Jeremias 22 - Old Testament Quechua Wanca（QVW）

Juda lädu mandacücunäpïmi willacun

1 Tayta Diosmi niman: “Juda lädup mandacüninpa palasyunman liy; chayćhu cay willacuyta willacamuy:

2Davidpa dispächunćhu täcü Juda lädup mandacünin, chaynütac yanapäniquicunapis, jinaman cay puncup yaycamü jinantin malcäpis Tayta Dios nishanta uyalipäcuy:

3Paymari nin: ‘Nunacunäta tincüllanman-cama cäraycäliy. Ñacäcunäta ñacachïnincunap maquinpïta libraycäliy. Mana Israel läducunäta, mana taytayu-mamayücunäta, japanyäśha walmicunätapis ama ñacachipäcuychu nï ingañapäcuychu. Cay sityućhu mana juchayu nunacunätapis ama wañuchipäcuychu.

4Yaćhachicuynïta rasunpa cäsuculcaptiquiꞌa Davidpa dispächunćhu mandacü imaypis caycunꞌamá. Paycuna carritancunawan, cawalluncunawan, jinaman yanapänincunawan, lluy nunancunawanmari yaycapäcunꞌa.

5Ñatac cay nishäta mana uyaliculcaptiquiꞌa quiquïta tistïgupä śhaycaycachilmi limalicú cay palasyucta mana caśhanman muyuchinäpä. Yaꞌa Tayta Diosmari niyá’ ” nil.

6Jinamanꞌa Juda lädup mandacüninpa palasyunpïmi Tayta Dios caynu nin:

“Yaꞌapá, Galaad lädunümi cay palasyu tuqui-tuqui cayan;

Libano ulꞌup puntannümi sumä-sumä cayan.

Ñatac limalicú pampaman muyüchinäpä,

malcancunapis mana nunayüña chunyananpämari.

7Amcunacta camacaycälälishunayquipämi

armayü-camacta caćhamuśhä.

Paycunamá palasyućhu cä tuqui-cama cedro iluyquicunacta

cuchulcälil nina waläcäman jitaycälälinꞌa.

8“Chay achca nasyuncunapi nunacuna chayninpa pasapäculmi ninaculcanꞌa: ‘Cay puydï malcacta, ¿imapïtá Tayta Dios caynu lulälun?’ nil.

9Niptinmi ninꞌa: ‘Chaynu cayan Tayta Diosninman limalicuśhanpi japächaculcul taytachacunacta alawapäcuśhanpi, sirbipäcuśhanpïmari’ ” nil.

Mandacü Salumpïtam willacun

10Wañüśha mandacücunäpïtá amaña llaquicuyalcaychu

nï waꞌapäcuychu.

Aśhwanpa prïsu puśhaśha cäcunäpïta alli-allicta waꞌaculcay.

Paycuna cay näsishan allpaman

manañamá imaypis cutipämunꞌañachu.

11Chaynu nilá papänin Josiaspa pudirnin Juda lädup mandacünin Salum prïsu puśhacuśha caśhanpïmá. Chay Salumpïmi2Rey 23.31-34; 2Cro 36.1-4. Tayta Dios nin: “Salum cayman imaypis manañamá cutimunꞌañachu.

12Prïsu puśhacuśhan malcaćhüñamá wañucamunꞌa; cay allpacta manañamari imaypis licanꞌañachu” nil.

Mandacü Joacimpapïtam willacun

13Tayta Diosmi nin:

“Mana allinta lulaśhtin palasyuyquita śhalcachï mandacü Joacim, imanuylä canqui.

Tincüllanman mana lulaycul jatun

wasiquicunacta śhalcachï nuna, imanuylä canqui.

Nuna-masiquita dinbaldilla lulacalcachil imallactapis

mana pägaycü nuna, imanuylä canqui.

14Am ninqui: ‘Jatun palasyuctam śhalcachishä;

altuśhninćhüpis jatućhä-cama cuartuctam lulachishä’ nil.

Nilculmi bintanancunacta lulanqui;

pilantañatac cedro tablacunawan ćhulälunqui.

Jinalcul pucawanlämi pintächinquipis.

15¿Cedro wasiyu caśhayqui-laycuchun mandacü-tucunqui imatá?

¿Papäniquita pishiyculachun

micunanpä, upyananpä imatá?

