Josue 6 - Old Testament Quechua Wanca（QVW）

Jerico malcaman imanuypa yaycapäcunanpämi nin

1Israel caśhtacunäta manchacuypïmi Jerico malcaca puncunta sumä wićhacüśha cayalcäla. Manamá mayanpis yalapäculachu nï yaycapäculapischu.

2Tayta Diosñatacmi Josueta nin: “Ampa maquiquimanmi Jerico malcacta, mandäninta, lluy pilyänincunactapis ćhulaycamú.

3Chaypämi am pilyäcunaca malcacta juc cuti lluy muyupämunqui. Chaynu muyupäcunqui süta muyunmi.

4Chay Babulpa puntantañatacmi lipäcunꞌa anćhish sasirdüticuna uwish wälapi curnitillancunawan. Anćhish muyuncäćhüñatacmi sasirdüticunaca tucapäcuśhancäcama amcuna anćhish cuti malcacta muyupäcunqui.

5Chay curnitilla gïrrapä tucalpämuptinmi jinantin malcaca llapan callpayquiwan apalcaćhapäcunqui. Jinaptinmi malcap pilancuna juclla tunïlunꞌa. Chaymi chay malcaman-pacha juclla yaycapäcunqui” nil.

6Niptinmi Nunpa chulin Josue lluy sasirdüticunäta ayalcachil nin: “Tayta Diospa limalicuśhan babulcäta canan apapäcuy. Ñatac anćhish sasirdüticunam wäla curnitillacta tucaśhtin puntayquita lipäcunꞌa” nil.

7Nilculmi malcätañatac Josue nin: “Yaycapäcul, malcacta muyupämuy. Pilyäcunäñatacmari Tayta Diospa babulninpa puntanta yaycapäcunꞌa” nil.

8Chaynu Josue nishantanüllam lluy lulaycälila. Anćhish sasirdüticunämi Tayta Diospa limalicuśhan babulninpa puntanta wäla curnitillanta tucaśhtin lipäcula. Tayta Diospa limalicuśhan babulninñatacmi ipanta lila.

9Pilyä nunacunäñatacmi curnitillacta tucä sasirdüticunäpa puntanta lipäcula. Babulcäpa ipantañatacmi waquincuna lipäcula; sasirdüticunäñatacmi tucayta mana manalcapäculachu.

10Pilyäcunätañatacmi Josue nin: “Amcuna amam apalcaćhapäcunquichu, nï imallactapis limalcälinquichu, nï uchuyllactapis nipäcunquichu aśhta ‘callpa-callpawan apalcaćhapäcuy’ nipäcunaccama” nil.

Jerico malcamanmi yaycapäcun

11Chaynu Josue camachiptinmi Tayta Diospa limalicuśhan babulcäta juc cuticta muyuchimula Jerico malcap. Chaypïta jamapäcuśhanman caśhan cutiycachimulmi chay tuta wälapäcula.

12Chay walantin wäla-wälallam Josue śhalcula; sasirdüticunäñatacmi Tayta Diospa babulninta apaćhaculcäla.

13Chay babulpa ñawpänintam anćhish sasirdüticunaca wälapi cä curnitillantin-cama tucaśhtin puntapäcula. Paycunap puntantañatacmi pilyä nunacunaca ñawpapäcula. Babulcäpa ipantañatacmi waquincuna lipäcula. Curnitillacunäta tucayta manam manalcapäculachu.

14Chaynüpam ishcay muyuncäpis Jerico malcap juc cuticta muyupäcul jamapäcuśhanman cutipäcula. Chaynüllatacmari süta muyunnintin muyupäcula.

15Anćhish muyuncäćhüpis wälalla śhalcacalcälilmi punta lulaśhannu Jerico malcacta caśhan muyupäcula. Ñatac chay muyunca anćhish cutictam muyupäcula.

16Chay anćhish muyuncäćhu sasirdüticunaca curnitillacunäta tucäluptinmi lluy nunacunäta Josue nin: “¡Apalcaćhapäcuy! ¡Tayta Diosmi maquiquiman malcacta ćhulaycämun!

17Cay malcaca Tayta Diospa mana allinpä licaśha captinmari lluy imapis cänintinta camacaycälälinqui. walmillam, wasinćhu aylluncunawan salbaycuśha canꞌa, licamü lï nunanchiccunacta pacaycuśhanpïta.

18Ñatac amcuna chay malcap lluy imanpis camacäśha cananpä cäcunäta ama chalaycuyalcaychu nï yataycuyalcaypischu. Yanꞌalätac chay chalapäcuśhayquiwan Israel jamapäcuśhayquiman ima ñacaytapis, sasachacuytapis ćhäyalcächinquiman.

19Ñatac lluy illayca, üruca, brunsica, jïrruca Tayta Diospämi japächäśhä cayan. Chaymi Tayta Diospa cänincunaman ćhulapäcunqui” nil.

20Chaymi jinantin malcaca apalcaćhälälila, sasirdüticunäpis curnitillantam tucapäcula. Chay curnitillap tucayninta uyalïlälil lluy nunacunaca callpa-callpawan apalcaćhäläliptinmi malcap muyülïninćhu pilancuna lluy tunïlun. Chaynütacmi wäcacunactapis, uwishcunactapis, aśhnucunactapis camacaycälälila.

22Ñatac ishcaynin licä lï caćhaśhancunätam Josue nin: “Watica Rahabpa wasinman lil wasinćhu lluy cäcunätawan limalicuśhayquimannu puśhapämuy” nil.

23Niptinmi chay ishcay nunacunaca lilcul puśhapämula Rahabta, taytanta, mamanta, tulincunacta, lluy aylluncunactapis. Jinalculmi Israel caśhtacunaca jamapäcuśhancunap juc lädunman puśhapäcula.

24Jinalculmi Jerico malcacta lluy imapis cänintinta cañaycälälila. Ñatac ürucunäta, illaycunäta, brunsicunäta, jïrrucunäta jululculmi Tayta Diospa cänincunaman ćhulaycapäcula.

25Chaynüpam Rahab watica walmicta lluy aylluntinta, cänintinta Josue salbaycula, Jerico malcacta licä lïcunäta pacaycuśhanpïta.

27Chaynu Tayta Dios Josuewan cayaptinmi lluy malcacunäćhu lisisha-lisisha caculläla.