1 Tayta Diosllay, amllactam ayacamullac.
Aꞌanu cä atajaycamäní amari upatucuycuychu.
Manaña uyalïtucamaptiquiꞌa wañüśhanüñam caycullá.
2Chuya wasiquiman maquïta chacchalällal
mañacuylläta uyaliycallämayꞌari.
3Mana allin nunacunäwan, juyucunäwan
cuscactá amari wicapämaychu.
Paycuna nuna-masincunawan jawca
cawsaypïta limayta limapäcunmá.
Śhunꞌunćhüñatacmi ichá mana allincunälla winalayan.
4Lulaśhanmannu uycüluy, mana allinninmannu cutiycachiy.
Imam lulaśhancunamannu tincüta uycüluy.
5 Tayta Dios lulaśhancunactawan
camaśhancunacta paycuna manamá licätuculcälachu nï tantiapäculachu.
Chayurá Tayta Diosmi camacaycul manañamá śhalcachipäcunꞌañachu.
6Mañacuynïta uyaliycamäní Tayta Dios
allinpä licaycuśha cachun.
7 Tayta Diosmi callpanchamäní, pacaycamäní.
Paymanmi lluy śhunꞌulläwan chalapacú;
paymi yanapaycaman.
Chaymi śhunꞌullá sumä cushisha caycuptin
imaypis taquicunawan sulpäta uycuśhtin alawayculläśhä.
8 Tayta Diosmá malcanpa callpanchaycünin.
Aclacuśhan mandäninpä pacaycünin, licaycünin.
9Tayta Diosllay, malcayquita salbaycuy.
Aclacuśhayquita allinpä licaycuy.
Uwish michïnu michiycul wiñaypä puśhaycuy.
Who We AreWhat We EelieveWhat We Do
2025 by iamachristian.org,Inc All rights reserved.
