1Piñacuyninćhu Tayta Dios mućhuchiptin
yaꞌamá ñacayta pasäca cayá.
2Paymá sumä tutapäcäpa pulichimäla;
paymá acchi mana caśhanpa puśhamäla.
3Walan-walanmá yapalcul-yapalcul
maquinta ćhulaycaman.Bet
4Aychätapis, aychäpa utantapis pasaypictamá awquishyächiman;
tullücunactapis ñutuypamá pawäman.
5Muyülïnïman piñacuywan llaquicuyllawanmá cunćhäman.
6Una-unayña wañücunätanümá tutapäcäćhu caycachiman.Guimel
7Mana ayinäpämá muyülïnïman cunćhäman;
sumä llasä-cama cadinacunawanmá ćhänäman.
8Masqui yanapämänanpä mañacuptïpis, ayaycaćhaptïpis
pay manamá ayacuynïta uyaliycamanchu.
9Pulinäcunacta paymá labräśha lumicunawan wićhäman;
pulishá caminücunactamá wicsu-wicsuman muyüchin.
Dalet10Chapatamänanpä ucumälinümá pay licapäman;
pacacüśha liyunnümá pay licapäman.
11Caminupi japächalcamalmá ticshiy pawäman;
pasa-pasaypictañamá caćhaycäman.
12Flïcha ćhächicunta alistayculmá
ćhächimänanpä apuntayäman.
He13Chay flïcha ćhächimäśhanmi
śhunꞌücama yaycülun.
14Jinantin malcäpä asipänanmanmá licalïlú;
anyaśh muyun jamuyayninwan taquipänanmanmá muyülú.
15Ćhacćhä llaquiwanmá ñitïchiman;
ajinjuctamá upyächiman.Vav
16Puntash lumiwanmá quilücunactapis paquïman;
ućhpäćhu anćhaycaćhacunäcamam camacaycäman.
17Jawca cawsaycuyta manañamá talïchu;
cushisha cawsaytapis manañamá lisiycüñachu.
18Chaynu cayalmi nilá: “Callpá manañamá canchu.
Tayta Diosman imapäñamá chalapacuśhä” nil.Zayin
19Ñacayćhu, llaquićhu pulishäta yalpalcullayꞌari;
ćhacćhacu ajinjucta uycamäśhayquitamá yalpalcullá.
20Chaycuna umalläćhümá muyuyan;
cawsaynïpis manañamá cawsaychu.
21Ñatac śhunꞌüćhu tantiapacümá;
chay tantiapacuśhäcämi cawsapacachiman.
Jet22 Tayta Diospa llaquipayninpam mana camacaycuśhachu canchic;
cuyacuynin imaypis manamari pawanchu.
23Llaquipaynin walan-walan muśhümá caycun;
Tayta Diosllay, sumä chalapacunamá am canqui.
24Chaymi llapan śhunꞌüwan ní: “Tayta Diosmi
lluy imapïtapis yaꞌapá mas ćhaniyünin.
Chaymi payllaman chalapacú” nil.Tet
25 Tayta Diosman chalapacücunätá,
payta ashiycunätá pay yanapaycunmi.
26 Tayta Dios salbaycamänanchicpä
mas allin, upällalla alcaycuymá.
27Yügucta apäcänu müsu caśhanpïta
pasinsiawan caycuyta yaćhaymá mas allin.
Yod28Tayta Dios mućhuycachiptin
nunaca upällallamá alcaycunan.
29Pampäcama uyshuycuśhun;
chaynu lulaycuśhá ichapis yanapaycamachwan.
30Cäraćhu lapyamaptinchic, juc lädu cäranchicta camaycuśhun;
imacta niycamaptinchicpis upällallamá ćhasquicunanchic.Caf
31Tayta Dios manamá
wiña-wiñaypächu jitämäśhun.
32Ñacachilpis jatu-jatun cuyacuyniyu calmi
Tayta Diosꞌa llaquipaycamanchic.
33Paypa munaynin manamá
nunacunäta llaquichiychu, ñacachiychu.
Lamed34Waquincuna cay allpäćhu prïsu cäcunäta
usuchipäcuśhanta Tayta Dios licaycunmi.
35Chaynütac nuna-masin allinpä licaycuśha
cananta iwipäcuśhantapis licayanmá.
