Jeremias 44 - Old Testament Quechua Wanca（QVW）

Egiptoman liculcä Juda läducunätam Tayta Dios willachin

1Egipto lädućhu Migdol, Tafnes, Menfis, Patros malcacunäćhu yaćhä Juda läducunäpämi Jeremiasman Tayta Dios limapäla.

2Caynümi Israelpa sumä munayniyu Tayta Diosnin nin: “Amcuna licapäculanquimá Jerusalen malcawan Juda lädućhu lluy malcacunaca imanuy camacaycüśha capäcuśhantapis. Licapäcuśhayquinüpis mana mayanpapis yaćhaśha pulumäśhañamá canan cayan.

3Chaynu cayalcan mana allincäta lulapäcuśhanpïtamá. Paycuna piñachipämäla mana imaypis lisisha taytachacunaman alawapäculExo 20.3. insinsiucunacta cañaycapäcuśhanwanmá. Awari, chay taytachacunacta paycunapis, amcunapis nï awquilluyquicunapis manamá lisipäculachu.

4Yaꞌa mana munaśhäta, millachicuśhäta mana lulapäcunayquipämari yapalcul-yapalcul willacünïcunacta willaycälishunayquipä caćhamulá.

5Ñatac amcuna manamá uyaliculcälanquichu nï cäsuculcälanquipischu. Mana allin lulayniquicunapi manamá wanaculcälanquichu. Aśhwanpalämi mana lisishayqui taytachacunamanlä insinsiucunacta cañaycapäculanqui.

6Chaymi Juda lädućhu malcacunäpä piñacuyní sumä latälun; Jerusalenpa cällincunaćhümá piñacuyní walälun. Chaymari canancamapis pampaman muyüchisha jinalla cayalcan.

7“Cananñatacmi Israelpa sumä munayniyu yaꞌa Tayta Diosnin ní: ¿Imapïtá quiquillayquicuna sumä mana allinniquita ashicuyalcanqui? ¿Imapïmá Juda lädućhu wayapacunaca, walmicunaca, müsucunaca, iñachacunaca lluy wañupäcul mayanpis mana quïdanantachun ashiyalcanqui?

8¿Imapïmá piñachipämanqui Egiptoćhu cayalcal taytachacunacta lulacaycälil insinsiucunacta uycälishayquiwan? ¿Imapïmá quiquillayquicuna pampaman muyuchicuyta munapäcunqui? ¿Imapïmá lluy nasyuncunäpa jamuyäśha mana allinpä licaśha cayta ashicuyalcanqui?

9¿Juda lädup malcancunaćhu, Jerusalenpa cällincunaćhu awquilluyquicuna mana allin lulaśhancunacta unꞌälälinquiñachun imamá? ¿Juda lädup mandacünincunap juchancunacta, amcunap walmiquicunap juchancunacta unꞌälälinquiñachun imatá?

10Amcuna canancamapis manamá manchaculcanquichu nï wanaculcanquichu. Manatacmá amcunaman awquilluyquicunaman camachishämannüchu, yaćhachishämannüchu cawsaycälinquipis.

11“Chaymi Israelpa sumä munayniyu yaꞌa Tayta Diosnin ní: Cananꞌa amcunap cuntrayquimá sumä mućhuchicuyta caćhaycamuśhä. Jinantin Juda läductamá camacaycüśhä.

12Juda lädućhu ashllaylla quïdayalcalpis Egiptoman liytamá wañupacuyalcanqui. Chay Egiptoćhümá camacaycüśha capäcunqui. Uchuyllapis jatunpis ispädawan ütac micuy wanaywanmá wañupäcunqui. Amcuna mana cäpä licaśha, jamuyäśha, mana allinpä licaśha, ćhïnishamari capäcunqui.

13Maynümi Jerusalenćhu cäcunäta ispädawan, micuy wanaywan, ishyaywan mućhuycachilá, chaynümi Egiptoćhu cäcunätapis mućhuycachishä.

14Juda lädu quïdäcunaca Egiptoćhu yaćhamü lïcunaca manamá jucllayllapis cawsayniyu ayinꞌachu. Juda läduman cutiyta maynu munapäculpis manañamá cutipämunꞌachu. Juc-ishcay ayïcunällañamari cutilpis cutipämunꞌa” nil.

15Niptinmi taytachacunaman insinsiu cañaycü walmicunäpa wayapancuna, chayćhu cä achca juc walmicuna, jinaman Egipto lädu Patros malcaćhu lluy yaćhäcunaca Jeremiasta nicuyalcan:

16“Tayta Dios willachimuśhuśhayquita manamá cäsuculcäśhächu.

