhaycuyniqui cayan.
Chaymá cäninman-cama cäraycuyniqui cayan.
5Mamäpa patanpïtamá juchasapa callá.
Juchasapañamá näsimuläpis.
6Allin śhunꞌuyu canätamá am munanqui.
Yaćhayniquita pacallapmá yaćhaycachimälanqui.
7Hisopo jaćhawan chächuycamaptiquiꞌa
chuyanchäśhañaćh cayculläśhä.
Paꞌaycallämaptiquiꞌa laśhtapïpis mas yulä-yuläñaćh cayculläśhä.
8Caśhanꞌari sumä cushicuyniquita uycallämay
amshuycamäśhayqui tullulläcunapis caśhan allin caycunanpä.
9Juchalläcunacta amañari licaycuychu.
Mana allin lulaylläcunacta chincaycachiyñari.
10Tayta Diosllay, chuya śhunꞌuyütañari caycachillämay.
Muśhü allin śhunꞌuyümanñari muyuycachillämay.
11Am caśhayquipïta amari alapacallämaychu.
Yaꞌawan cä Chuya Ispirituyquita amari cutichicullaychu.
12Salbaycamäśhayqui cushicuynïta cutiycachillämay.
Cäsucü allin śhunꞌuyütari tacyaycachillämay.
13Chayćha mana cäsucücunäman
yaćhachicuyniquita yaćhaycachishä.
Jinaptïćha juchasapacunaca anman cuticalcämunꞌa.
14Salbamäní Tayta Diosllay,
nunacunacta wañuchinäpi libraycallämay.
Chayćha tincüninman-cama
licaycü caśhayquipïta shimillá alawaycunꞌa.
15Taytay, shimilläta quićhaycallämay.
Chayćha shimillá altuman juluycuśhunqui.
16Cañaywan uywacunacta uycunactá,
uycuywan uycunactá am manamari munanquichu.
Chayta munaptiquiꞌa uycucmanmá.
17Aśhwanpa am cushicunqui
tantiacü śhunꞌuyücunaca anman uculcaptinmá.
Am Tayta Diosllay, awniycunqui mana nunatucullal wanacü śhunꞌuyücunätamá.
18Munaśhayquimannuꞌari Sionta allinllacta caycachiy.
Jerusalenpa murällancunacta caśhanꞌari śhalcachiy.
19Chayläćha tincüninman uycuśhuśhayquicunacta,
pägaycuśhuśhayquicunacta, cañaywan uycuśhuśhayquicunactapis ćhasquiycunqui.
Chayläćha uycuna patacćhüpis malta türucunacta uycälishunquiman.
Who We AreWhat We EelieveWhat We Do
2025 by iamachristian.org,Inc All rights reserved.
