1Chaynütacmi Josepa wamä chulin Manases aylluctapis tücachila allpacta. Manasespa wamä chulin Maquirmi cala; Maquirñatacmi Galaadpa taytan cala. Cay Maquir pilyaypä sumä cacuptinmi Galaadtawan Basan malcacta tücachila.
2Manasespa juc milaynincunapis wasinpa-camam tücänin allpacta ćhasquipäcula: Abiezer, Helec, Asriel, Shiquem, Hefer, Semidapis. Paycuna Josepa chulin Manasespa walaśh chulincunamá capäcula.
3Ñatac Zelofehadpa manam walaśh chulin calachu; aśhwanpa wamla chulillancunam cala: Maala, Noa, Hogla, Milca, Tirsapis. Cay Zelofehadpa taytanmi Hefer, Heferpa taytanñatac Galaad, Galaadpa taytanñatac Maquir, Maquirpa taytanñatac Manases cala.
4Paycunam sasirdüti Eleazarman, Nunpa chulin Josueman, israelcunap puydïnincunaman lilcul nipäcula: “Tayta Dios Moisesta nishanmannu yaꞌacunamanpis ayllücunamannu allpacta tücachipämay” nil.
14Chaypïtam Josepa chulincuna Josueta nin: “Tayta Dios allinpä licaycälimaptinmi yaꞌacuna achca-achca cayalcá. Chayurá ¿imapïmi juc partillaćhu tücayalcächimanqui?” nil.
15Niptinmi Josue: “Achca capäculꞌa, jinaman Efrain ulꞌucuna mana camapäcuśhuptiquiꞌa Ferez, Refai caśhtacunäpa allpanman lipäculꞌari muntincunacta cuchupäcuy, chayćhu yaćhapäcunayquipä” nin.
16Niptinmi Josepa chulincuna: “Chay ulꞌucunaca manam camapämanchu. Ñatac chayćhu yaćhä Canaan läducunaca, Bet-sanćhu, Jezreel pampaćhu yaćhäcunäpis sumä jïrrupi carritayü-camam cayalcan” nin.
17Chaymi Josepa milaynin Efraintawan Manasesta Josue nin: “Amcuna achca-achcam cayalcanqui; jinaman sumä munayniyümi cayalcanquipis. Chayurá manam chay allpayülla capäcunquimanchu.
18Sinuꞌa cay munticunam amcunapä canꞌa. Chaymi manyancama cućhpalcachil duyñuchacaycälinqui. Masqui Canaan läducunaca sumä-cama cayalcaptinpis, jinaman jïrrupi carritancuna cayaptinpis amcunamari alapacülälinqui” nil.
Who We AreWhat We EelieveWhat We Do
2025 by iamachristian.org,Inc All rights reserved.