17Aśhwanpa munaśhätanümi yaꞌa lulapäcuśhä. Sïlüpa MamanJer 7.18. nishan mamachaman jinallamá insinsiucunacta, jićhaywan uycunacunactapis uycapäcuśhä. Canancama lulapäcuśhänüllamá jinalla lulapäcuśhä. Awquillücuna, mandacünïcuna, puydïnïcuna, Juda lädup malcancunaćhu ütac Jerusalenpa cällincunaćhu lulaśhancunänümá lulaycälishä. Chaynu lulapäcuptí micuypa janallanćhümi cushishalla cawsapäculá; imaymana mana allinllactapis manamá pasapäculächu.

18Ñatac Sïlüpa Maman nishan mamachaman insinsiucta, jićhaywan uycuyta mana uycapäcuptïñatacmi ichá imapis pishicayalcäman; gïrrapis micuy wanaypis camacäcayalcäman” nil.

19Walmicunäpis nipäcunmi: “Sïlüpa Maman nisha mamachaman insinsiucunacta, jićhaywan uycunacunacta uycapäcuśhäta ütac panquïquicunacta lulaycälipuśhäta wayapäcuna tuquictamá yaćhapäcula” nil.

20Nipäcuptinmi lluy wayapacta walmicta Jeremias nin:

21“¿Chaynu lulapäcuśhayquita Tayta Dios manachun yaćhan imatá? ¿Manachun awquilluyquicuna, mandacüniquicuna, puydïniquicuna, jinantin malcäpis Juda lädup malcancunaćhu, Jerusalenpa cällincunaćhu insinsiucta cañaycälipuśhanta Tayta Dios tantian imatá?

22Chaynu mana allin lulaśhayquicunacta, millachicuy lulaśhayquicunacta Tayta Dios manañamá awantalañachu. Chaymi nasyunniqui pampaman muyüchisha, pulumächisha, mana allinpä licaśha, mana nunayüña canancama cayan.

23Amcuna taytachacunaman insinsiucta uycälishayquiwanmá Tayta Diospa cuntran mana allinta lulapäculanqui. Pay camachishanta, yaćhachishanta, nishanta, willacuśhanta manamá cäsuculcälanquichu. Chaymari caynu mana allincunälla canancamapis ćhäyalcäśhunqui” nil.

24Chaynütacmi lluy wayapacunätawan walmicunäta Jeremias nin: “Cay Egiptoćhu yaćhä Juda lädu nunacuna uyalipäcuy Tayta Dios nishanta.

25Israelpa sumä munayniyu Tayta Diosninmari nin: ‘Amcunapis walmiquicunapis limaliculcälanqui Sïlüpa Maman nishan mamachaman insinsiucta cañaycälipunayquipä, jićhaywan uycunacunactapis uycälinayquipämari. Rasunpa, limaliculcäśhayquimannümá amcuna lulaycälilanqui. Chayurá chay limalicuśhayquicunacta lulaycäliyꞌari.

26“ ‘Ñatac Egiptoćhu yaćhä Juda lädu nunacuna Tayta Dios nishanta uyalipäcuy. Paymi nin: “Cay Egiptoćhu yaćhä Juda lädu nunacunaca manañamá śhutïta limanꞌañachu Cawsä Tayta Diospa śhutinćhu” nil. Chaynu cananpä sumä munayniyu yaꞌa quiquí Tayta Diosmi limalicú.

27Yaꞌamari licapayá, manamá yanapänäpächu sinuꞌa ñacaycunacta caćhaycunäpämi. Egiptoćhu cä Juda läducunaca pampaman muyuchisha canancamamá ispädawan, micuy wanaywan camacaycüśha lluy-lluy capäcunꞌa.

28Gïrrapi juc ishcaylla ayicünämi Juda läduman cutipäcunꞌa. Chayurá Juda lädućhu quïdäcunaca cay Egiptoćhu yaćhapäcunanpä lluy śhamücunämá yaćhapäcunqui yaꞌa nishäca ütac amcuna nipäcuśhayquica rasunpa lulacacuśhanta.

29Yaꞌa Tayta Dios nishäca lulacacüśha caśhanta tantianayquipä, jinaman cay nasyunćhu mućhuycachisha caśhanta yaćhanayquipä caynümi camalachishä:

30Yaꞌa Tayta Diosmi cay Egiptop mandacünin Hofra nishanta ćhïnicüninpa maquinman ćhulaycüśhä. Chaynütac Juda lädup mandacünin Sedequiasta ćhïnicünin Babiloniap mandacü2Rey 25.1-7. Nabucodonosorpa maquinman ćhulaycuśhänümá wañuchiyta munä nunap maquinman paytapis ćhulaycüśhä’ ” nil.