Ezequiel 13 - Old Testament Quechua Wanca（QVW）

Willacüpa pasachicücunäta mućhuycachinanpämi willacun

1Chaypïtam Tayta Dios niman:

2“Am wañucülla nuna, Israel lädućhu willacüpa pasachicü,Jer 23.9-32. uman chalaśhanta willacücunätari nimuy: Tayta Diospa nishanta uyalipäcuy.

3Tayta Diosmi caynu nishunqui: Imanuylä capäcunqui, luclu willacücuna, imactapis mana licayalcal umayqui chalaśhallanta willacücuna.

4“Israel lädu, casquish willacüniquicuna pulumäśha malcaćhu atücunänümá yanꞌal-yanꞌal cayalcan.

5Awari, paycuna murällap laꞌalancunacta manam allichaycapäcunchu, nï pilancunactapis śhaycachipäcunchu. Tayta Dios mućhuycachinan muyunca ćhämunanpäpis Israelta manamari tacyaycachinchu.

6Paycuna ‘Tayta Diosmi licachiman’ nishancunapis manamá rasunpachu. Ima pasananpä niyalcalpis casquicuyalcanmari. Paycuna ‘Tayta Diosmi niman’ niyalcaptinpis yaꞌa Tayta Dioschu manamá caćhalá. Chaynu cayalcalpis ¿cäran cañälächun nishancunacta yaꞌa lulaycunäpä imamá?

7¿‘Tayta Diosmi licächiman’ nishancunaca manachun yanꞌal imamá? ¿Ima pasananpä tantiaśhancunäpis manachun yanꞌal imatá? Chaynu yaꞌa mana niyaptí ‘Tayta Diosmi licachiman’ nishanca ¿imanuypamá mana casqui canmanchu?

8“Caycunapïmari chay willacüpa pasachicücunäta yaꞌa Tayta Dios ní: Amcuna rasuncätachu manamá willacuyalcanqui; suyñuyniquićhünu licaśhayquicunactapis manamari yaꞌachu licachilac. Chaymi amcunap cuntrayqui yaꞌa cayá. Yaꞌa Tayta Diosmari niyá.

9Chaynu willacüpa pasachiculcäśhayquipi, jinaman suyñuyniquićhünu licaśhayquipi yanꞌal willaculcäśhayquipïmá maquïta yaꞌa ćhulaycuśhayqui. Malcäpa juntunacuynincunaćhu amcuna manañamá capäcunquichu. Israel läducunäpa listanćhu śhutiquicunapis manañamá camalanꞌachu. Israel läducunäpa allpanmanpis manañamá yaycapäcunquiñachu. Chaynüpamari yaꞌa Tayta Dios caśhäta yaćhapäcunqui.

10“Awari, chaynu pasanꞌa malcäta ingañapäcuśhayquipïmá. Jawca cawsay mana cayaptinmari ‘Jawca cawsaymi cayan’ nil nipäcunqui.Jer 6.14; 8.11. Cuyuyä murällacta śhalcalcachil janäninman paćhaśhwan llutacaćhäcänümari cayalcanqui.

11Chayurá chay murällacta paćhaśhwan llutacaćhäcunätari nimuy: Cay llutacaćhaśhayquica tunïlunꞌamá. Alli-alli tamya, luminu-cama luntu ćhächimuśhäcämi, jinaman sumä-sumä waywa talcachimuśhäcämi pampaman muyüchinꞌa.

12Chay murällaca ćhaćhäluptinmi tapupäcuśhunqui: ‘¿Imatá pasälun llutacaćhaśhayqui murällawan?’ nil.

13“Chaymi yaꞌa Tayta Dios ní: Piñacuynïćhümi sumä-sumä waywacta śhalcachimuśhä; rabyacuynïćhümi alli-alli tamyactawan luminu cä luntucta ćhächimuśhä. Chaynüpamari piñacuynïćhu camacaycüśhä.

14Paćhaśhwan llutacaćhaśhayquita pampamanmari muyüchishä. Jinaptïmi simintuncunapis camalayal quïdapäcunꞌa. Chaynu cućhpaptinmá aśhta amcunapis chayćhu wañupäcunqui. Chayćhülämi yaꞌa Tayta Dios caśhäta yaćhapäcunqui.

15Chay murällacta jinaman murällacta paćhaśhwan llutacaćhäcunäpäpis sumä piñacülulmi piñacuynïta pasachicüśhä. Chayćhu murällapis, llutäcunäpis manañamari canꞌañachu.

16Jerusalenpi willacü Israel lädu yanꞌal willacütucücunaca manañamari canꞌañachu. Jawca mana cayaptinpis ‘jawcallañamá cayanchic’ nïcunaca manañamá canñachu. Yaꞌa Tayta Diosmari niyá.

Willacüpa pasachicü walmicunäpa cuntranmi willacun

17“Am wañucülla nuna, canan má, malcayquićhu willacüpa pasachicü uman chalaśhanta willacü walmicunäpa cuntran willacamuy.

18Tayta Diosmi caynu nishunqui: ‘¡Imanuylä capäcunqui maquincunaman awnichicü aläjayquicunacta ćhuläcuna! ¡Imanuylä capäcunqui jatuntapis uchuyllactapis lluy-lluyta umancunaman śhucupacuyniquicunacta ćhuläcuna! Chaynu chalalcul ćhänalächinayquipämari munäta mana munäta jinayalcanqui. ¿Imanuypatá malcäta ćhänalayalcächil camacaycüśha canayquipi ayipäcunquiman?

19Awari, amcuna “wañupäcunquim” nil unanchaśhayquicunaca manamá wañupäcunchu. Chaynütac “Cawsapäcunquim” nil unanchaśhayquicunäpis manatacmá cawsapäcunchu. Chay nishayquicunaca pasaypi articunallamá. Chaycunacta malcá mishqui-mishquicta uyalipäcul quiripäcunlämá canpis. Chaynu ¿apti siwällapächun, juc ishcay tantallapächun malcäpa ñawpäninćhu yaꞌa quiquïtalä jalutacuyalcämanquimanpis imamá?’ nil.

20“Chaymi yaꞌa Tayta Dios ní: Chaynu awnichinayquipä maquiquićhu aläja watacuśhayquiwan pälï pishuctanu malcäta palpachishayquip cuntranmi yaꞌa cayá. Chayta maquiquipïta wicapalculmi malcäta yaꞌa libraycul päliculcänanpä caćhaycüśhä.

21Chaynütacmi umayquićhu śhucupacuyquitapis wicapäśhä. Chaynüpam malcá manaña ćhänalächisha libriña capäcunꞌa. Chaynüpamá yaꞌa Tayta Dios caśhäta yaćhapäcunqui.

22Imallaćhüpis mana cäraycuná nunacunätam amcuna casquiquicunawan jucmanyachipäculanqui. Aśhwanpa mana allin nunacunätañatacmi ichá mana allinninćhu tacyalpachipäculanquilä canpis. Awari, chay juchanpi mana wanaculcal nï salbaculcänanpämari callpanchapäculanquipis.

23Canan má, amcuna manañamá yanꞌal willacuycunacta willacuyalcanquiñachu, nï ‘Tayta Diosmi caynu licaycachiman’ nilpis niyalcanquiñachu. Maquiquipïmari malcäta libraycuśhä. Chaynüpamá yaꞌa Tayta Dios caśhäta yaćhapäcunqui” nil.