1¡Imanuylä canqui Etiopia lädu mayucunap chinpanćhu cä malcacuna!
¡Imanuylä canqui wicman cayman pulï barcuyücuna!
2¡Imanuylä canqui śhuꞌuśhpi luläśha büticunawan
Nilo mayunpa willacücunacta caćhäcuna!
Má, chay jatun-cama, llampuy-llampuy aychayu
cä nunacunämanꞌari wayra-wayra willacüta caćhapäcuy;
mayucunap wicman cayman laquïsha cä malcaman,
lluypa manchaśhan malcaman,
sumä-cama nunacunämanꞌari lipäcuy.
3Cay pachäćhu lluy nunacuna,
gïrrapä ulꞌucunäćhu bandira aywisha
caśhanta sumäta licapäcuy.
Curnitillacta tucaptin sumäta uyalipäcuy.
4 Tayta Diosmari caynu nimäla:
“Yaćhaśhäcäpïmi jawcalla licapämuśhä;
usya timpućhu intica sumä chipipicyaśhannümi,
cusicha timpućhu pucutay śhullipäcänümi jawca licapämuśhä” nil.
5Manaläpis üba cusicha captin waytayta camacäluptin,
wayuynincuna allaycayämuptin Tayta Diosmi püdaycunꞌa.
Chillquimücunätam püdanacunawan püdaycunꞌa;
pallaynincunactam cuchulcul wicapälunꞌa.
6Chayćhümá ayacunaca jitäśha canꞌa wisculcunäpä,
munti uywacunäpä.
Usya timpućhümari wisculcunaca ayacunäta ticshipäcunꞌa;
tamya timpućhüñatacmi munti uywacunaca tulluncunactapis caćhupäcunꞌa.
7Chay muyuncunaćhümi jatun-cama, tuqui-cama nunacunaca,
mayucunalla cä manchay malcayu alli-cama,
sumä-cama nunacunaca, sumä munayniyu
Tayta Diosman uycunacunacta apapäcunꞌa.
Sumä munayniyu Tayta Dios yaćhaśhan
Sion ulꞌumanmari rigälucunacta apapäcunꞌa.
Who We AreWhat We EelieveWhat We Do
2025 by iamachristian.org,Inc All rights reserved.
