Lamentaciones 4 - Old Testament Quechua Wanca（QVW）

Siontam Tayta Dios camacaycunAlef

1¡Imanuypatá üruca anlälun!

¡Imanuypamá ürüpa chipyaynin chincacun!

¡Imanuypatá caminucunäpa isquinancunaćhu alawana wasip

tuquish lumincuna wacäśha cayalcan!

Bet

2Sionćhu ama-pacha nishan nunacunaca,

cananꞌa cutuśh mancanüllañamá licalïlälin.

Ürupïtapis mas ćhaniyüpa licaśha cäcunaca,

cananꞌa allpa mancacta luläpa lulaśhallannüñamá cayalcan.

Guimel

3Atücunäpis wawincunacta ñuñupäcunmá;

atücunäpis wawincunacta ishpichipäcunmá.

Malcäñatacmi ichá mana śhunꞌuyu capäcun;

chunyäcäćhu cä avestruscänümá pasaypi-cama capäcun.Dalet

4Chay ñuñü wawincunacta ancha-anchap

yacunayaptinmá alluncunapis laꞌanacülun.

Uchuchäcunälla micuyta mañaculcaptinpis

manamá mayan uycüllapis canchu.

He

5Alli-cama micuycunallacta micü nunacunaca,

cananꞌa caminucunäćhümá micuypi wañuyalcan.

Alli-cama murädu müdanacunallawan müdacücunaca,

cananꞌa mana bälï wicapäśha cäcunälläćhüñamá cayalcan.Vav

6Sodoma malcap juchanpïtapis

mas-maslämá Jerusalenpa juchan.

Mayanpis mana camacaycuyaptinmá,

pampaman juclla muyüchisha cala.

Zayin

7Puydï nunancuna laśhtapïtapis mas chuya-chuyamá;

lichipïtapis mas yulä-yulämá.

Aychancunapis coral nishan tuquish lumipïtapis

mas puca-pucaycuśhalämá;

zafiro tuquish lumipïtapis mas tuquish-tuquishlämá.

Jet

8Cananꞌa ityapïtapis mas yana-yananninlämá cayan;

caminucunäćhüpis manañamá mayanpis lisinñachu.

Tulluncunaman aychanpis laꞌanacacüśhañamá cayan;

caśhpinu pasaypi chaquïshañamá cayan.

Tet

9Micuypi wañücunäpïtá mas allin gïrraćhu wañücunämá.

Micunanpä imapis mana captinmá ñacayal sasa-sasacta wañupäcun.

Yod

10Sumä cuyacuyniyu cä walmicunämi,

wawincunacta yanucälälin.

Malcá camacaycüśha cayaptinmá quiquinpa

wawincunaña micuynincuna cala.Caf

11Sumä walayä piñacuynintamá Tayta Dios caćhaycüla;

latayä rabyacuynintamá pasachicüla.

Sionman piñacuyninta lataycächiptinmá

aśhta simintuncunactapis camacaycüla.

Lamed

12Jinantin allpäćhu mandacücunäpis,

nï jinantin pachäćhu nunacunäpis manamá chalapaculachu,

ćhïnicücunaca Jerusalen malcap puncunpa yaycapämunanta.

Mem

13Chay willacünincunap juchanpïtamá,

chay sasirdütincunap mana allin lulayninpïtamá,

jinantin Jerusalenćhu mana juchayu

nunacunaca wañuchisha capäcula.

Nun

14Aplacunänümá caminucunäćhu taplaycaćhapäcula.

Yawarwan sumä anlatacälälisha cayalcaptinmá,

müdanancunacta mayanpis yataycuyta mana munapäculachu.Samej

15Paycunacta licalmi: “Millachicuy anlacuna; aśhupäcuy.

Ama yataycapämaychu; aśhupäcuy” nil nipäcula.

Niptinmi wicta cayta ayiculcäla;

chay nasyuncunäćhümi ninaculcäla:

“Caycuna, manañamá imaypis cayćhu yaćhapäcunꞌañachu” nil.

Pe

16 Tayta Dios piñacuyninćhu chiꞌilcachilmá manaña licayculachu;

sasirdüticunäpis jalutacüśhañamá capäcula;

yaśha awquishcunäpis mana llaquipaycuśhañamá capäcula.

Ayin

17Yanapämänanchicpä alcay-alcay yanꞌal licapayaptinchicmá,

ñawinchiccunapis aspacalpunña.

Chalapacüśhamá salbayta mana atipä nasyunta yanꞌal alcayanchic.Tsade

18Lluy pulishanchictamá awaytayämanchic;

caminucunäta manañamá yaluyta atipanchicchu.

Camacänanchic muyunca jiꞌacaycayämunñamá;

wañunanchic muyunca jananchicćhüñamá cacuyan;

Qof

19Aticaćhamäcunaca ancacunäpïpis mas bïbu-bïbu-camamá.

Ulꞌucunäćhüpis aticaćhapämanmá;

chunyäcunäćhüpis trampacunactamá ćhulapäman.

Resh

20 Tayta Diospa aclacuśhanca,

cawsayta uycamäninchic trampaćhu ćhänalayalmá quïdälun.

Paypïtam nilanchic: “Llantuymannümi payćhu pacacuycuśhun;

lluy nasyuncunäpïmi licaycamäśhun” nil.

Shin

21Uz lädućhu cä Edom nasyun, cananꞌa alli-allicta cushicuyꞌari.

Ćhacćhä cüpapïta upyanayqui üra ampäpis ćhämunꞌañamá;

shincalcul pinꞌayćhu canayqui üra ćhämunꞌañamá.

Tav

22Tuquish Sion, mućhuchishunayquica camacälunñamá;

Tayta Dios manañamá imaypis prïsucta puśhachishunquiñachu.

Am Edomtañatacmi ichá juchayquipïta pay mućhuycachishunqui;

mana allin lulayniquicunacta camalaycachinꞌamá.