1 Tayta Diosllay, mana allin nunacunäpi libraycallämay.
Juyu-juyu nunacunäpi licaycallämay.
2Paycunap śhunꞌunćhu mana allin lulayllamá.
Imaypis pilyullacta śhalcachiytamá ashiyalcan.
3Allunpis culibraypa lansitannümá.
Shiminpïpis cala walaśhpa bininunnümá yalayämun.
4 Tayta Diosllay, mana allin nunacunäpa maquinpïta licaycallämay.
Palpachimayta munä juyu nunacunäpïta libraycallämay.
5Nunatucucunämá trampacunacta ćhulälälimun.
Palpachimänanpämá pulinäcunaman läsucunacta maśhtälälimun.
Pasanäcämanmá trampacunacta maśhtälälimun. Selah
6Anmi Tayta Diosní canqui.
Tayta Diosllay, mañacuylläta uyaliycallämay.
7Sumä munayniyu salbaycamä Tayta Diosnillay,
pilyayćhu cawsaylläta anmá licaycamanqui.
8 Tayta Diosllay, mana allin nunacunäpa
munaynin amari lulacacüśha cachunchu.
Amari munaycuychu lluy pinsaśhancuna
lulacacüluptin nunatuculcänanta. Selah
9Mayćhüñapis muyupayämäcunäta mana allin
limayllanꞌari quiquinpa cunca cuchuynin caycuchun.
10Walayä śhanśha janäninman ćhächun.
Ninaman jitaycuśha cachun.
Manaña yalamunä luli-luli ućhcucunaman wicapaycüśha cachun.
11Waśha limäcunaca cay allpäćhu ama tacyaycuchunchu;
chay juyu nunacunätá mana allinca chalalculꞌari camacaycüchun.
12Wacchacunätañatacmi ichá tincüninman Tayta Dios licaycunanta yaćhayá.
Chaynütac mana cäniyücunäta tincüninman śhalcunanta yaćhayá.
13Allin nunacunaca śhutiquitamari alawapäcuśhunqui.
Munaśhayquita luläcunacá ñawpäniquićhümari cawsapäcunꞌa.
Who We AreWhat We EelieveWhat We Do
2025 by iamachristian.org,Inc All rights reserved.
