1Chaypïtam Tayta Dios nin: “Cay camachicuycunactam ninqui:
2Israel caśhtapi uywayniquipä nunacta lantilꞌa süta watam sirbichicunqui. Anćhish watäćhüñatacmi libri cayninpä imactapis mana pägallalña licunꞌa; dinbaldillañamari libri licunꞌa.
3Uywayca japallan śhamulꞌa japallanmi cuticunꞌa. Walmiyu śhamulꞌa walmintintacmi cuticunꞌa.
4Ñatac patrunnin masanninpä walmicta uycuptin, chayćhu chulincuna captinꞌa, chay chulincunawan walmica patrunninpa maquinćhümi quïdaculcanꞌa. Wayapaca japallanñam licunꞌa.
5Sïchuśh uyway nunaca ninꞌa: ‘Patrunnïta, walmïta, chulïta cuyalmi japallá libri licuyta mana munächu’ nil.
6Chaynu niptinꞌa fiscuna caśhancäman puśhalculmi wasip puncunman ütac paradïrunman aśhuycachil linlinta alishnawan ućhcülunꞌa. Jinaptinćha wañunancamaña uywaynin canꞌa.
7“Walmi chulinta uyway cananpä lanticuśhancäñatacmi ichá wayapacunänüchu libri mana yalunꞌa.
8Chay uyway wamlaca cuscananpä patrunninpa gustunpä mana allin captinꞌa, Israel caśhta-masin illayta pägaycul julucunmanmi. Ñatac patrunca limalicuyninta jalutacuśhanpïtam mana Israel caśhtamanꞌa nï lanticunmanchu.
9Patrunca llumchuyninpä jululꞌa quiquinpa walmi chulintanüñam licaycunꞌa.
10Chay walaśhca juc wamlacta casarälulpis amam pishichinꞌachu müdanancunapïpis, micunancunapïpis nïtac casädu dirichuncunapïpis.
11Sïchuśh caycunacta mana lulaptinꞌa, chay uyway walmica dinbaldillam libriña licunꞌa.
Nuna-masinta wañuchïcunäpämi nin12“Mayanpis nuna-masinta maꞌalcul wañuchïcá, wañuchishatacmi canꞌa.
17“Mayanpis taytanta mamanta mana allinpä licäcá wañuchisham canꞌa.
18“Ñatac ishcay nuna maꞌanacul lumiwanpis ütac tacaywanpis jucninta mana wañuchillal ishyacunancama maꞌaluptinꞌa,
19chaynüpi śhalcülul garutillawan puliptinpis chay mäca manam wañuchishachu canꞌa. Ishyaśhan muyuncunäpïtam ichá päganꞌa; allinyanancamatacmi jampichinꞌapis.
20“Mayanpis uyway nunanta masqui walmi ütac wayapa uywaynin cacuptinpis caśhpiwan wipyaśhanćhu wañuchïcá, mućhuycachisham canꞌa.
21Sïchuśh juc muyun ütac ishcay muyunpi allinpacüluptinꞌa lantishan caśhan-laycum manaña mućhuycachishachu canꞌa.
22“Ñatac ishcay nuna maꞌanacuśhanćhu patayu walmicta pasächil imallactapis mana däñallal śhullüluptinꞌa, chay walmip wayapan nishanmanümi multacta fiscunaca pägachinꞌa.
23Walmica wañüluptinmi ichá bïdanwan päganꞌa.
24Chaynütac pägachun ñawinpïtá ñawinwan, quilunpïtá quilunwantac,Lev 24.19-20; Deut 19.21; Mat 5.38. maquinpïtá maquinwantac, ćhaquinpïtá ćhaquinwantac,
25ninawan puśhlluchishanpïtá nina puśhlluywantac, dañäduśhanpïtá dañäduwantac, gulpipacachishanpïtá gulpiwantac.
26“Mayanpis uyway nunanta maꞌaśhanćhu aplächiptinꞌa, chay ñawin-laycum libricta caćhaycunꞌa.
27Quilun pälïpa maꞌalulpis quilun-laycum libricta caćhaycunꞌa.
Mana munayal wañuchïcunäpämi nin28“Ñatac wäca mayan walmictapis wayapactapis wälaywan wañüchiptinꞌa, chay wäca tamshaywanmi wañüchisha canꞌa. Aychantapis amam micapäcunquichu. Nunanmi ichá mana mućhuycachishachu canꞌa.
29Sïchuśh wälacü captinña, nunanpis anyapäśha cayalña, mayantapis wälaywan wañüchiptinꞌa, nunantinmi tamshaywan wañüchisha canꞌa.
30Mana wañuchisha cayta munalꞌa aycacta unanpä nishancätam cawsanan-laycu päganꞌa.
31Cay camachicuyllatacmi mayan chulicunacta wäläluptinpis canꞌa.
32Uyway nunacta wañüchiptinñatacmi wäcaca tamshaywan wañüchisha canꞌa. Jinaman chay uyway nunap patrunnintañatacmi quimsa ćhunca (30) illayta päganꞌa.
33“Ñatac mayanpis püsu ućhcuśhanta ütac püsunta quićhalayäta caćhaycüluptin wäcapis ütac aśhnupis jiꞌacalpuptinꞌa,
34chay püsuyücämi uywap ćhaninta päganꞌa. Chay wañüśha uywawanñatacmi püsuyüca quïdacunꞌa.
35“Ñatac ishcay nunap wäcan tacanacuśhanćhu jucninta wañüchiptinꞌa, cawsäcäta lanticulculmi ćhawpipi aypunacunꞌa. Chay wañüśhap aychantapis ćhawpipïmi aypunacunꞌa.
36Sïchuśh tacacü caśhanta nunan yaćhayal mana licaśhanpïtam juc wäcacta śhalcachipunꞌa; chay wañüśha wäcawanñatacmi quïdacunꞌa.
Who We AreWhat We EelieveWhat We Do
2025 by iamachristian.org,Inc All rights reserved.
