1Chaypïta Galaad lädu Tisbe malcayu willacü Eliasmi Acabta nin: “Israelcunap Tayta Diosninta sirbishäca yaćhanmi: Cay śhamü watacunäćhu tamya manam canꞌachu. Yaꞌa manalä nishäcamá manamá śhullillapis canꞌachu” nil.
2Chayćhümi Eliasta Tayta Dios nin:
3“Inti ishpimunan lädu Jordan mayup chimpanćhu cä Querit wayuman pacacamü licuy.
4Chayćhümi chayćhu cä yacucta upyanqui. Chaymanmi wisculcunäwan micuytapis apachipamuśhayqui” nil.
5 Tayta Dios willacachishannümi Elias licula Jordan mayup chimpan Querit wayućhu yaćhamü.
6Chaymanmi wisculcunaca wälan-tardin tantactawan aychacta apapäcula. Yacuctañatacmi chay wayupïta upyala.
7Chaynu cayäśhanpïmi usyalla cacuptin manaläpis unayta yacuca lluy chaquïlun.
Eliastam japanyäśha walmi micuyta uycun8Chaymi Eliasta Tayta Dios nin:
9“Canan śhalcuculcul Sidon lädućhu cä Sarepta malcaman licuy yaćhamunayquipä. Chayćhu japanyäśha cä walmictam wawïwan micalcälinapämari. Chayta micacaycälilꞌa micuypïñaćh wañuculcäśhä” nil.
13Niptinmi Elias nin: “Ama manchacuychu. Lilcul nishayquita yanumuy jinalla. Ñatac puntactá yaꞌapälämi uchuy tantallacta ancalcul apamumanqui. Chaypïta ampäpis wawiquipäpis lulamunquim.
14Israelcunäpa Tayta Diosninmari nin: ‘Cay allpäman Tayta Dios tamyachimunancama, batyaćhu cä arinaca manam mirmanꞌachu, nïtac butïllaćhu cä asaytipis camacanꞌachu’ ” nil.
15Niptinmi Elias nishanmannu japanyäśha walmica lulamula. Chaymi Elias nishannu micuy cacula achca muyunpälä quiquinpäpis, wawinpäpis, chaynütac Eliaspäpis.
16Tayta Dios Eliaspa willacachimuśhannümari batyaćhu cä arinapis mana mirmacälinchu, butïllaćhu cä asaytipis nï camacälinchu.
17Chaypi unaytam japanyäśha walmip wawin ishyayta talicülun. Chay ishyayca ancha-anchap captinmi wañucun.
18Chaymi Eliasta nin: “Tayta Diospa nunan, ¿imaćhümi amta piñachilac? ¿Juchäta yalpalcachimal wawïta wañuchïchun śhamulanqui?” nil.
19Niptinmi Elias: “Wawiquita apamuy” nin.
Chayćhu mamanpa millayninpi ćhasquiyculmi jamaśhan altuśh cuartuman apalcul cämanman ćhaćhaycachila.
20Jinalculmi Tayta Diosta ayaycaćhaypa mañacun: “Tayta Diosllay, ¿cay jamachimá japanyäśha walmictapis wawinta wañuchishayquiwan llaquimanchun ćhulaycunqui?” nil.
21Nilculmi wañüśha walaśhchäpa2Rey 4.34-35; Hch 20.9-10. jananman quimsa cuti jitalacuycul Tayta Diosta mañacun: “Tayta Diosllay, ama chaynu caychu, cay walaśhchäta cawsaycachillayꞌari” nil.
22 Tayta Diosñatacmi Eliaspa mañacuyninta uyaliycul walaśhchäta cawsächimula.
23Chaymi walaśhcäta malaculcul altuśhcäpi Elias jiꞌalpaycachimul mamanman uycula: “Cayꞌari wawiqui cawsämun” nil.
24Niptinmi japanyäśha walmica nin: “Cananmi ichá tuquicta yaćhá Tayta Diospa willacünin caśhayquita. Ima nishayquipis Tayta Dios willacachishuśhayquimari cayan” nil.
Who We AreWhat We EelieveWhat We Do
2025 by iamachristian.org,Inc All rights reserved.
