Eclesiastes 2 - Old Testament Quechua Wanca（QVW）

1Chaynütacmi śhunꞌüćhu niculá: “Cananꞌa lluy munaśhäta lulayculmá cushicuśhä” nil. Chaypis yanꞌal-yanꞌalmá caña.

2Chaymi tantiaycú asicuycäpis yanꞌal caśhanta. ¿Imapämá bälimanchic munaśhanchicta ashiycäpis?

3Yaćhaycäta mana caćhaycullalmi aychäta bïnu upyaywan cushichiyta ashiyculá. Chaynüpamari cay allpäćhu ash timpulla caśhancama nunaca imanuypa allin cawsaśhantapis tantiaycuyta munalá.

4Sumä-cama lulaycunactamari lulacülá: Wasicunactam śhalcachilá,

9Sumä cäniyümi caculá;1Cro 29.25. Jerusalenćhu punta cäcunäpïpis mas-mas cäniyümi caculá. Jinaman yaćhayca jinallamá yaꞌaćhu caycula.

10Ñawí munaśhanta imactapis lulayculämá; śhunꞌú munaśhanta manamá manalcachilächu. Lluy-lluy lulaśhäpïmá cushiculá; chayllactamá ancha-anchap lulaycuśhäpi juluyculá.

11Chaypïta lluy lulaśhäcunactam licayculá; maynu-maynu ñacaywan lulaycuśhäcunactapis licayculämi. Chaynu sumäta tantiayculmi yaćhalá lluypis yanꞌal-yanꞌal caśhanta, waywacta chalayta munaśhanchicnülla caśhanta. Cay allpäćhu maynu-maynu ñacalpis imactapis manamá julucunchicchu.

12Chaypïta yaćhaycäta tantiaycuytam llapan śhunꞌüwan caśhan ashiyculá; chaynütacmi mana allincunätapis, luclu caycunactapis lisiyculá. ¿Ipa śhamü mandacüca imactamá lulaycunꞌa? Manamá imactapis lulanꞌañachu sinuꞌa lluy lulaśha cäcunällactañamari.

13Chayurá caytam licaycú: maynümi acchica mas allin tutapäcäpïta, chaynümi luclu caycäpïta mas allin yaćhayca.

14Yaćhayniyüca ñawin quićhacüśhamá cayan; luclüñatacmi ichá tutapäcäćhu puliyan.

Chaynütacmi tantiaycú ishcaynintapis chaynülla imapis pasananta.

15Chaymi quiquillá niculá: “Luclüta pasaśhannüćha yaꞌactapis pasamanꞌa. Chayurá ¿imapämá ancha-anchap yaćhayniyu caśhäpis bäliman? Caypis yanꞌal-yanꞌalmá.

16Yaćhayniyücätapis luclütapis manamá mayanpis wiña-wiñaypä yalpanꞌachu; śhamü timpucunäćhu lluymá unꞌälälinꞌa; yaćhayniyücäpis luclupis chaycuscamá wañupäcunꞌa” nil.

17Chaymi cay cawsaycäta ćhïnicuyman ćhälú; cay allpäćhu lluy ima lulaśhäcunapis millanaśhmá. Rasunpa lluy imapis yanꞌal-yanꞌalmá; waywäta chalayta munaśhanchicnümá.

18Chaynütacmi cay allpäćhu lluy ima lulaśhätapis ćhïnicuyman ćhälú; lluy chaycunacta atïní mandacücämanćha caćhaycuná canꞌa.

19Masqui luclu calpis ütac yaćhayniyu calpis cay allpäćhu maynu-maynu ñacaywan yaćhaywan talishätamá duyñuchacuycunꞌa. Caypis yanꞌal-yanꞌalmá.

20Cay allpäćhu lluy lulaśhäta licayculmi llaquiculá, ancha-anchap ñacaywan lulaśhäpïta.

21Nunaca sumä yaćhaywan, tantiaywan, allinta lulaycuśhancätamá imallactapis mana lulä nunaman caćhaycunꞌa. Caypis yanꞌal-yanꞌalmá; mana allinmá.

22Chayurá ¿imactamá nunaca julucun cay allpäćhu ancha-anchap lulaśhanpi, pinsamintucuśhanpi?

23Walan-walanmá ñacayllaćhu cayan.Job 5.7; 14.1. Lulaynincuna sasa-sasamá; tutanpapis mana jamayculñamá muspapacuyan. Caypis yanꞌal-yanꞌalmá.

24Nunäpa mas allin canman micucunan, upyacunan, lluy ima lulaśhanpïpis cushicunanmá. Caypis Tayta Diospa munayninpïmari śhamun.Ecle 3.13; 5.18; 9.7; Isa 56.12; Luc 12.19; 1Cor 15.32.

25Pay mana munaptinꞌa ¿mayanmá cushicunman, micunman, upyanman?

26Tayta Dios munalmi mayantapis yaćhayta, tantiayta,Job 32.8; Prov 2.6. cushicuytapis uycun. Juchasapa nunätañatacmi caćhaycun lluy ima cänincunactapis masta-masta juntucunanpä; chaytam allinpä licaśhancunäman Tayta Dios uycun.Job 27.16-17; Prov 13.22. Caypis yanꞌal-yanꞌalmá; waywäta chalay munaśhanchicnümari.