1¿Imapïtá malcacunaca mana allin
lulayta alli-allicta munapäcun?
¿Imapïmá mana tantiaycul uman chalaśhanta lulapäcun?
2Cay allpäćhu mandacücunämá
Tayta Diospa cuntran śhalcapäcun.
Puydïcunämá aclacuśhancäpa cuntran śhalcapäcun:
3“Cadinamäśhanchiccunäta laćhüśhun.
Ćhänalächimäśhanchiccunäpi libracuśhun” nil.
4Janay pachäćhu cayäcäñatacmi paycunacta cushipan.
Tayta Diosmá paycunacta asipan.
5Piñacülulñatacmi paycunacta millpülun.
Rabyacuyninwan chucchuycachilmá nin:
6“Chuya Sion ulꞌümanmá mandacünïta
ćhulaycülú” nil.
7 Tayta Diospa camachicuynintamá willaycuśhä.
Paymá nimäla: “Anmi chulí canqui.
Cananñatacmi yaꞌa Taytayqui cá.
8Jinantin nasyuncunaca maquiquićhu
cananpä mañamay jinalla.
Cay allpap camacaynincamamá ampäña caycunꞌa.
9Mandanayquipä jïrru bärayquiwanmi camacaycülunqui.
Cutuśh mancactanümá amshuy pawälunqui” nil.
10Chayurá mandacücuna sumäta tantiaculcay.
Jinantin pachäćhu puydïcuna yanꞌalätac mana ćhasquïtuculcanquimanchu.
11Manchacuywan Tayta Diosta sirbipäcuy.
Allinpä licaycul cushicuywan alawaycäliy.
12Manchacuywan payman uyshuycäliy.
Yanꞌalätac piñacülul caminućhu wañülächishunquiman.
Payꞌa juclla piñacümá.
¡Maynu cushicuymi payman chalapacücunäpá!
Who We AreWhat We EelieveWhat We Do
2025 by iamachristian.org,Inc All rights reserved.
