Oseas 1 - Old Testament Quechua Wanca（QVW）

1Juda lädup mandacünin Uzias, nïta śhutichäluy. nïta. Chaynu ćhulanqui Israel läducta manaña llaquipaycuná, pampachaycuná captinmari.

7“Juda läductañatacmi ichá llaquipaycuśhä, salbaycuśhä. Manamá flïcha ćhächicuwanchu, ispädawanchu, gïrrawanchu, nï cawallucunawanchu, sillädacunawanchu salbaycuśhä, sinuꞌa yaꞌa quiquin Tayta Diosninmi munaynïwan salbaycuśhä” nil.

8Chaypïta Gomer “Mana cuyaśha” nishan wawinta wasilculmi caśhanñatac patayu licalilcul juc walaśhta ishyacüla.

9Chayćhümi Oseasta Tayta Dios nin: “Payta śhutichäluy ‘Manam malcächu’ nïta. Chaynu ćhulanqui amcuna malcá mana capäcuśhayquipïmi; yaꞌapis manamá Tayta Diosniquichu cá” nil.

10Chaynu captinpis, Israel läducunaca mana fintaycuna,

mana tupuycuna lamarcäćhu cä awishquicunänümá

achca-achca capäcunꞌa.

Mayćhümi nishulanqui: “Malcächu manam capäcunqui” nil,

chayćhütacmi “Cawsä Tayta Diospa chulincuna” nishatac capäcunquipis.

11Chaylämi Juda läducunaca Israel läducunäwan juntunacuycul,

juc puydïllactaña ćhulapäcunꞌa.

Caśhanmi chillquilipäcunꞌa.

Chay muyun Jezreelćhu sumä cushicuymá cacunꞌa.