Deuteronomio 2 - Old Testament Quechua Wanca（QVW）

Israelcunaca chunyäcäćhu achca wata pulipäcuśhantam yalpachin

1“Chaypïta Tayta Diosninchic nimäśhanchicnümi Puca Lamarman lï caminunninpä chunyäcäman lilanchic. Una-unayñamari Seir ulꞌucunäpä muyülïninćhu pulilanchic.Num 21.4.

2Chayćhümi Tayta Dios nimäla:

3‘Cay ulꞌucta anchapñam muyuyalcanqui; nurti läduman cutipäcuy.

4Israel caśhtacunätañatacmi caynu ninqui: “SeirGen 36.8; Num 20.14-21. lädućhu milayniqui Esau yaćhaśhanpam pasapäcunqui. Masqui paycuna amcunacta manchaculcäśhuptiquipis, sumäta cuydaculcay.

5Amamari pilyapäcunquichu. Paycunap allpancunacta manamá licachillapäpis uycälishayquichu. Chay Seirpa ulꞌuncunacta Esaumanñamari uycülú.

6Chaymi micuynincunacta micuśhayquipïta, yacuncunacta upyaśhayquipïtapis pägapäcunqui” ’ nil.

7Ima lulapäcuśhayquicunaćhüpis quiquin Tayta Diosniquim allinpä licaycälishulanqui. Quiquin Tayta Diosniquimari amcunawan caycul imactapis mana pishiycälichishulanquichu tawa ćhunca (40) wata cay jinantin jatu-jatun chunyäcäćhu puliyalcaptiqui.

8“Chaypïta Elatpi Ezion-geberpïta Arabaman śhamü caminunnintam śhamulanchic. Seirćhu wawꞌi-caśhanchic Esaupa milaynincuna yaćhapäcuśhan manyanllanpamari muyumulanchic. Chaypïta Moabpa chunyäninman lï caminunninpam śhamulanchic.

9Chayćhümi Tayta Dios nimäla: ‘Moab läducunäta ama yanꞌal piñayalcächiychu nïtac pilyuctapis ashipayalcaychu. Paycunap allpancunacta manamá licachillapäpis uycälishayquichu. LotpaGen 19.37; Num 21.10-20. milayninmanñam Ar läducta uycülú’ nil.

10“Má, caynümi cala: chayćhu mas puntactam Emit caśhtacunaca yaćhapäcula. Paycunam Anacpa milaynincunanu jatućha callwan-cama, achca-achca capäcula.

11Chaynu jatućhä-cama capäcuśhanpam ‘callwan’ nipäcula. Moab läducunäñatacmi ichá ‘Emit läducuna’ nipäcula.

12Chaynütacmi Seir lädućhu puntacta Horeo caśhtacunaca yaćhala. Paycunactam Esaupa milaynincuna alapacälälil camacaycüla; chaynüpam chayćhüña yaćhapäcula. Chaynümari Israel caśhtacunaca lulaycälinꞌa Tayta Dios uycuśhan allpäćhu yaćhäcunäwan.

13“Chaypïta Tayta Diosñatacmi nimälanchic: ‘¡Zeret mayucta chimpapäcuy!’ nil. Chaymi Zered mayucta chimpalanchic.

14Chay Cades-barneapi aśhta Zered mayucta chimpananchiccama quimsa ćhunca pusä (38) watam pasäla. Chaycama Tayta Dios limalicuśhannümi israelcunäćhu pilyupä cä nunacunaca camacälaña.Num 14.28-35.

15Tayta Diospa piñacuynin paycunaman ćhäluptinmari pasaypipä camacaycüla.

16“Chaynu pilyä nunacunaca lluy wañuculcaptinmi,

17Tayta Diosninchic nimäla:

18‘Cananmi amcuna pasapäcunqui Moab lädup culindanpa Ar malcaman.

19Amon läducunäpa culindanman ćhälälil ama piñayalcächiychu nïtac pilyuctapis ashipapäcuychu. Paycunap allpancunacta manamá licachillapäpis uycälishayquichu; LotpaGen 19.37; Num 21.10-20. milaynincunamanñamari uycülú’ nil.

