1“Callpá camacäcuyanñam,
muyunní jiꞌacaycayämunñam,
sipultüräpis alcayämanñamá.
2Muyülïnïćhu pasaypi burlacücunallam cayan.
Tutay muyunmi chay jamuyäcuyllanta licayá.
3“Am Tayta Diosnilläñari yaꞌapïta limalcullay.
¿Mayanmá yaꞌacta śhalcalcallämanman?
Am mana lulaptiquiꞌa ¿mayanmá pudirní limalinman?
4Paycunap yaćhaynincunacta anmá pasaypi tutapächinqui.
Paycuna llalliycamänanta manamá munaycunquichu.
5Ñatac imactapis ćhasquinan-laycu
apanacuśhancunacta ipanchä nunacá,
chulintinmari mana allinćhu capäcunꞌa.
6“Tayta Dios ćhulacaycaman nunacunaca asipäcalcämänanpämá,
aśhta cäraćhu-cama lluy tuwapapämänanpämá.
7Nanaynïwanmi ñawilläpis tutapälunña,
lluy aychäpis llantuynüllañamá cayan.
8Ñatac cay allin nunacunacá caynüta licamalmi äśhalayllaman camapäcun.
Cay juchannä nunacunacá juchasapapämi licapäcaman.
9Paycuna chuya capäcuśhanta licachicuytam ćhapapäcun;
mana allin lulayniyu capäcuśhantamá licachicuyta jicutapäcun.
10“Má, śhapämuyꞌari tincunanchicpä.
¿Amcunaćhu allin yaćhayniyüta jucllayllactapis taliycuśhächun imatá?
11Muyunní jiꞌacaycayämunñamá,
ima lulay munaśhäcunapis, pinsaśhäcunapis chincacunñamá.
12Chay yaćhätucücunäñatacmi tutätapis:
‘Manam ćhawpi tutachu, achicäśhañam’ nipäcun.
Chaynütacmi sumä tutalpüśha cayaptinpis:
‘Acchica jiꞌacaycayämunñam’ nipäcunlä canpis.
13Yaꞌa wañuycällactañamá alcayá;
tutawyaycäćhu puñunäta maśhtacuyculmi chayćhu cacuśhä.
14Yaꞌapa taytá pampäśha cä ućhcüllañamá.
Yaꞌapa mamäwan wawꞌi-caśhäcuna culucunällañamá.
15Chayurá ¿mayćhütan chalapacuyní quïdälun?
¿Mayćhütan jawcayayta alcaśhäca quïdälun?
16¿Yaꞌawan cuscachun allpäpa śhunꞌunman
jiꞌacalpunꞌa imatá?
¿Cuscachun pulbüćhu jamapäcuśhä imamá?” nil.
Who We AreWhat We EelieveWhat We Do
2025 by iamachristian.org,Inc All rights reserved.