36Cäraycüca allichaycuśhanćhu iwishantapis licayanmi;
caycunacta Tayta Dios manamari awniycunchu.
Mem37Tayta Dios mana niycuptinꞌa,
¿mayanmá imapis lulaycuśhä cananpä niycunman?
38¿Manachun allincäwan mana allincäpis
altućhu cä sumä munayniyüca niycuptinlä lulacacun imamá?
39Chayurá juchanchicpi cay cawsayninchicćhu ñacayal,
¿quijacuśhunchun imamá?
Nun40Imanuy cawsayninchic caśhantapis tuquictari licacuycuśhun;
Tayta Diosmanꞌari caśhan cutiycuśhun.
41Sïlüćhu cä Tayta Diosmanꞌari maquinchicta chacchaycul
llapan śhunꞌunchicwan mañacuśhun caynu:
42“Cuntrayqui śhalculculmi mana allinta lulapäculá.
Chaymi mana pampachaycälimälanquichu.Samej
43“Sumä piñacüśha cayalmá aticaćhälälimälanqui;
mana llaquipayculmá wañülächimälanqui.
44Mañacuynïcunacta mana uyaliycunayquipämá,
pucutaycunäman pacacuyculanqui.
45Lluy malcacunäpa puntanman
millachicuy anlactanümá jitaycälälimanqui.
Pe46“Lluy ćhïnicünïcunamá yaꞌacunapi mana allinta
limapäcunanpä äśhaycaćhapäcun.
47Yaꞌacuna manchacuyllaćhu, trampacunallaćhümá cayalcá;
pampaman muyüchisha, camacaycüśhamá cayalcá” nil.
48Cuyay malcá mana cäman muyüchisha caśhanta
licaptïmá wiꞌinïpis mayunülä unyaycun.Ayin
49Waꞌayta manañamá ñawí manalcunchu;
mana jamayculñamá waꞌay-waꞌay cayá.
50Sïlüćhu cä Tayta Dios licalcamul
licaycamänancamamá waꞌayá.
51Jerusalen malcaćhu walmicunaca ñacapäcuśhanta
licaptïmi śhunꞌüpis nanaypa-nanaycaman.
Tsade52Pälï pishuctanümá yanꞌalpi
ćhïnicünïcuna aticaćhapäman.
53Cawsayätamá püsuman jitalpaycäläliman;
janänïmanmá lumiwan täpäläliman.
54Chayćhu umäcama yacup ñitïshamá cayá;
chayćhümi: “Wañucuśhäñaćh” nilá.Qof
55 Tayta Diosllay, pasaypi luli-lulićhu
cayalmá amllacta ayacamulac.
56Ayacuylläta am, uyaliycallämälanquimá;
mañacuylläta ćhasquiycallämälanquimá.
57Ayacamuptí-pacham aśhuycamulanqui.
“Ama manchacuychu” nilmá niycallämälanqui.
Resh58Am Tayta Diosllämi licaycallämanqui;
anmi, cawsaylläta libraycallämanqui.
59 Tayta Diosllay, ima mana allin lulamäśhancunactapis licamälanquimá;
allin caśhayquimannuꞌari allichaycallämay.
60Cutichicuypi wañupaculcäśhanta am tantiayanquimá;
yaꞌapa cuntrá imacta lulay munaśhanta am yaćhayanquimá.
Shin61 Tayta Diosllay, am yaćhayanquimá imanuy palapämäśhancunacta;
imacta lulapämänanpä limanaculcäśhantapis yaćhayanquimá.
62Ćhïnicünïcuna cunträmá masqui
shimin lulillanćhüpis limayta ćhapayalcan.
63Imacta lulapäculpis jamuyapämäśhanta licaycuyꞌari;
taquincunaćhüpis burlacuyninwanmá taquipäcun.
Tav64 Tayta Diosllay, paycunacta
lulapäcuśhanman tincütari uycüluy.
65Pasaypi lumi śhunꞌuctari caćhaycüluy;
pasaypi mana allintari paycunaman ćhaycachiy.
66 Tayta Diosllay, piñacuyniquićhu aticaćhäluy;
cay allpäpïta chincananpä camacaycüluyꞌari.
Who We AreWhat We EelieveWhat We Do
2025 by iamachristian.org,Inc All rights reserved.