20“Má caynümi cala: punta timpućhu paycunactapis jatućhä-cama capäcuśhanpam ‘callwanpa allpancuna’ nipäcula. Amon läducunäñatacmi ichá ‘zomzomeo nunacuna’ nipäcula.

21Chay malca jatunmi, achca nunayu, Anacnu callwan-camam capäcula. Paycunacta Tayta Diosmi Amon läducunäwan camacaycüla. Chaymi Amon nunacunäña duyñuchacälälila.

22Chaynütacmi Seir lädućhu puntacta Horeo caśhtacunaca yaćhala. Paycunactam Esaupa milaynincuna alapacälälil camacaycüla; chaynüpam canancama chayćhüña yaćhapäcun.

23Chaynüñatacmi Gazap sircan malcachacunäćhu yaćhä Aveo läducunäwanpis luläla. Lluy Caftor läducunämi Cretapïta śhapämul camacaycälälila. Jinalculmi chayćhüña yaćhapäcula.

24“Chaypïtam Tayta Dios nimälanchic: ‘¡Arnon mayucta canan chimpapäcuy! Jinantin Hesbon nasyunćhu yaćhä Amhor läducunäpä mandänin Sehontam malcantinta maquiquiman ćhulaycamú. Cananꞌari paywan pilyamü lil duyñuchacaycamuy.

25Canan pachapïtam jinantin pachäćhu malcacunäman manchacuytawan chucchuyta ćhulaycamuśhä. Chayćha amcunapi uyalil manchacuypi chucchupäcunꞌa’ nil.

Mandacü Sehonta Israel caśhtacunaca llallishantam yalpachin Num 21.21-30

26“Cademot chunyäcäćhu cayalmi willacücunacta Hesbon malcap mandacünin Sehonman caćhalá jawcayay cananpä:

27‘Cay malcayquip ćhawpinpa pasaycälichillämay. Jatun caminunllanpam pasaycälilläśhä. Manamá wicman caymanpis yaycaycälilläśhächu.

28Pasaycälichillämay jinalla; yacucta micuyta micapäcuśhäpïtá pägaycälilläśhayquim.

29Seir lädućhu yaćhä Esaupa milaynincunapis, chaynütac Ar lädućhu yaćhä Moab läducunäpis pasaycälichipämäśhannu pasaycälichillämay. Tayta Diosní uycälimänan allpaman ćhäpäcunäpämi Jordan mayüta pasapäcuná cayan’ nil.

30“Ñatac Tayta Diosninchic śhunꞌunta lumiyalcachiptin ispirituntapis pasaypiman muyüchiptinmi Hesbon nasyunpa mandacünin Sehon mana munalachu malcanpa pasananchicta. Chaynümari canancamapis cayan.

31“Chaymi Tayta Dios nimäla: ‘Canan-pacham mandacü Sehonta lluy malcantinta ampa maquiquiman ćhulaycamuśhä. Chayurá yaycapäcuy allpancunacta duyñuchacaycälinayquipä’ nil.

32“Mandacü Sehonñatacmi lluy cachacuncunawan pilyananchicpä Jahazaman yalälälimun.

33Tayta Diosninchic maquinchicman ćhulaycamuptinmari paytapis, lluy chulincunactapis, cachacuncunactapis camacaycülanchic.

34Chayćhu lluy malcancuna maquinchicman palpämuptinmi camacaycülanchic: Wayapacunäta, walmicunäta, wamla walaśhcunätapis. Manamá ni jucllapis cawsayniyu quïdalachu.

35Chay camacaycüśhanchic malcacunäpä uywancunactawan lluy imapis ćhaniyu cänincunallactamari apaculcälanchic.

36Arnon mayup patanćhu cä Aroer malcapi, chaynütac pampaćhu cä malcapi aśhta Galaad malcäcämam mana mayan malcallapis cutipacamälanchicchu. Quiquin Tayta Diosmari maquinchicman ćhulaycamula.

37Caycunactañatacmi ichá mana camacaycülanchicchu: Amon läducunäpä allpanta, Jaboc mayup patancunaćhu cä malcacunäta, ulꞌucunäćhu cä malcacunäta, jinaman Tayta Diosninchic mana camacaycunapä nimäśhanchic malcacunätapis.