1 Tayta Diosllay, amllamá Diosní canqui.
Amllactam altuman juluycul jatunchaycuśhayqui.
Anmá sumä-camacta lulaycunqui;
ima lulanayquipä unaypïta camachishayquitapis cananmi lulaycunqui.
2Anmá, malcacunäta pasaypi mana caśhanman licalïchinqui;
sumä alli-cama murällayücunäta pampamanmi muyüchinqui.
Juc caśhtacunäpa palasyuncuna manañamá palasyuchu;
imaypis manaña śhalcachishañamá canꞌa.
3Chaymi sumä-cama nasyuncunaca altuman juluycuśhunqui;
juyu nasyuncunäpis manchacuywan licaycälishunqui.
4Anmari wacchacunäpa, pishipacuyćhu, llaquicuyćhu
cäcunäpa pacaycünin caycunqui.
Anmá lücu tamyapi pacaycünin,
sumä lupaycäpa acachayninpi llantuycünin canqui.
Juyu nunacunäpa jämayninpis sumä-sumä shiwyaya tamya
murällaman ćhämücänümari cayan;
5ütac chaqui-chaqui allpaćhu acachäcuycänumari cayan.
Ñatac anmá juc nasyuncunäpa lüyapäcuśhanta upällächinqui.
Maynümi pucutay llantuycuptin acachäcuyca alalalpun,
chaynümi juyu nunacunäpa llallishanpi alawacuyninta upällächinqui.
6Cay Sion ulꞌućhümá lluy nasyuncunäpa
jatun cumbiducta sumä munayniyu
Tayta Dios lulaycunꞌa.
Sumä mishqui micuycunawan
allinnin bïnucunalämá cacunꞌa.
7Chay ulꞌućhümá lluy malcacunäpa
awitunta julülunꞌa;
lluy nasyuncunäta ñitiläśhan awituntamá julülunꞌa.
8Wañuycäta wiña-wiñaypämari
Tayta Dios pampaman muyüchinꞌa.
Lluy waꞌacunäpa wiꞌinincunactapis pichaycunꞌamá;
malcanpa pinꞌaynin caśhantapis
jinantin allpäpïmá chincächinꞌa.
Chaynu cananpämari Tayta Dios niyan.
9Chay muyunmá nunacunaca nipäcunꞌa:
“¡Awari, paymá Tayta Diosninchic!
¡Chalapacuśhanchic Tayta Diosmá salbamäninchic!
¡Paymá Tayta Diosninchic! ¡Paymanmi chalapacunchic!
¡Salbamäśhanchicpi sumä-sumä cushicuśhun!” nil.
10Cay Sion ulꞌu Tayta Diospa maquillanćhümá caycunꞌa.
MoabIsa 15.1—16.14; Jer 48.1-47; Eze 25.8-11; Amos 2.1-3; Sof 2.8-11. nasyunñatacmi ichá amu jalutacüśhanu
quiquin caśhancällaćhu jalutacüśha ismunꞌa.
11Maynümi nädäca maquinwan yacüta ñitilpun-ñitilpun,
chaynümá nunatucü sumä-cama cä Moab nasyunta
Tayta Dios maquinwan ñitilpülulunꞌa.
12Altu-cama sumä murällancunactapis cućhpächinꞌamá.
Pampaman muyüchishamá canꞌa.
Allpaman licalïchishamari canꞌapis.
Who We AreWhat We EelieveWhat We Do
2025 by iamachristian.org,Inc All rights reserved.
