1 Cronicas 7 - Old Testament Quechua Wanca（QVW）

Isacarpa milaynincuna

1Isacarpa chulincunañatacmi tawa: Tola, Fua, Jasub, Simronpis.

2Tolap chulincunañatacmi: Uzi, Refaias, Jeriel, Jahmai, Jibsam, Semuelpis. Paycunamari alli-cama pilyä aylluncunaćhu puydïnincuna capäcula. Tolap milaynincuna ishcay ćhunca ishcayniyu walanga süta paćhacmi (22,600) capäcula David mandacuśhan timpućhu.

3Uzip chulinñatacmi Israhias. Israhiaspañatacmi: Micael, Obadias, Joel, Isiaspis. Paycunaćhu pichanmari puydïcuna capäcula.

4Walmincunapis achca-achca captinmi chulincunapis alli-alliman miläluptin quimsa ćhunca sütayu walanga (36,000) pilyä nunancunapis cacula.

5Chayurá Isacar ayllup lluy milaynincuna pusä ćhunca anćhish walanga (87,000) sumä alli-cama pilyäcunamari capäcula.

Benjaminpa milaynincuna

6Benjaminpa chulincuna quimsam: Bela, Bequer, Jediaelpis.

7Belap picha chulincunañatacmi: Ezbon, Uzi, Uziel, Jerimot, Iripis. Paycunamari alli-cama pilyä ayllunćhu-cama puydïcuna capäcula. Paycunap milaynincuna ishcay ćhunca ishcayniyu walanga quimsa ćhunca tawayümi (22,034) capäcula.

8Bequerpa chulincunañatacmi: Zemira, Joas, Eliezer, Elioenai, Omri, Jerimot, Abias, Anatot, Alametpis. Lluy paycunamari Bequerpa chulincuna capäcula.

9Pay alli-cama pilyä ayllunćhu-cama puydïcunäta fintaptinmi ishcay ćhunca walanga ishcay paćhacniyu (20,200) capäcula.

10Jediaelpa chulinñatacmi Bilhan. Bilhanpa chulincunañatacmi: Jeus, Benjamin, Aod, Quenaana, Zetan, Tarsis, Ahisaharpis.

11Paycunamari puydïcuna capäcula, pilyaypä ishpisha-cama, imactapis mana manchä-cama. Paycunap alli-cama pilyänincunam ćhunca anćhishniyu walanga ishcay paćhacniyu (17,200) capäcula.

12Hirpa chulincunañatacmi: Shupim, Hupim; Aherpañatacmi Husim.

Neftalipa milaynincuna

13Neftalipa chulincunañatacmi: Jahzeel, Guni, Jezer, Salumpis. Paycuna Bilhap willcancunam capäcula.

Manasespa milaynincuna

14Siria lädu uywanacuśhan walminćhümi Manasespa chulincuna Asrielwan Maquir cala. Maquirpa chulinñatacmi Galaad.

15Maquirmi casaracüla Maaca nishan wamlawan. Pay cala Hupim, Shupim nishanpa paninmi. Maquirpa ishcay chulinñatacmi Zelofehad cala. Zelofehadpañatacmi wamla-camalla chulincuna cala.

16Maquirpa walmin Maacam ishyacüla juc walaśhta. Paytam Pereswan śhutichäla. Perespa wawꞌi-caśhanñatacmi Seres. Serespa chulincunañatacmi Ulamwan Requem.

17Ulampa chulinñatacmi Bedan. Paycunamari Galaadpa milaynincuna capäcula. Galaadꞌa Maquirpa chulinmi, Maquirñatacmi Manasespa.

18Maquirpa panin Hamolequetpa wawincunañatacmi: Isod, Abiezer, Mahalapis.

19Semidap chulincunañatacmi: Ahian, Shiquem, Likhi, Aniampis.

Efrainpa milaynincuna

20Efrainpa milaynincunañatacmi: Sutela, Bered, Tahat, Elada, Tahat,

21Zabad, Sutela, Ezer, Eladpis. Ñatac Gat läducunäpa uywancunacta suwacü Sutelawan Ezermi lipäcula; chayćhu suwayalcaptinmi wañülächila.

22Chaymi taytan Efrain achca timpu llaquicuyćhu captin aylluncunapis cunsuylänin śhapämula.

23Chaypi Efrain walminwan puñüluptinmi walmin patayu licalilcul walaśhta ishyacüla. Paytam Beriawan śhutichäla wasinćhu llaquicuylla captin.

24Beriap wamla chulin Seeram śhalcachila: janay-lädu Bet-horon, ulay-lädu Bet-horon, jinaman Uzen-seera malcactapis.

25Beriap milaynincunam: Refa, Resef, Telah, Tahan,

26Laadan, Amiud, Elisama,

27Nun, Josuepis.

28Paycunap yaćhaśhan malcancuna, allpancuna cala: Bet-el lluy tacsha malcachancunawan, inti ishpimunan lädućhu Naaran, inti jiꞌalpunan lädućhu Gezerpis lluy malcachancunawan, jinaman Shiquem, Gaza lluy malcachancunawanpis.

29Manasespa milaynincunap maquinćhümari cala: Bet-sean, Taanac, Meguido, Dor malcacunapis malcachancunawan-cama. Caycunaćhümari Israelpa chulin Josepa milaynincuna yaćhapäcula.

Aserpa milaynincuna

30Aserpa chulincunam: Imna, Isua, Isui, Beria, jinaman wamla chulin Serapis.

31Beriap chulincunañatacmi Heberwan Malquiel.

Malquielpa chulinñatacmi Birzavit.

32Heberpa chulincunañatacmi: Jaflet, Somer, Hotam, jinaman wamla chulin Suapis.

33Jafletpa chulincunañatacmi: Pasac, Bimhal, Asvatpis.

34Semerpa chulincunañatacmi Ahi, Rohga, Jehuba, Arampis.

35Wawꞌi-caśhan Helempa chulincunañatacmi: Zofa, Imna, Seles, Amalpis.

36Zofap chulincunañatacmi: Sua, Harnefer, Sual, Beri, Imra,

37Beser, Hod, Sama, Silsa, Itran, Beerapis.

38Jeterpa chulincunañatacmi: Jefone, Pispa, Arapis.

39Ulap chulincunañatacmi: Ara, Haniel, Reziapis.

40Lluy paycunamari Aser ayllup wasinćhu-cama puydïnincuna, pilyupä alli-cama sumänin-cama capäcula. Wasinpa-cama fintaptin ishcay ćhunca sütayu walanga (26,000) allin pilyäcunamari capäcula.