1 Tayta Dios nishanta canan uyaliy:
“Malcallay śhalcuyꞌari, ima pasaśhuśhayquita má niycamay.
Ulꞌucunaca, ulꞌunpalcücunaca ayachimuśha cachun
quijacuyniquita uyalipäcunanpä.
2Canan má, am ulꞌucuna,
cay pachap sumä simintuncuna uyalipäcuyꞌari,
malcäwan yaꞌa Tayta Dios quijaman yaycülul
Israelta niycunäpä caśhanta.
3“Malcallay, ¿imanalacmi?
¿Imaćhümi piñächilac?
Má, niycamayꞌari.
4Egiptopïta yaꞌamari julaycamulac;
uyway nuna capäcuśhayquipi yaꞌamari libraycamulac.
Julumuśhunayquipämari Moisesta,
Aaronta,
Pay niptin Beorpa chulin Balaam ima nishantapis yalpaćhacuy.
Chaynütac Sitimpïta Gilgalcama
imacunacta pasapäcuśhayquitapis yalpaćhacuyꞌari.
Chaynu lulayculá yaꞌa Tayta Diosniqui
chalapacuna caśhäta camalaycachinacpämari” nil.
Tayta Dios, ¿imactam nunäpi alcaycun?6Waquinćha ninꞌa: “¿Imawanmá Tayta Diosman yaycuycuśhä?
¿Imactamá Sumä Munayniyücäta alawaycunäpä uycuśhä?
¿Cañaywan uycunacta apaculculchun
icha watayu wäcacta apaculculchun aśhuycuśhä?
7¿Tayta Diospa śhunꞌunpänüchun caycunꞌa
walanganpi (1,000) uwishcunacta uycuptí
ütac jićhaywan uycunacta mayuctanu achca-achcacta uycuptí?
¿Juchacta lulaśhäpi wamä chulïtachun uycuśhä?
¿Chulïtachun mana allin lulaynïpïta uycuśhä?” nil.
8Canan má, Tayta Dios nishulanquiñamá
imacuna allin caśhanta, chaynütac ampïta imacta alcaycuśhantapis.
Pay alcayan: tincüllanman lulaycunayquita,
chalapacuna caycunayquita,
Tayta Diosniquiman uyshuycunayquitamá.Articücunäpi, ingañacücunäpïmi nin
9 Tayta Diosmi Jerusalen malcacta limapayan.
Paypa śhutinta manchacuywan licaycuyca, yaćhayniyu caymari.
Paymari nin: “Mućhuycachïcäta,
camaycachïcäta uyaliycäliyꞌari.
10¡Mana allin pasaypi nunacuna!
¿Chutayä mana allin tupuyquicunawan wasiquićhu
tawacuśhayquita jinallachun awantayäśha imamá?
11¿Allinpachun licaycuśha chutayä tupuyücunäta,
suwayä midïdayücunäta imatá?
12Cay malcaćhu cäniyücunaca nunamasinta
ñacachipäcunmá, ingañapäcunmá.
Shiminćhüpis allunćhüpis articuycällamá timpuyan.
13“Chaynu caśhayquipïtam yaꞌapis ñacachishayqui.
Juchayquipïtamari camacaycüśhayqui.
14Miculpis manamá maćhaycunquichu.
Patayqui jinallam quiw-quiwyayanꞌa.
Cusichayquipis manamá tacyaycunꞌachu;
masqui pilwacuptiquipis gïrraćhümá apaculcanꞌa.
15Talpulpis manamá cusichanquichu.
Ulïbuspa asaytinta jululpis manamá llushicunayquipä canꞌachu;
übacta apchilpis bïnucta manamá upyanquiñachu.
16“Amcuna mandacü Omri nishan camachishallanta,
Acab ayllu lulapäcuśhallantamari atiyalcächinqui.
Paycunap nishanmannümari cawsayalcanqui.
Chaymi pampaman muyüchishayqui;
lluy nunayquicunactamá pinꞌayman ćhulaycüśhä.
Lluy malcacunamari jalutaculcäśhunqui” nil.
Who We AreWhat We EelieveWhat We Do
2025 by iamachristian.org,Inc All rights reserved.
