1“Chayurá awquilluyquicunap Tayta Diosnin uycuśhuśhayqui allpäćhu cawsapäcuśhayquićhu lulayman ćhulaycälinqui cay nishancunactawan camachishancunactam.
2“Chay yaycapäcunayqui malcacunap taytachancunacta mayćhu sirbipäcuśhancunactapis pampamanmi lluy muyuchipäcunqui: ulꞌucunäćhu, ulꞌunpalcücunäćhu, śhaśhay-śhaśhay lantacunäpa siquinćhu cäcunätapis.
3Uycuna patacnincunacta tunïläliy; lumincunacta amshüläliy; mamachan Aseractapis cañäläliy, cullupi luläśha taytachancunactapis pampaman muyuchipäcuy. Chaynüpam chaycunacta yalpapäcunanpi chincachipäcunqui.
4“Tayta Diosniquitañatacmi ichá chaynüpa ama alawapäcunquichu.
5Aśhwanpa quiquin Tayta Diosmi amcunaćhu cä mayannin ayllućhüpis sityucta aclaycunꞌa, chayćhu yaćhananpä. Chaymanmi amcuna alawä lipäcunqui.
6Chaymanmari uywacunacta apaycälinqui Tayta Diospa cañaycälipunayquipä, uycälinayquipä. Jinaman uycälinayquitapis, limalicuśhayquicunactapis ćhuncapïta jucta-cama uycunayquitapis, śhunꞌuyquipi yalamuśhan uycunayquitapis uycälinquim. Chaynütacmi wäcayquicunap, uwishniquicunap wamä wawintapis uycälinqui.
7Chaypïta lulaśhayquicunaćhu Tayta Diosniqui lluy uycuśhuśhayquicunacta paypa puntanćhümi lluy aylluyquiwan cusca cushisha micapäcunqui. Chaynu lulapäcunqui Tayta Diosniqui allin capäcunayquipä lulaycuśhanpïtamá.
8“Chayćhu cayalcal manamá canan lulapäcuśhayquinüchu śhunꞌuyqui munaśhanta lulaculcanqui.
Who We AreWhat We EelieveWhat We Do
2025 by iamachristian.org,Inc All rights reserved.
