1Sumä munayniyu Tayta Diosllay,
yaćhaśhayqui sityuca maynu tuqui-tuquimá.
2 Tayta Diospa alawana wasinpa patyunćhu
caycuypïmi llapan śhunꞌüwan sumä-sumäta wañupacuyá.
Cawsä Tayta Diostam tucuy śhunꞌüwan cushisha alawaycuyá.
3Sumä munayniyu Tayta Diosllay, mandacü Diosnillay,
ulpaycunäpis wasiquićhu jamaycunanpä taliycunmi.
Wayanaycunäpis ishnachaculcanmi wawincunacta ishpichipäcunanpä.
4Sumä cushicuymari wasiquićhu yaćhäcunäpä.
Mana jamayculmá alawaycälishunqui. Selah
5Ima cushicuymi llapan śhunꞌunwan caśhayquiman
śhamuyta munäcunäpä, callpanchaśhayqui nunacunäpä.
6Wiꞌiy nishan pampap pasayaptinpis
pucyu-pucyu pampamanmi muyuycachinꞌa.
Chay pampacta punta tamyacunäpis sumä allinmanmi muyuycachinꞌa.
7Lishanpa masmi mas callpasapaman licalipäcunꞌa.
Sionćhuꞌa quiquin sumä Tayta Diostamá licaycapäcunꞌa.
8Sumä munayniyu Tayta Diosllay mañacuylläta uyaliycallämay.
Jacobpa Tayta Diosnin ayacuylläta ćhasquiycallämay. Selah
9Pacaycamäní Tayta Diosllay, aclacuśhayquita
llaquipaycuyniquiwanꞌari licaycullay.
10Walanga muyun waśhaćhu canäpïtá
mas allin juc muyunllapis wasiquićhu caycuymi.
Mana allincunäwan canäpïtá mas allin
Tayta Diosnïpa wasinpa puncullanćhüpis sirbiycuymi.
11 Tayta Diosmi acchiycamäninchic pacaycamäninchic.
Tayta Diosmi llaquipaycamäninchic, altuman julaycamäninchic.
Mana juchayu allincämannu cawsäcunätá allincällactamá taliycachinꞌa.
12Sumä munayniyu Tayta Diosllay,
ima sumä cushicuymi anman chalapacücunäpä.
Who We AreWhat We EelieveWhat We Do
2025 by iamachristian.org,Inc All rights reserved.
