1“Cay camachishäta, yaćhachishäta, willäśhätam quiquin Tayta Dios amcunacta willaycälinacpä nimäla uycuśhuśhayqui allpaćhu lulayman ćhulapäcunayquipä.
2Chayćha cawsayniquićhu manchacuywan Tayta Diosniquita altuman juluycunqui, jinaman cay camachicuynin, yaćhachicuynin willaycuśhäcätapis lulayman ćhulaycapäcunqui. Jinalćha ampis, chuliquipis, willcayquicunapis achca wata allin cawsapäcunqui.
3Israel caśhta uyalicul cäsucunayquipä callpanchacuyꞌari. Chayćha tuqui-tuquicta wayuycachï allpäćhu allin cawsanqui. Jinaman awquilluyquicunap Tayta Diosnin limalicuśhanmannümi milayniquipis achca-achcaman milaycunꞌa.
4“Israel, uyalimay: Tayta Diosninchicꞌa rasunpa jucllayllam.
5“Tayta Diosllayquiman tucuy śhunꞌuyquitapis, llapan pinsayniquitapis, lluy callpayquitapis ćhulaycuy.
6“Canan limapäśhäcunacta śhunꞌuyquiman ćhulaycuy.
7Caytari chuliquicunaman yapalcul-yapalcul wasiquićhu, pulishayquicunäćhu, puñunayquipäpis, śhalcunayquipäpis yaćhaycachinqui.
8Maquiquiman, ulcuyquimanpis juc siñaltanuꞌari ćhulacüluy.
9Chaynütac wasiquip puncunman, paradïruncunamanpis isquirbiycuy.Deut 11.18-20.
10“Quiquin Tayta Diosniquimari awquilluyqui Abrahamman,Gen 12.7. Isaacman,Gen 26.3. JacobmanGen 28.13. limalicuśhan allpaman yaycachishunqui. Amcuna mana lulaculcäśhayqui sumä-cama allin malcayu allpamari cayan.
11Jinaman mana juntucuśhayqui imaymana sumä ćhaniyü-cama juntam wasicunaca cayan. Mana ućhcuśhayqui püsucuna, mana lantacuśhayqui übas, ulïbus lantacunapis cayanmi. Chaycunapïta maćhaycunayquicamam micunqui.
12Chaynu cayalcal ama unꞌapäcuychu Egiptoćhu uyway nunanu capäcuśhayquipi Tayta Dios juluśhuśhayquita.
13Tayta Diosllayquita manchacuywan alaway; payllactatac sirbiycuy;Mat 4.10; Luc 4.8. limaliculpis śhutinta śhaycaycachil limaliculcay.
14Chay muyülïniquićhu yaćha malcacunäpa taytachancunawanꞌa amamá apachiculcanquichu.
15Amcunawan cayä Tayta Diosniqui silüsum. Yanꞌalätac amcunawan piñacuynin waläluptin cay pachäpi chincächishunquiman.
16“MasahExo 17.1-7. lädućhünuꞌa Tayta Diosta munayniquimanꞌa ama jicutaychu.Mat 4.7; Luc 4.12.
17Aśhwanpa Tayta Diosniqui uśhuśhayqui camachicuyninta, yaćhachicuyninta, willacuyninta cäsuculcay.
18Tayta Diospa ñawquinćhu allin cäcällactawan tincüllanman cäcällacta lulaycäliy. Chayćha imaćhüpis allin caycälinqui, awquilluyquicunaman limalicuśhan allin allpactapis duyñuchaculcanqui.
19Chaynütac limalicuśhanmannu amcunawan pilyä śhamü ćhïnicüniquicunacta alapacülunꞌa.
20“Má, śhamü timpućhu chuliquicuna tapuśhunquiman: ‘¿Tayta Diosninchic imapätan cay camachicuynincunacta, yaćhachicuynincunacta, willacuynincunacta uycuśhulanqui?’ nil.
21Nishuptiqui nipäcunqui: ‘Egiptoćhu mandacü Faraoncäpa uywayninmi calanchic. Chaypïmi Tayta Dios nana-nanay maquinwan julaycamälanchic.
22Licalanchicmi Tayta Diosninchic licapayllaman-cama lulaycunawan, milagrucunawan Egiptoćhu mandacü Faraoncäta lluy aylluntinta mućhuycachishanta.
23Yaꞌanchictañatacmi ichá chay malcapi julaycamälanchic awquillunchiccunaman limalicuśhan allpäman ćhulaycamänanchicpä.
24Chaypïtam Tayta Dios nimälanchic cay camachicuynincunacta lulayman ćhulanapä, jinaman manchacuywan cawsaycunanchicpäpis. Chayćha ima lulaśhanchicpis allin yaluycuptin canancama cawsachimäśhanchicnu cawsaycachimäśhun.
25Sïchuśh cay camachicuynincunacta Tayta Diosninchic nimäśhanchicmannülla cäsucuptinchicꞌa tincüninmanmi licaycuśha caśhun’ nil.
Who We AreWhat We EelieveWhat We Do
2025 by iamachristian.org,Inc All rights reserved.
