1 Tayta Diosllay, allincämannümi imaypis cawsayculá,
tincünïmannuꞌari cäraycallämay.
Mana jucmanyällalmá amllaman chalapacamulá.
2 Tayta Diosllay, sumätari licaycallämay.
Śhunꞌütapis tantiaynïtapis tuquictari yaćhapaycamay.
3Cuyacuyniqui śhunꞌulläćhümá cayan.
Rasun cayniquićhümá puliycú.
4Ishcay cära nunacunäwan manamá jucllachaculächu.
Janä śhunꞌuyücunäwanꞌa manamá cuscachu calá.
5Mana allin nunacunäpa juntunacuynincunacta millachicümi.
Juyu nunacunäwan manamá imaypis jucllachanaculcächu.
6 Tayta Diosllay, chuya cä maquïwanmi
uycuna patacniquip muyülïninman aśhuycamullá.
7Chayćhümi taquicunawan alawaycuśhayqui,
sumäcunacta lulaycuśhayquipi willaculläśhä.
8 Tayta Diosllay, yaćhaśhayqui wasiquitamá cuyaycú.
Sumä cayniqui caycuśhantamá cuyaycú.
9Juchasapacunäwan cuscacta amari chincachimaychu.
Nuna wañuchicücunätawan cuscacta amari mućhuchimaychu.
10Chaycunap maquincuna mana allincäwan chapunacüśhamá cayan.
Casquicuycunawan talishancuna juntäśhamá cayan.
11Yaꞌapa cawsaynïñatacmi ichá
imallapis mana niycuna cayan.
Llaquipaycamalꞌari salbaycallämay.
12Allinnin allpaćhümá ćhaquí cayan.
Malcanpa ñawpäninćhümá Tayta Diosta altuman juluycuśhä.
Who We AreWhat We EelieveWhat We Do
2025 by iamachristian.org,Inc All rights reserved.
