1Nilculmi Job caśhanñatac nin:
2“Sumä Munayniyu Tayta Dios
tincünïman arrinlaycamayta mana munaptinpis,
sumäña piñayächimaptinpis
licäpa quiquinta śhaycaycachilmi limalicú.
3Cawsaśhäcamá,
Tayta Dios cawsayta uycamäśhancamá,
4ima mana allinllactapis shimí manamá limaycunꞌachu;
ima artillactapis allú manamá niycunꞌachu.
5Cawsaśhäcamá, juchannä caśhätamá niycuśhä;
amcuna nishayquica rasunpa caśhanta
imaypis manamá awniycuśhächu.
6Allincällacta lulä caśhäta jicutaycuśhämá;
cawsaśhäcamá imapïpis manamá uyshuläná canchu.
7“Ćhïnimänïcuna mana allin nunacunänümá camacanꞌa;
cuntrá cäcunaca juyu nunacunänümá camacanꞌa.
8Mana allin nunäpa cawsayninta Tayta Dios
quitäluptinꞌa ¿imallá alcaycunan cayanmá?
9¿Sasachacuyćhu cacuyal ayacuptin
Tayta Dios uyaliycunꞌachun imamá?
10¿Sumä Munayniyücäćhüchun cushicuyta taliycun imatá?
¿Imaypis Tayta Diostachun mañacuyalcan imatá?
11-12“Masqui caycunacta amcuna licayalcalpis,
¿imapïmá yanꞌalcunacta limay-limay cayalcanqui?
Má, cananmi Tayta Diospa munayninta lisiycälichishayqui.
Sumä Munayniyücäpi imallactapis manamá pacaycuśhächu.
13“Juyu nunacunaca caycunactamá sumä munayniyu Tayta Diospi ćhasquiycälinꞌa;
Mana allin nunacunäpä caycunamá tücänin.
14Chulincuna achcamari caytá canꞌa;
ñatac micuypïmi, ispädawanmi wañupäcunꞌa.
15Quïdäcunätañatacmá juyu ishyaycuna camacalpülunꞌa.
Paycunapi aśhta japanyäśha quïdäcunäpis manañamá waꞌapäcunꞌañachu.
16“Mana allin nunacunaca masqui allpactanu illayta juntuyalcaptinpis,
pilwactanu müdanacunacta tawacuyalcaptinpis,
17chaycunawan allin nunacunämá müdaculcanꞌa;
chay illaycunätapis juchannäcunämá aypunaculcanꞌa.
18Chay wasi lulaśhancunapis puyup ishñannüllamá cayalcan;
täpanapä cä ramädaycuśhanüllamá cayalcan.
19Tardinpa sumä cäniyu puñuycuyalpis,
wälanpá mana cäniyüñamá ayllipäcunꞌa.
20Llüllanümá manchanaśhcunalla ñiticalpunꞌa;
tutapañatacmi sumä-sumä waywanu aysäśha canꞌa.
21Inti ishpimunan lädu waywa talcämulmi apacunꞌa;
lücu waywa licalïmulmi chay caśhancäpïta pasaypi chincächinꞌa.
22Masqui ayiyta ćhapayaptinpis waywaca
mana llaquipayculmá camacaycülunꞌa.
23Sumä-sumä waywamari bululunyaśhtin,
wishyaśhtin camacaycülunꞌa.
Who We AreWhat We EelieveWhat We Do
2025 by iamachristian.org,Inc All rights reserved.
