1 Samuel 12 - Old Testament Quechua Wanca（QVW）

Samuelmi jinantin malcäta limapan

1Chaypïtam jinantin caśhtacunäta Samuel nin: “Ima mañapämäśhayquicunactapis yaꞌa uyaliycälilacmi. Chaymi mandacütapis uycälilac

2Cayꞌari mandacüniqui caminaycälishunayquipä cayan. Yaꞌa anchap yaśhaña, awquishñam cayá. Chulïcunam ichá amcunawan cayalcan. Yaꞌami müsu caśhäpïta canancama amcunacta caminaycälilac.

3Cananꞌa cayćhümi cayá. Tayta Diospa ñawpäninćhu, aclacuśhanpa puntanćhüpis imapis niycälimänayqui captinꞌa má niycälimayꞌari. ¿Mayanniquip wäcayquitamá ütac aśhnuyquitamá chalacuyculá? ¿Mayanniquitamá tumpapäculac ütac ñacachipäculac? ¿Mayanniquitamá yanꞌalpïta pägachiculac? Rasunpa cutiycachiná captinꞌa cutiycachishämá” nil.

4Niptinmi malcaca nicuyalcan: “Manam mayannïtapis tumpapämälanquichu nï ñacachipämälanquichu, nï yanꞌalpïtapis pägachiculanquichu” nil.

5Niptinmi Samuel nin: “Chayurá amcuna imactapis mana talipämäśhayquita Tayta Dioswan aclacuśhan mandacücämi licäcä cayalcan” nil.

Paycunañatacmi: “Aw chaynümi” nipäcula.

6Jinamanñatacmi malcäta Samuel nin: “Moisestawan Aaronta

11“Chaymi Tayta Dios caćhamula Jerobaalta,Jue 7.1. Baracta,Jue 4.6. Jefteta,Jue 11.29. Samuelta1Sam 3.20. ćhïnicüniquicunapïta libraycälishunayquipä. Chaynüpam allinña cawsapäculanqui.

12Chaynu cayaptinpis má, Amon läducunäpa mandacünin Nahas camacaycälälishunayquipä śhacayämuptinmá nimälanqui: ‘Mandacüniyu caytam munapäcú’ nil.1Sam 8.19. Masqui quiquin Tayta Dios mandacüninchic cayaptinpis juc mandacütalämari mañaculcälanqui.

13Chay mañaculcäśhayqui mandacüniyüñari canan cayalcanqui. Quiquin Tayta Diosmari mandacüniquita uycäliśhunqui.

14Sïchuśh amcunapis, mandacüniquipis Tayta Diosta sirbipäcunqui, manchacuywan uyaliculcanqui, jinaman nishuśhayquita cäsuculcanqui allinmari capäcunqui.

15Ñatac cullu linlicuycul mana uyaliculcaptiqui, mana cäsuculcaptiquiñatacmi ichá awquilluyquicunactanu Tayta Dios mućhuycälichishunqui.

16“Chayurá canan alcaycälil licaycäliy Tayta Dios sumäcunacta lulaycunanta.

17Yaćhapäcuśhayquinüpis canan trïgu cusicha timpućhuꞌa manamá tamyamunchu. Cananꞌa Tayta Diosta mañacuptïmi pay räyuchimunꞌa, tamyachimunꞌa. Chaylämi yaćhapäcunqui mandacü mañaculcäśhayquiwan mana allinta lulapäcuśhayquita” nil.

18Chaypïta Tayta Diosta Samuel mañacuptinmi chay üralla räyucunactawan tamyacta ćhächimula. Chaymi jinantin malcaca Tayta Diostawan Samuelta sumä manchaculcäla.

19Jinalmi jinantin malcaca Samuelta nicuyalcan: “Tayta Diosniquita mañacullay cay uyway nunallayquicuna mana wañupäcunäpä. Juchasapa cayalcalpis mandacüta mañaculcäśhäwan mastalämi juchapacälälillá” nil.

20Niptinmi Samuel nin: “Ama manchaculcaychu. Rasunpa amcuna mana allintamá lulälälinqui. Ñatac Tayta Diostá ama caćhaycapäcuychu; aśhwanpa llapan śhunꞌuyquiwan sirbiycäliy.

21Mana bälï taytachacunactá ama sirbipäcuychu. Chaycuná yanꞌalmi; manam yanapäśhunquichu nï libraycuśhunquipischu.

22Tayta Diosꞌa nunancunaña capäcunayquipämari japächapäcuśhulanqui. Chaymi śhutin altuman juluycuśha cananpä mana caćhaycapäcuśhunquichu.

23Yaꞌañatacmi amcunapïta Tayta Diosta imaypis mañacuyta mana manalcuśhächu. Manalcüluptiꞌa sumä juchaćh canman. Aśhwanpam imaypis yaćhaycälichishayqui Tayta Diospa sumä munaśhanmannu allin cawsaycuyta.

24Tayta Dios imaymana allincunäta amcunapä lulaycuśhanpïmi Tayta Diosllacta manchacuywan, llapan śhunꞌuyquiwan sumäpa sirbiycälinqui.

25Ñatac mana allincällaćhu jinalla cawsayalcalꞌa amcunapis mandäniquipis camacaycüśham capäcunqui” nil.