1Chay timpućhümi Efrain ayllup ulꞌuncunaćhu Micaia nuna yaćhala.
2Paymi mamanta nin: “¿Yalpayanquichun walanga paćhacniyu (1,100) illayniquita suwä apacuśhanta? Uyalilac chay apacuśhan nunaca mana allin cananpä nishayquitamá. Chay suwaśhüniqui yaꞌami cayá; chay illaycäta uywayämi” nil.
Niptinmi maman: “Wawillay, Tayta Diosꞌari allinpä licaycuśhunqui” nin.
3Chay walanga paćhacniyu (1,100) illayninta mamanman cutiycachiptinmi maman nin: “Cay illaycäta wawí-laycum Tayta Diospä japächaycuyá. Chaywanmi labräśhactawan fundïsha taytachacta lulächiśhä. Chay ampäñamari canꞌa” nil.
4Chaynu mamanman cutiycächiptinmi ishcay paćhac (200) illayta japächaycul fundïcäman apäla. Payñatacmi labräśha fundïsha taytachacta luläla. Chaytam Micaiap wasinman ćhulälun.
5Chay Micaiapa wasinćhümi taytachanta alawananpä sityun cala. Jinaman chalicuctapis, wasinćhu uchuchä taytachacunactapis lulälam. Jucnin chulintañatacmi sasirdüti cananpä ćhuläla.
6Chay timpucuná Israel caśhtacunaca mana mandacüniyu capäculmi uman chalaśhanta-cama lluy lulapäcula.
7Ñatac Juda ayllup Belen malcanćhümi Levi ayllupïta śhamü juc pulicü müsu yaćhala.
8Paymi chay Juda ayllup Belen malcanpïta yalula mayćhüpis yaćhananpä ashï. Chaymi Efrainpa ulꞌuncunap puliyal Micaiap wasinman ćhälun.
9Chayćhümi Micaia tapun: “¿Maypïmi canqui?” nil. Niptinmi Levi müsuca: “Juda ayllup Belen malcanpïmi callá; mayćhüpis yaćhanäpämi ashiyällá” nin.
10Niptinmi Micaia: “Cay wasïćhu yaćhacuy, caminaycüní, sasirdütí caycunayquipä. Watäćhu ćhunca illaytam pägaśhayquipis; jinaman micuycunactapis müdanacunactapis uycuśhayquim” nin.
11Chaymi Levi müsuca awnïlun Micaiap wasinćhu yaćhananpä; jinalmi chulinnüña cala.
12Chay müsucta sasirdütinpä Micaia ćhuläluptinñamari wasinćhu sirbila.
13Chaymi Micaia nicula: “Levi ayllu sasirdütí cayaptinꞌa Tayta Dios imaćhüpis allinpaćh licaycamanꞌa” nil.
Who We AreWhat We EelieveWhat We Do
2025 by iamachristian.org,Inc All rights reserved.
