1Puydï nuna micunayquipä ayachishuśhayquićhu sumäta licacuycuy.
2Micunayquipä sumä-sumä wañupacucuyalꞌa aśhwanpa awantacuy.
3Chay mishqui-mishqui micuynincunapi ama wañupacucuyaychu;
chay micuycunaca pantachicüllam.
74Cäniyu canayquipä amari umayquip śhalcuyaychu.
Tantiayniyu calꞌa ama jinayaychu; caćhaycuy.
5¿Imchiycuyllaćhu pasacücämanchun ñawiquita ćhulayanqui imamá?
Chaycuna laplan wiñämuptin pälicü ancanüllamá juclla pasacun.
86Mićha nunacunäwanꞌa ama micapäcuychu,
nïtac mishqui-mishqui micuynincunactapis munapayaychu.
7Chaynu nunacunaca śhunꞌunćhuꞌa ayca micuśhayquitapis licapayalcanmá.
Janä śhunꞌullanwanꞌa: “Micucuśhun, upyacuśhun” niyalcäśhunquimari.
8Ash micuśhallayquitapis millachiculmá juclla ätumunqui;
shimipis usuymi tuqui limaycunawanlä sulpäta uculanquipis.
99Luclu nunacta amari shimipis usuy limapayaychu;
allin yaćhachicuyniquicunacta manamari ćhaninchanꞌachu.
1010Unaypi ćhululchaśhan culindancunacta ama aśhuchiychu;
mana taytayu-mamayücunäpa ćhaclancunacta amari duyñuchacuycuychu.
11Paycunap Libraycüninca sumä munayniyümá;
paycunaman śhalculmá amta mućhuycachishunqui.
1112Cay yaćhachicuyta sumä uyalicuy,
jinal śhunꞌuyquiman ćhulaycuy.
1213Lawćhaycuna captinꞌa chuliquita lawćhaycuy;
ishcay quimsa asutiwan manamá wañülunꞌachu.
14Chaynu asutiwan lawćhayculmari wañuycäpi libraycunqui.
1315Iju, yaćhayniyu captiquiꞌa
yaꞌapa śhunꞌulläpis cushicunꞌamá.
16Sumä tantiaywan tincüllanman limaptiquiꞌa
sumä-sumämi cushiculläśhä.
1417Juchasapa nunacunäta ama imbidiacuychu;
aśhwanpa imaypis Tayta Diosllacta manchacuy.
18Chayćha allin cawsayman ćhaycunqui;
alcaśhayquipis manamá yanꞌalpächu canꞌa.15
19Iju, lluy nishäta uyaliycamal yaćhayniyu caycuy;
allin caminućhu śhunꞌuyqui caycuchun.
20Shincacuyllaćhu cäcunäwan,
micuyllapïtaña wañupacücunäwan ama jucllachacuychu.
21Upyaylla upyäcunacá, micuylla micücunacá imapïpis lluymá palpupäcun.
Puñuylla puñuyalcaptinmari müdananpis lataśhyäśhaña camacapäcun.
1622Cawsayta uycuśhüniqui cä taytayquita uyalicuy;
mamayqui yaśhaña captin mana cäpa amari licayaychu.
23Imanuypapis rasuncäta, yaćhaycäta, anyapaycuycäta, tantiaycätapis ashiycuyꞌari.
Chaycunacta amari imaypis caćhaycuychu.
24Allin chulinpïta papänin sumätamá cushicun;
yaćhayniyu chulinpïta taytan cushishamá alawacun.
25Chayurá ¡mamayqui, taytayquita cushichipäcuyꞌari!
¡Cawsachishüniqui mamayquita sumäta cushichipäcuyꞌari!
1726Iju, llapan śhunꞌuyquiwan uyalicamay;
caminaycuśhäcunaćhu ñawiqui imaypis caycuchun.
27Watica walmicá luli-luli ućhcunümari;
mansibädu walmicá quićhqui-quićhqui püsunümari.
28Paycuna suwanümá mayantañapis licaycaćhayalcan;
ayca wayapactañaćhá lluy palpälächin.
1829¿Pimá llaquićhu cayan? ¿Mayanmá ñacayćhu cayan?
¿Pimá yanꞌalpi pilyayćhu cayan?
¿Mayanmá quijanacuyllaćhu cayan?
¿Yanꞌalpi mayanmá maꞌaśha cayan?
¿Mayanpamá ñawin mana allinllactaña licayan?
30Chaynu cayalcan upyayllacta mana caćhaycücunämari;
imaymana trägucunacta ashïcunämari.
31Chay munapaypa puca-pucaycuśha bïnu cayaptinpis ama licapayaychu,
nï bäsućhu tuqui-tuqui chipyayaptinpis,
nïtac ushya-ushyanülla yaycuśhantapis munapayaychu.
32Chaywanꞌa culibraypa waćhïshannümá licalïlunqui;
cala walaśhpa bininäśhannümá camacälunqui.
33Ñawiquipis mana cäcunallactañamá licanꞌa;
umayqui chalaśhallancunactañamá shimiquipis limanꞌa.
34Lamarpa wicapacamuyninćhu puñuyänümá caycunqui;
barcup jatun caśhpinpa puntanman chalapacüśhanümá cayanqui.
35Ninquilämi canpis: “Maꞌalälimaptin
manamá nanamanchu, asutilälimaptinpis
manamá sintïchu, lichcapaculcul upyäñatacmá pasacuśhä” nil.
Who We AreWhat We EelieveWhat We Do
2025 by iamachristian.org,Inc All rights reserved.
