Cantares 2 - Old Testament Quechua Wanca（QVW）

Wamlaca

1Saron pampaćhu wayta waytäcämi cá,

pampacunäćhu liryu waytam cá.

Walaśh

2Caśhacunäpa ćhawpinćhu liryu waytänümi

cuyacuśhá wamläní wamlacunäpa ćhawpinćhu cayäpaman.

Wamlaca

3Wirtaćhu sumä allinnin mansananümá

cuyacuśhäcäní müsucunäpa ćhawpinćhu cayäpaman.

Llantuyninćhu taycuycul sumämi cushicú;

wayuynincunacta mishquillactamá micuycú.

4Fistachacunapä cä cuartumanmi puśhacaycaman;

chayćhümi sumä-sumä cuyacuywan üllacaycaman.

5Amta cuyaylläwanmi śhunꞌüpis manaña śhunꞌuchu,

päsascunawan callpanchaycallämay;

mansanacunawan licaćhacachillämay.

6Ichü maquiquimanćha umá jawnacuycunman;

allï maquinwanñatacćha macallacaycamanman.

Walaśh

7Jerusalen wamlacuna, sumä cuyacuśhäcänïta

mana licchachinayquipä luychucunä-laycu,

tarushcunä-laycu limaliculcay.

Quiquillanpi lichcanancamari puñucuchun.Ishcay taquiWamla

8Cuyaśhäcäní śhayämunñamá. Limaynintamá uyaliyá.

Paćhcalcul-paćhcalculmi ulꞌucunäta śhayämun;

pinquilla-pinquilmi ulꞌunpalcücunäta śhayämun.

9Cuyaśhäcäní sumä luychunümi, malta tarushnümi cayäpaman.

Licapäcuy, murällap ipanćhümá cayäpaman;

bintananpamá licapayämun, puñunap ipanpïtamá awaytayämun.

10Cuyaśhäcänïmi niman: “Sumä cuyaśhá wamlallay, śhalcuyña.

Tuquish-tuquish walmillay, acuchun licuśhunña” nil.

11Licayꞌari, tamya timpuca licunñamá;

tamyaca pasacunñamá.

12Waytacunaca chillquïlalimunñamá,

taquinan timpuca ćhämunñamá.

Malcanchicćhu ulpaycunaca taquipänaculcäśhantapis uyaliyanchicñamá.

13Ïgus lantaca wayuyta allacaycälinñamá;

üba mishqui lantacunäpis waytayćhüñamá cacuyalcan.

Cuyaśhá wamlallay, śhalcuyña.

Tuquish-tuquish walmillay, acuchun licuśhunña.

14Wancacunäpa ućhcuncunaćhu ishñachacü ulpaycha,

chaꞌacunäpa laꞌalaśhancunaman pacacü ulpaychallay,

cärallayquita licaycachillämay; limayniquita uyaliycachillämay.

Limayniqui mishqui-mishquichallamá; cärayqui tuquish-tuquischallamá.

Walaśhwan wamlaca

15Üba lantanchicta mana cäman

manalä muyuchishancama, lluy atücunäta chalapäcuy,

chay uchuchä atücunätari chalapäcuy.

Awari, üba lantanchiccuna waytayćhüñamari cacuyan.

Wamla

16Cuyaśhäní yaꞌapamá; yaꞌapis paypamá cayá.

Paymá liryucunap ćhawpinćhu uwishninta michiycun.

17Tutaca manaläpis achicyalcuptin,

yanawyayca manaläpis pasacuptin cuyaśhäní yaꞌaman cuticamuy.

Laquimäśhanchic jatućhä ulꞌucunäpi luychunu wayra-wayralla śhacamuy;

malta tarushnu yaꞌaman sumä-sumä śhacamuy.