Pay tincüllanman, cällanman lulaycü

captinmari imapis allinlla yaluycula.

16Wacchacunäta, mana cäniyücunäta tincüllanman

licaycuptinmari imaćhüpis allinlla caycula.

¿Manachun chaynu cawsäcunaca yaꞌacta lisiyalcäman imatá?

Yaꞌa Tayta Diosmari niyá.

17Ampa ñawiquiwan śhunꞌuyquiñatacmi ichá

ingañacuywan munaśhallayquita taliyllapi wañupacuyan.

Jinaman mana juchayücunäta wañuchiyllacta,

nuna-masiquita ñacachiyllacta, ingañacuyllactamari jicutayanqui” nil.

18Chaymi Josiaspa chulin Juda lädup mandacünin Joacimpïta2Rey 23.36—24.6; 2Cro 36.5-7; Jer 36.30-31. Tayta Dios nin:

“Pay wañucuptin manamá mayanpis waꞌänin canꞌachu.

Manamá mayanpis: ‘¡Ay, wawꞌi-caśhallay!

¡Ay, tulillay! ¡Ay, taytallay!

¡Ay, mandacüllá!’ nil waꞌapäcunꞌachu.

19Aśhwanpa Jerusalen malcapi waśha läduman

aysalcälilmi aśhnuctanu pampälälinꞌa.

20Lluy waynayquicunamá camacaycüśha cayan.

Chayurá Libano ulꞌuman ishpilcul apalcaćhay.

Basan läduman lilcul ayaycaćhay.

Abarim ulꞌuman ishpilcul apalcaćhay.

21Imaćhüpis allin cayaptiquilämi limapälac.

Ñatac nimälanquim: ‘Manam uyaliyta munächu’ nil.

Müsu caśhayquipïmi chaynülla calanquilä canpis;

manamá imaypis cäsucamayta munalanquichu.

22Chaymi puydïniquicuna wicta-cayta waywanu apäśha capäcunꞌa;

lluy waynayquicuna prïsu puśhaśhamá capäcunꞌa.

Chay mana allin lulayniquipïtamá

pinꞌayćhu uyshulächisha canqui.

23Ay, Libano palasyuyquićhülämá am yaćhacuyanqui;

cedropi luläśha ishñayquićhülämá am cacuyanqui.

Nanay chalaśhuptiqui may-maytalä apalcaćhacunqui;

waćhacü walmip nanayninnu chalaśhuptiqui

may-maytalä awćhucunqui” nil.

Mandacü Jeconiaspïtam willacun

24Chaypi Joacimpa chulin, Juda lädup mandacünin Jeconiastam2Rey 24.8-15; 2Cro 36.9-10. yaꞌaTayta Dios rasunpa cawsaśhänu ní: “Jeconias, masqui allï maquïćhu sïllanäpä cä surtijanu cayaptiquipis, chaypi julüśhayquimá.

25Wañuchiy munaśhüniquicunap maquinmanmá ćhulaycüśhayqui. Sumä-sumä manchacuśhayquicunap maquinmanmá jitaycüśhayqui. Awari, Babiloniap mandacünin Nabucodonosorpa maquinman, Caldea nunacunap maquinmanmari ćhulaycüśhayqui.

26Waćhacuśhüniqui mamayquitawan amtam prïsu puśhachishayqui mana näsishayqui nasyunman. Chayćhülämá wañupämunqui.

27Maynu-maynu cutimuyta munapäcuśhayqui nasyunmanpis manañamari imaypis cutipämunquiñachu” nil.

28Cay Jeconias, ¿mana bälï allpapi luläśha wacuychun imatá?

¿Mayanpapis mana munaśhachun cayan imamá?

¿Imapïmá mana lisishan allpaman

lluy milaynintin wicapäśha cayalcan?

29Ay, jinantin allpa, jinantin nunacuna,

Tayta Dios nishanta uyalipäcuy.

30 Tayta Diosmi nin: “Cay nuna mana

chuliyünu caśhanpïta libruman isquirbiycuy;

cawsayninćhu imapäpis mana bälï nunactanu isquirbiycuy.

Manamá mayannin milayninpis

Davidpa dispächunćhu täcunꞌañachu;

Juda lädućhu manañamá mayan ayllunpis

mandacunꞌañachu” nil.