1Chayurá israelcunäta Tayta Dios achca watañam yanapäla ćhïnicünincunawan jawcalla cawsapäcunanpä. Josuepis anchap yaśhañam cayäla.
2Chaymi jinantin Israelta, lluy puydïnincunacta, yaśhancunacta, fiscunäta, cachacup puydïnincunactapis ayachimula. Chayćhümi nin: “Yaꞌa anchap yaśhañam cayá; watá caćhaycämanñam.
3Amcuna licapäculanquim cay malcacunacta amcuna-laycu Tayta Diosniqui imacta lulaśhantapis. Amcunapïta pilyäca quiquin Tayta Diosmá.
4Chay allpacunäta yaꞌami chüsaycul ayllu-aylluman aypuycälilac. Manam llallishanchic malcacunällactachu sinuꞌa llalliypä cäcunätapis Jordan mayupïta aśhta inti ishpimunan lädu Mediterraneo lamarcäcama aypuycälilacñam.
5Chay llalliypä cä malcacunäta quiquin Tayta Diosmari puntayquipïta alapacülunꞌa. Chaymi limalicuśhanmannu chay allpacunäta duyñuchacaycälinqui.
6“Chayurá sumäta callpanchacul camachicuycunacta Moises isquirbishancunäta manchacuywan cäsuculcay; amamá uchucllatapis iwilcälinquichu.
7Amcunaćhu quïdä malcacunäwan amari jucllachanacuyalcaychu. Paycunap taytachancunacta amatacꞌari sirbipäcuychu, mañacuyalcaypischu, śhutinta śhaycaycachilpis limalicuyalcaychu, nï uyshuycäliypischu.
8Aśhwanpam canancama Tayta Diosta rispitapäcuśhayquinülla imaypis sumäpa rispitapäcunqui.
9“Tayta Diosmi sumä-cama jatun malcacunäta ñawpäniquipïta alapacüla. Canancama manamá mayanllanpis awantaycälishulanquichu.
10Tayta Dios limalicuśhanmannu amcunapi pilyaptinmariDeut 3.22. aśhta jucllayquipis walanga (1,000) ćhïnicüniquicunactalä aticaćhälälinqui.Deut 32.30.
11Chayurá imapïpis sumäta licaculcay Tayta Diosllacta cuyapäcunayquipä.
12Yanꞌalätac Tayta Diosta ipanchaycul quïdä malcacunap nunancunawan jucllachanacaycälil casaracuyalcanquiman.
13Chay malcacunäta ñawpäniquipi Tayta Dios manamá alapacunꞌachu. Aśhwanpam amcunapä canꞌa trampanu, läsunu, waśhayquipä asutinu, ñawiquipäpis caśhanu. Chaynu canꞌa Tayta Dios uycuśhuśhayqui allin allpapïta chincapäcunayquicamam.
14“Yaꞌañatacmi lluy nuna wañuśhannüpis licunäpäña cacuyá. Ñatac llapan śhunꞌuyquiwan, almayquiwan yaćhapäcunquiñamá Tayta Dios lluy allin limalicuśhancunaca lulaycuśha caśhanta. Manamá jucllayllapis mana lulaycuśhanꞌa calachu
15Maynümi allin limalicuynincunacta lulaycula, chaynüllam mana cäsucuptiquiꞌa Tayta Dios mućhuchishunayquipä limalicuśhantapis amcunaman ćhächimunꞌa aśhta uycuśhuśhayqui allin allpapi chincachishunayquicama.
16Yanꞌalätac Tayta Dioswan limalicuśhayquita jalutaculcul taytachacunaman uyshuycuyalcanquiman alawanayquipä. Jinayalcaptiquiꞌa Tayta Diosmi sumäta piñacülul cay uycuśhuśhayqui allin allpapïta juclla chincälächishunqui” nil.
Who We AreWhat We EelieveWhat We Do
2025 by iamachristian.org,Inc All rights reserved.
